ရန်ကုန်တရုတ်ယဉ်ကျးမှုစင်တာက ဦးစီးပြီးကျွန်ုပ်တို့၏ပိုးလမ်းမဓာတ်ပုံပြပွဲဖွင့်ပွဲအခမ်းအနားကို ဧပြီလ(၂၃)ရက် ရန်ကုန်မြ်ို့တရုတ်ယဉ်ကျေးမှု စင်တာမှာပြုလုပ်ခဲ့တာဖြစ်ပါတယ်။အခုပြုလုပ်တဲ့ ဓာတ်ပုံပြပွဲဟာ တရုတ်-မြန်မာ နှစ်နိုင်ငံချစ်ကြည်မှုရရှိစေပြီး  ငြိမ်းချမ်းစွာပူးပေါင်းဆောင်ရွက်မှု၊ နှစ်ဦးနှစ်ဖက်အပြန်အလှန်အကျိုးရှိစေမှု ၊ ပြည်သူများ အကြားချစ်ကြည်ရင်းနှီးမှုကိုမြှင့်တင်စေလိုတဲ့ ရည်ရွယ်ချက်နဲ့ ပြုလုပ်တာပါ။ကျွန်ုပ်တို့၏ပိုးလမ်းမဓာတ်ပုံပြပွဲမှာပြည်တွင်းပြည်ပက ဓာတ်ပုံဆရာ (၃၃၀)ကျော်ရိုက်ကူးထားတဲ့ ဓာတ်ပုံပေါင်း(၈၀၀၀)ကျော်ထဲမှာ အကောင်းဆုံးပုံ(၆၀)ကို ရွေးချယ်ပြသထားတာဖြစ်ပါတယ်။ ဒီဓာတ်ပုံတွေကတော့ ပိုးလမ်းမကြီးပေါ်မှာရှိတဲ့ မတူညီတဲ့နိုင်ငံနဲ့ လူမျိုးစုတွေရဲ့ သဘာဝရှုခင်း၊ ယဉ်ကျေးမှု၊ ချမ်းမြေ့သာယာဖွယ်ဘ၀ပုံစံများကိုရိုက်ကူးထားတာဖြစ်ပါတယ်။ကျွန်ုပ်တို့၏ပိုးလမ်းမဓာတ်ပုံပြပွဲမှာ ပြသထားတဲ့ ဓာတ်ပုံတွေက ရောင်းချဖို့မဟုတ်ဘဲ ပြည်သူတွေဗဟုသုတရရှိစေဖို့ ပြသထားတာဖြစ်ပါတယ်။ ဒီဓာတ်ပုံပြပွဲကို ဧပြီလ(၂၃)ရက်ကနေ  မေလ လယ်ထိ ရန်ကုန်တရုတ်ယဉ်ကျေးမှုစင်တာ ပြသသွားမှာဖြစ်တယ်လို့သိရပါတယ်။ဒီပြပွဲကို  မနက် (၉)နာရီမှာ ညနေ (၅)နာရီ အထိ မည်သူမဆို အခမဲ့ လာရောက်ကြည့်ရှုနိုင်တယ်လုိ့ သိရပါတယ်။

 

 

Related News