မြန်မာနိုင်ငံမူးယစ်ဆေးဝါးဆန့်ကျင်ရေးအသင်း(ဗဟို) နဲ့ STI University တို့ပူးပေါင်းပြီး မူးယစ်ဆေးဝါးအန္တရာယ် အသိပညာပေးဟောပြောပွဲကို ဖေဖော်ဝါရီလ(၂၁)ရက်က ရန်ကုန်မြို့ MICT Park ၀န်းအတွင်းမှာရှိတဲ့  STI University မှာပြုလုပ်ခဲ့ပါတယ်။မြန်မာနိုင်ငံမူးယစ်ဆေးဝါးဆန့်ကျင်ရေးအသင်း(ဗဟို)အနေနဲ့ မြန်မာနိုင်ငံအတွင်း မူးယစ်ဆေးဝါးသုံးစွဲမှု လျော့ကျသွားအောင် နဲ့ မူးယစ်ဆေးဝါးသုံးစွဲမှုကြောင့်ဖြစ်ပေါ်လာတဲ့ နောက်ဆက်တွဲရောဂါတွေကို လျော့ကျသွားအောင် ပြည်သူလူထုအတွက် အသိပညာပေးတာတွေ ဆောင်ရွက်ပေးနေတာဖြစ်ပါတယ်။အခုပြုလုပ်ခဲ့တဲ့ ဟောပြောပွဲမှာ    လူငယ်တွေ သိထားသင့်တဲ့ မူးယစ်ဆေးဝါးရဲ့ဆိုးကျိုးတွေ၊ မူးယစ်ဆေးဝါးသုံးစွဲမှုကြောင့်ဖြစ်ပေါ်လာတဲ့ နောက်ဆက်တွဲ ရောဂါများအကြောင်းနဲ့  မူးယစ်ဆေးဝါးစတင်ပေါ်ပေါက်လာပုံအကြောင်းတွေကို ပညာပေးဟောပြောခဲ့တာ ဖြစ်ပါတယ်။

ဟောပြောပွဲကိုတော့  လူငယ်တွေအနေနဲ့ မူးယစ်ဆေးဝါးရဲ့ဆိုးကျိုးတွေကို သိရှိစေပြီး ရှောင်ရှားကြစေဖို့ ရည်ရွယ်ချက်နဲ့ STI ကျောင်းသားကောင်စီက စီစဉ်ကျင်းပဖြစ်ခဲ့တယ်လို့သိရပါတယ်။လက်ရှိမှာ မြန်မာနိုင်ငံမူးယစ်ဆေးဝါးဆန့်ကျင်ရေးအသင်း(ဗဟို)က တစ်နိုင်ငံလုံးမှာရှိတဲ့ အခြေခံပညာကျောင်းတွေ၊ တက္ကသိုလ်ကျောင်းတွေမှာ မူးယစ်ဆေးဝါးနဲ့ပတ်သက်တဲ့ဆိုးကျိုးတွေအကြောင်းကို ပညာပေးဟောပြောပွဲတွေ လိုက်လံ ပြုလုပ်ခြင်း၊ မူးယစ်ဆေးဝါးသုံးစွဲပြီးလူငယ်တွေကို လူငယ့်အားမာန်အမည်နဲ့ ပြန်လည်ထူထောင်ရေးလုပ်ငန်းတွေ ပြုလုပ်ပြီး အလုပ်အကိုင်အခွင့်အလမ်းတွေပေးအပ်ခြင်း စတာတွေကို ဆောင်ရွက်နေတာဖြစ်ပါတယ်။ဒီဟောပြောပွဲကို မြန်မာနိုင်ငံမူးယစ်ဆေးဝါးဆန့်ကျင်ရေးအသင်း(ဗဟို)က တာဝန်ရှိသူများ၊ STI University မှ ကျောင်းသားကျောင်းသူများက တက်ရောက်နားထောင်ခဲ့ကြတာဖြစ်ပါတယ်။

 

 

Related News