ရန်ကုန်တိုင်းဒေသကြီးက စာသင်ကျောင်းတွေမှာ ဂျပန်ဦးနှောက်ရောင် ကာကွယ်ဆေးထိုးနှံဖို့ ရက်ရွှေ့ဆိုင်းလိုက်ရတဲ့ ကျောင်းနေကလေး တစ်သိန်းကျော်ရှိတယ်လို့ ဒီဇင်ဘာ ၃ ရက်က Park Royal ဟိုတယ်မှာ ပြုလုပ်တဲ့ ပြည်သူအခြေပြု ကာကွယ်ဆေးထိုးလုပ်ငန်း သတင်းစာ ရှင်းလင်းပွဲမှ သိရပါတယ်။ ရန်ကုန်တိုင်းဒေသကြီးမှာ ဂျပန်ဦးနှောက်ရောင် ကာကွယ်ဆေးထိုးနှံဖို့ ရက်ရွှေ့ဆိုင်းခဲ့ရတဲ့ ကျောင်းနေကလေး တစ်သိန်းကျော်ရှိတယ်လို့ သိရပါတယ်။ ဖျားနာ၊ နှာစေး၊ ချောင်းဆိုး ရင်ကျပ်နေတာ၊ နားအလယ်ခန်း ရောင်ရမ်းနေတာ၊ တီဘီဆေးကို နှစ်လအတွင်း သောက်နေရတာနဲ့ အရေပြားပေါ်မှာ အနာပေါက်နေတဲ့ ကလေးတွေကို ကာကွယ်ဆေးထိုးနှံဖို့ ရက်ရွှေ့ဆိုင်းခဲ့တယ်လို့ သိရပါတယ်။
 
အဲ့ဒီကလေးတွေကိုတော့ ယခု ဒီဇင်ဘာ(၁၁)ရက်ကစပြီး ပြုလုပ်မယ့် ပြည်သူအခြေပြု ကာကွယ်ဆေးထိုးလုပ်ငန်းမှာ ထည့်သွင်းပြီး ကာကွယ်ဆေးထိုးနှံပေးသွားမယ်လို့ သိရပါတယ်။ ကျောင်းအခြေပြု ကာကွယ်ဆေးထိုး အစီအစဉ်ပြုလုပ်ခဲ့တဲ့ တိုင်းဒေသကြီးနဲ့ပြည်နယ် စုစုပေါင်း (၁၇)ခု ရှိပြီး ရခိုင်ပြည်နယ်နဲ့ ရန်ကုန်တိုင်းဒေသကြီးက ကာကွယ်ဆေး လွှမ်းခြုံတဲ့ ရာခိုင်နှုန်း အနည်းဆုံးဖြစ်ခဲ့တယ်လို့သိရပါတယ်။ ရန်ကုန်တိုင်းဒေသကြီးက ရွှေ့ပြောင်း လူဦးရေများတာကြောင့် စာရင်းအတိအကျရရန် ခက်ခဲပြီး ခန့်မှန်းလူဦးရေရဲ့ (၉၀) ရာခိုင်နှုန်းကို သာ ဂျပန်ဦးနှောက်ရောင် ကာကွယ်ဆေးထိုးနှံပေးနိုင်ခဲ့တာဖြစ်ပါတယ်။
 
ရန်ကုန်တိုင်းဒေသကြီး အတွင်း ကာကွယ်ဆေးထိုးနှံမယ့် ရက်ရွှေ့ဆိုင်းခဲ့ရတဲ့ ကျောင်းနေကလေး(၁၀)ရာခိုင်နှုန်း ကျော်ရှိပြီး တခြား တိုင်းဒေသကြီးနဲ့ပြည်နယ်တွေမှာ ထိုးနှံဖို့ကျန်ရှိတဲ့ ကျောင်းနေကလေး (၅) ရာခိုင်နှုန်းသာ ရှိတယ်လို့သိရပါတယ်။ ရန်ကုန်တိုင်းဒေသကြီးရှိ စာသင်ကျောင်းပေါင်း တစ်ထောင်ကျော်မှာ ဆေးထိုးစုရပ်ပြုလုပ်ပြီး ကျောင်းနေကလေး ဆယ်သိန်းနီးပါးကို ဂျပန်ဦးနှောက်ရောင် ကာကွယ်ဆေး ထိုးနှံပေးနိုင်ခဲ့တယ်လို့ သိရပါတယ်။ နိုဝင်ဘာ ၁၅ ရက်ကနေ နိုဝင်ဘာ ၂၃ ရက်အတွင်းပြုလုပ်ခဲ့တဲ့  ကျောင်းအခြေပြု ကာကွယ်ဆေးထိုးလုပ်ငန်းမှာ တစ်နိုင်ငံလုံးမှကျောင်းနေကလေးဦးရေ ရှစ်ဒသမ သုံးသန်းကို ထိုးနှံပေးနိုင်ခဲ့ပြီး (၉၆)ရာခိုင်နှုန်းကျော် ကာကွယ်ဆေးလွှမ်းခြုံနိုင်ခဲ့တယ်လို့သိရပါတယ်။ 
 
 

Related News