ဗိုလ်ချုပ်အောင်ဆန်းရုပ်ရှင်ကို လာမယ့်စက်တင်ဘာလကုန်မှာ စတင်ရိုက်ကူးသွားမယ်လို့ဇူလိုင်လ (၁၈)ရက်က ရန်ကုန်မြို့ချင်းချောင်းနန်းတော်မှာပြုလုပ်တဲ့ ဒဿမအကြိမ်မြောက် ဗိုလ်ချုပ် အောင်ဆန်းရုပ်ရှင်ရိုက်ကူး၊ထုတ်လုပ်ရေးလုပ်ငန်းကော်မတီ အစည်းအဝေးကသိရပါတယ်။ဗိုလ်ချုပ်အောင်ဆန်းရုပ်ရှင်ကို (၂၀၁၉)ခုနှစ်စက်တင်ဘာလကုန်မှာစတင်ရိုက်ကူးမှာဖြစ်ပြီး (၅) လကြာအချိန်ယူရိုက်ကူးနိုင်ဖို့ကိုစီစဉ်ထားတယ်လို့သိရပါတယ်။အပြီးသတ်ရိုက်ကူးမှုအနေနဲ့  (၂၀၂၀) ခုနှစ်ဇန်နဝါရီလကုန်မှာ အပြီးသတ်ရိုက်ကူးနိုင်ဖို့စီစဉ်ထားတယ်လို့သိရပါတယ်။ရိုက်ကူးရေုးပြုလုပ်မယ့် နေရာတွေအနေနဲ့နတ်မောက်မြို့၊ရေနံချောင်းနဲ့ ရန်ကုန်မြို့တို့ပါဝင်ပြီးဗိုလ်ချုပ်ရဲ့ငယ်ဘ၀ပုံရိပ်တွေကို အရင်ရိုက်ကူးမှာဖြစ်ပြီး တက္ကသိုလ်ကျောင်းသားဘ၀တွေကိုဆက်လက်ရိုက်ကူးသွားမှာလို့သိရပါတယ်။

လက်ရှိမှာ ရုပ်ရုပ်ရိုက်ကူးနိုင်ဖို့အတွက် ဇာတ်ညွှန်းပိုင်းက ပြီးသလောက်ဖြစ်နေပြီး လိုအပ်တဲ့ ဇာတ်ဝင်ပစ္စည်းစုဆောင်းမှုတွေကိုလည်းစတင်လုပ်ဆောင်နေပြီလို့သိရပါတယ်။ ဒါ့အပြင် ဌာနဆိုင်ရာအသီးသီး နဲ့ ချိတ်ဆက်လုပ်ဆောင်ရမယ့်ကိစ္စတွေအတွက်လည်း စတင်လုပ်ဆောင်နေပြီလို့သိရပါတယ်။ ဗိုလ်ချုပ်အောင်ဆန်းရုပ်ရှင်မှာ ဇာတ်လမ်းအခန်းပေါင်း (၁၁၆)ခန်းပါဝင်ပြီး ငွေကျပ် သိန်း (၁၅၀၀၀)ကိုအသုံးပြုသွားမှာလို့သိရပါတယ်။သရုပ်ဆောင်ရွေးချယ်မှုအပိုင်းနေနဲ့လည်း လက်ရှိသရုပ်ဆောင်လောကမှအနုပညာရှင်များ၊ အနုပညာအထက်တန်းကျောင်းမှ ကျောင်းသား၊ ကျောင်းသူများ၊သရုပ်ဆောင်အဖြစ်အရွေးချယ်ခံဖို့လျှောက်လွှာလျှောက်ထားသူများထဲမှရွေးချယ်သွားမယ်လို့သိရပါတယ်။ဗိုလ်ချုပ်အောင်ဆန်းရုပ်ရှင်ရိုက်ကူးထုတ်လုပ်ရေးလုပ်ငန်းကော်မတီကို (၂၀၁၂)ခုနှစ်ဖေဖော်ဝါရီလ (၁၃)ရက်က ဖွဲ့စည်းခဲ့တာဖြစ်တယ်လို့သိရပါတယ်။

 

 

Related News