သတင်းမီဒီယာကောင်စီ သက်တမ်းအသစ်အတွက် ကိုယ်စားလှယ်ရွေးချယ်ပွဲကိုတော့ သြဂုတ်လ (၁၈)ရက်က ရန်ကုန်မြို့ ချက်ထရီယံဟိုတယ်မှာပြုလုပ်ခဲ့ပါတယ်။ သက်တမ်းပြည့်လို့ ပြန်လည်ဖွဲ့စည်းမယ့် သတင်း မီဒီယာ ကောင်စီသစ်မှာတော့ ကိုယ်စားလှယ်(၃၀)ဦး ပါဝင်ခွင့်ရှိမှာဖြစ်ပါတယ်။နိုင်ငံတော်သမ္မတ၊ပြည်သူ့လွှတ်တော်နဲ့အမျိုးသားလွှတ်တော်ဥက္ကဌတို့က အဆိုပြုတဲ့ ကိုယ်စားလှယ်(၃)ဦး အပါအ၀င် ကိုယ်စားလှယ် (၂၀)ဦးကတော့ အဖွဲ့အစည်းအလိုက်ကိုယ်စားပြုပြီး အလိုအလျောက် ပါဝင်ခွင့်ရတာဖြစ်ပါ တယ်။ ဒီထဲမှာ ကဗျာဆရာ အဖွဲ့အစည်းကိုယ်စားပြုပြီး ပါဝင်ခွင့်ရတဲ့ ကိုယ်စားလှယ်တစ်နေရာ အတွက် တော့ စာရင်းပေးသွင်းထားခြင်းမရှိပါဘူး။အခုကော်မတီဝင်ရွေးချယ်ပွဲမှာတော့ ကျန်တဲ့ (၁၀)နေရာအတွက် မဲစနစ်နဲ့ရွေးချယ်ခဲ့ကြတာဖြစ်ပါတယ်။

သတင်းမီဒီယာ အဖွဲ့အစည်းကိုယ်စားပြုယှဉ်ပြိုင်သူ(၉)ဦးထဲက (၅)ဦး၊တစ်ဦးချင်းယှဉ်ပြိုင်သူ(၂၂)ဦးထဲက (၃)ဦး၊နဲ့ စာရေးဆရာ အဖွဲ့ အစည်း ကိုယ်စားပြု ယှဉ်ပြိုင်သ(၅)ဦးထဲက နှစ်ဦးကို ရွေးချယ်ခဲ့တာဖြစ်ပါတယ်။သတင်းမီဒီယာကောင်စီဝင်ရွေးချယ်ရာမှာတော့ ပါဝင်ယှဉ်ပြိုင်သူတွေသာ မဲပေးခွင့်ရှိတာဖြစ်ပြီး ကိုယ်စား လှယ်လောင်းတွေအချင်းချင်း မဲပေးရွေးချယ်ခဲ့တာဖြစ်ပါတယ်။ကိုယ်တိုင်ပါဝင် မဲထည့်ရတာဖြစ်ပြီး နိုင်ငံတော်ဘက်က ရွေးချယ်ပေးတဲ့ သုံးဦးကတော့ ပါဝင် မဲထည့်ခွင့်မရှိပါဘူး။အခုကောင်စီဝင်သစ်ရွေးချယ်ပွဲမှာတော့ ကိုယ်စားလှယ်လောင်း စုစုပေါင်း (၅၅)ဦးရှိပြီး တစ်ဦးက လာ ရောက်ယှဉ်ပြိုင်ခြင်း မရှိပါဘူး။

အခုရွေးချယ်လိုက်တဲ့ ကောင်စီဝင်အသစ်တွေကိုတော့ ရွေးချယ်မှုအပြီး တစ်ပတ်အတွင်း ကန့်ကွက်လွှာပေးနိုင် မှာဖြစ်ပါတယ်။အခုရွေးချယ်ပွဲမှာတော့ သတင်းမီဒီယာ အဖွဲ့အစည်းကိုယ်စားပြု(၅)နေရာအတွက် ဦးချစ်ဝင်းမောင်၊ ဦးကျော်စွာမင်း၊ ဒေါ်အိအိတင်၊ ဦးမြင့်ကျော်နဲ့ ဦးဇင်လင်းတို့ ရွေးချယ်ခံခဲ့ရပြီး တစ်ဦးချင်းယှဉ်ပြိုင်သူထဲက (၃)နေရာအတွက် ဦးဇေယျာလှိုင်၊ ဦးကျော်မင်းဆွေနဲ့ ကိုသာလွန်ဇောင်းထက်တို့ ရွေးချယ်ခံခဲ့ရပါတယ်။ သတင်းမီဒီယာကောင်စီရဲ့ သက်တမ်းက သုံးနှစ်ဖြစ်ပါတယ်။ 

 

 

Related News