(၂၀၁၉)ခုနှစ် ကမ္ဘာ့သွားနှင့်ခံတွင်းကျန်းမာရေးနေ့ကို မြန်မာနိုင်ငံသွားနှင့်ခံတွင်းဆရာဝန်အသင်းကကြီးမှူးပြီး FDI က ကမ္ဘာ့သွားနှင့်ခံတွင်းကျန်းမာရေးနေ့အဖြစ် အသိအမှတ်ပြုထားတဲ့ မတ်လ(၂၀)ရက်မှာ ရန်ကုန်မြို့ Novotel  Hotel မှာကျင်းပခဲ့တာဖြစ်ပါတယ်။ကမ္ဘာ့သွားနှင့်ခံတွင်းကျန်းမာရေးနေ့ကို FDIက (၂၀၁၇)ခုနှစ်၊မတ်လ(၂၀)ရက် ကစတင်ပြီး သတ်မှတ်ကျင်းခဲ့တာ ဖြစ်ပါတယ်။ဒီလိုသတ်မှတ်ပြီး ကျင်းပတာက သွားနှင့်ခံတွင်းရောဂါနဲ့ ပတ်သက်ပြီး ထိန်းချုပ်ကာကွယ်နိုင်တဲ့ အသိပညာတွေကို ကမ္ဘာ့အနှံ့က ပိုမိုသတိထားမိလာစေရန်ဖြစ်ပါတယ်။ဒါ့အပြင်FDIက နိုင်ငံတကာ အသိပေးလှုပ်ရှားမှုတွေကို ဖော်ဆောင်ကာ ကမ္ဘာတစ်ဝှမ်းမှာရှိတဲ့ အဖွဲ့ဝင်နိုင်ငံပေါင်း(၁၄၀)ကျော်မှ သွားနှင့်ခံတွင်းဆရာဝန်အသင်းတွေနဲ့ အတူ မိမိတို့နိုင်ငံနဲ့ကိုက်ညီတဲ့ သွားနှင့်ခံတွင်းကျန်းမာရေးဆိုင်ရာ လှုပ်ရှားမှုတွေကိုလည်း ထောက်ပံ့ဆောင်ရွက်ပေးနေတယ်လို့ သိရပါတယ်။(၂၀၁၉)ခုနှစ် ကမ္ဘာ့သွားနှင့်ခံတွင်းကျန်းမာရေးနေ့အခမ်းအနားမှာ သွားနှင့်ခံတွင်းကျန်းမာရေးအားနည်းပါက ဖြစ်ပေါ်လာနိုင်တဲ့နောက်ဆက်တွဲရောဂါတွေအကြောင်း အသိပညာပေးဟောပြောခြင်း၊(၂၀၁၉)ခုနှစ် ကမ္ဘာ့သွားနှင့်ခံတွင်းကျန်းမာရေးနေ့ စာစီစာကုံးပြိုင်ပွဲအတွက် ဆုချီးမြှင့်ခြင်းတွေနဲ့ (၂၀၁၉)ခုနှစ် ကမ္ဘာ့သွားနှင့်ခံတွင်းကျန်းမာရေးနေ့ အပြုံးအလှပိုင်ရှင်ပြိုင်ပွဲအတွက် ဆုချီးမြှင့်ခြင်းတွေကို ပြုလုပ်ခဲ့တာဖြစ်ပါတယ်။မြန်မာနိုင်ငံသွားနှင့်ခံတွင်းဆရာဝန်အသင်းအနေနဲ့လည်း (၂၀၁၈)ခုနှစ်ကစတင်ပြီး တစ်နိုင်ငံလုံးအတိုင်းအတာအနေနဲ့ သွားနှင့်ခံတွင်းကျန်းမာရေးအသိပညာပေးခြင်းတွေနဲ့ ကုသမှုပေးခြင်းတွေကို တိုင်းဒေသကြီးနဲ့ပြည်နယ်အသီးသီးမှာ လိုက်လံဆောင်ရွက်ပေးနေတယ်လို့ သိရပါတယ်။

 

 

Related News