(၇၂) နှစ်မြောက် ပြည်ထောင်စုနေ့ကို ဂုဏ်ပြုကြိုဆိုတဲ့အနေနဲ့  စိမ်းလန်းစိုပြည်ဂါးဒင်းမှာ ဖေဖော်ဝါ၇ီလ (၁၂) ရက်ကနေ (၁၄)ရက်အထိ တိုင်းရင်းသားပေါင်းစုံပါဝင်ရောင်းချတဲ့ ဈေးပွဲတော်ပြုလုပ်လျက်ရှိပါတယ်။ပြည်ထောင်စုနေ့ ဈေးပွဲတော်ကို ဖေဖော်ဝါရီလ (၁၂) ရက် ညနေငါးရီမှာ ဖဲကြိုးဖြတ်ဖွင့်လှစ်ခဲ့ပြီး တိုင်းရင်းသားပဒေသာအကတွေနဲ့ ဖျော်ဖြေတင်ဆက်ခဲ့ပါတယ်။ ဈေးပွဲတော်မှာ တိုင်းရင်းသားပေါင်းစုံရဲ့ ရိုးရာဝတ်စုံတွေ၊ အသုံးအဆောင်ပစ္စည်းတွေနဲ့ အစားအစာတွေကို ရောင်းချခဲ့ပါတယ်။ ဒီလို ပွဲတော်ပြုလုပ်ရတာဟာတိုင်းရင်းသားတွေရဲ့ ရိုးရာယဉ်ကျေးမှုနဲ့နေထိုင်စားသောက်ပုံတွေကို တစ်နေရာထဲမှာ တစ်စုတစ်ဝေးတည်း တွေ့မြင်လေ့လာ၊ ဝယ်ယူနိုင်ဖို့ ဖြစ်တယ်လို့သိရပါတယ်။စိမ်းလန်းစိုပြည်ဂါးဒင်းထဲမှာ ပြည်ထောင်စုနေ့အထိမ်းအမှတ်ဈေးရောင်းပွဲတော်ကို စတင်ပြုလုပ်ကတည်းက ရောင်းချနေတဲ့ ဒေါ်နန်းကလည်း ဒီပွဲမှာ ရောင်းချရတဲ့ အတွေ့အကြုံတွေကို အခုလိုပဲပြောပြပါတယ်။ပြည်ထောင်စုနေ့အထိမ်းအမှတ်ဈေးရောင်းပွဲတော်ကို ပြုလုပ်လာတာ ယခုအကြိမ်နဲ့ဆိုရင် ဆယ်ကြိမ်မြောက် ရှိသွားပြီဖြစ်ပြီး မြန်မာ့ယဉ်ကျေးမှုအမွေအနှစ်များ ထိန်းသိမ်းစောင့်ရှောက်ရေးအဖွဲ့က ပူးပေါင်းပါဝင်တာတော့ ဒုတိယအကြိမ်ရှိပြီဖြစ်တယ်လို့သိရပါတယ်။

 

 

Related News