အရပ်ဖက်လှုမှုအဖွဲ့အစည်းတွေပူးပေါင်းကျင်းပတဲ့ အပြည်ပြည်ဆိုင်ရာမြစ်ချောင်းများနေ့အခမ်းအနားကို မတ်လ(၁၃)ရက်မှ (၁၄)ရက်အထိ မန္တလေးမြို့ Sarkura Princess ဟိုတယ်မှာပြုလုပ်ခဲ့ကြပါတယ်။ အခုကျင်းပခဲ့တဲ့အပြည်ပြည်ဆိုင်ရာမြစ်ချောင်းများနေ့အခမ်းအနားကို"မြစ်ချောင်းများလွတ်လပ်စွာစီးဆင်းပါစေ"ခေါင်းစဉ်နဲ့ပြုလုပ်တာဖြစ်ပြီး မြန်မာနိုင်ငံမှာပထမဆုံးအကြိမ်အဖြစ် တစ်နိုင်ငံလုံးက အရပ်ဖက်လူမှုအဖွဲ့အစည်းနဲ့ ဒေသခံတွေပါဝင်ပြုလုပ်ခဲ့ တာဖြစ်ပါတယ်။မြန်မာနိုင်ငံရဲ့အပြောင်းအလဲ ကာလမှာ ဝင်ရောက်လာတဲ့ စီမံကိန်းတွေနဲ့ပတ်သက်ပြီး မြစ်ချောင်းတွေနဲ့ သက်ဆိုင်တဲ့ ယဉ်ကျေးမှုအမွေအနှစ်တွေ ရိုးရာဓလေ့တွေပျောက်ပျက်သွားမှာစိုးတာကြောင့် ဝိုင်းဝန်းအဖြေရှာကြဖို့မြစ်ချောင်းထိန်းသိမ်းစောင့်ရှောက်ရေးအဖွဲ့တွေ္ပ့စုပေါင်းတွေ့ဆုံကြတာဖြစ်ပါတယ်။

အပြည်ပြည်ဆိုင်ရာမြစ်ချောင်းများနေ့အခမ်းအနားမှာမြန်မာတစ်နိုင်ငံလုံးက အရပ်ဖက်လူမှုအဖွဲ့အစည်းတွေ၊ မြစ်ချောင်းနဲပတ်သက်တဲ့သုတေသနပညာရှင်တွေ၊ ဒေသခံတွေပါဝင်ပြီးမြစ်ချောင်းများပျက်စီးခြင်း၊ စီမံကိန်းဘေးထွက် ဆိုးကျိုးများအကြောင်းအရာနဲ့ဒေသခံတွေမြစ်ချောင်းတွေအပေါ်ထားရှိတဲ့သဘောထားတွေကို တင်ပြဆွေးနွေးခဲ့ကြတာ ဖြစ်ပါတယ်။ ဒီဆွေးနွေးပွဲကရရှိလာတဲ့ အကျိုးရလဒ်တွေကို သုတေသနပြုလုပ်ပြီးတော့ သက်ဆိုင်ရာ အစိုးရထံတင်ပြ ဆွေးနွေးသွားကြမယ်လို့ သိရပါတယ်။အခုပြုလုပ်ခဲ့တဲ့အခမ်းအနားမှာ ဆွေးနွေးချက်တွေ၊ သုတေသနတွေ၊ ဒေသခံတွေကိုယ်တိုင်တွေ့ကြုံရတဲ့အခက်အခဲတွေ မြစ်ချောင်းတွေနဲ့ ပတ်သက်တဲ့အချက်အလက်တွေကို စုစည်းထားတဲ့ ပြခန်းတွေကိုလည်း ပြသခဲ့တာဖြစ်ပါတယ်။

 

 

Related News