နိုင်ငံတကာ လမ်းကလေးများနေ့အထိမ်းအမှတ် ဈေးရောင်းပွဲတော်နှင့် ဂီတဖျော်ဖြေပွဲကို လာမယ့် မတ်လ(၂၉)ရက်မှာ ၀င်ကြေးအခမဲ့ ပြုလုပ်သွားမယ်လို့ မတ်လ(၂၁)ရက်က City Star Hotel မှာပြုလုပ်ခဲ့တဲ့ သတင်းစာရှင်းလင်းပွဲက သိရပါတယ်။ နိုင်ငံတကာမှာတော့ ဧပြီလ(၂)ရက်နဲ့ ဧပြီလ(၁၂)ရက်ကို နိုင်ငံတကာလမ်းကလေးများနေ့အထိမ်းအမှတ်အဖြစ် သတ်မှတ်ပြုလုပ်နေတာဖြစ်ပြီး ယခုမြန်မာနိုင်ငံမှာတော့ လာမယ့် မတ်လ(၂၉)ရက်ကို နိုင်ငံတကာ လမ်းကလေးများနေ့ကို ကျင်းပသွားမယ်လို့သိရပါတယ်။ လမ်းပေါ်မှာနေထိုင်ပြီး အလုပ်လုပ်ရင်းအသက်မွေးနေရတဲ့ ကလေးတွေအနေနဲ့ ဘယ်လိုအခွင့်အရေးတွေရသင့်သလဲ၊ လမ်းကလေးတွေအနေနဲ့ ဘယ်လိုပြုစုစောင့်ရှောက်မှုတွေခံယူသင့်သလဲ၊ လမ်းကလေးတွေရဲ့ အိမ်မက်တွေ၊ လမ်းကလေးတွေရဲ့ နှစ်စဉ်ခံစားနေရတဲ့ ဒုက္ခတွေနဲ့ လမ်းကလေးတွေရဲ့ အသံတွေကို ပြည်သူလူထုကို သိရှိအောင် ထုတ်ဖော်ပေးချင်တဲ့ ရည်ရွယ်ချက်နဲ့ Junior Dream (JD) လူမှုကူညီရေးအဖွဲ့က အဆိုပါ နိုင်ငံတကာလမ်းကလေးများနေ့ အထိမ်းအမှတ်ပွဲကို ပြုလုပ်ဖြစ်တာလို့သိရပါတယ်။

နိုင်ငံတကာလမ်းကလေးများနေ့အထိမ်းအမှတ် ဈေးရောင်းပွဲတော်နှင့် ဂီတဖျော်ဖြေပွဲမှာ ဈေးရောင်းပွဲတော်အပြင် လမ်းကလေးများနေ့ Photo Exhibition၊  နိုင်ငံတကာလမ်းကလေးများနေ့ အထိမ်းအမှတ် ကလေးငယ်များရဲ့ စကားသံ၊ မျှော်လင့်ချက် ထင်ဟပ်ပြသမှုတွေ အပါအ၀င် Hip hop Show ကိုလည်း ထည့်သွင်းပြုလုပ်သွားမှာ ဖြစ်တယ်လို့ သိရပါတယ်။နိုင်ငံတကာလမ်းကလေးများနေ့ အထိမ်းအမှတ် ဈေးရောင်းပွဲတော်နှင့် ဂီတဖျော်ဖြေပွဲကို လာမယ့် မတ်လ(၂၉)ရက်ကနေ မတ်လ(၃၁)ရက်အထိ ဗိုလ်တထောင်ကမ်းနားမှာ ၀င်ကြေးအခမဲ့ ပြုလုပ်သွားမှာဖြစ်ပါတယ်။ နိုင်ငံတကာ လမ်းကလေးများနေ့ အထိမ်းအမှတ် ဈေးရောင်းပွဲတော်နှင့်ဂီတဖျော်ဖြေပွဲကို Junior Dream (JD) လူမှုကူညီရေးအဖွဲ့ကပြုလုပ်တာဖြစ်ပြီး  A&M Mahar ကုမ္ပဏီ၊ တောင်ကြီးမောက်မယ်၊ MILTON တို့က ပွဲဖြစ်မြောက်ရေးအတွက် ထောက်ပံ့ပေးသွားမှာဖြစ်တယ်လို့ သိရပါတယ်။

 

 

Related News