အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန လူမှုဖူလုံရေးအဖွဲ့အလုပ်သမားဆေးရုံကြီး (ထန်းတစ်ပင်)က ကျန်းမာရေးအသိပညာပေးဆွေးနွေးခြင်းနှင့်ကွင်းဆင်းဆေးကုသခြင်းများကို သြဂုတ်လ(၁၀)ရက်က ရွှေလင်ဗန်းစက်မှုဇုန်ရှိ ဝေကျယ်မြန်မာအထည်ချုပ်စက်ရုံ(၁) မှာ ပြုလုပ်ခဲ့ပါတယ်။ အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန လူမှုဖူလုံရေးအဖွဲ့အလုပ်သမားဆေးရုံကြီး (ထန်းတစ်ပင်)မှ အထွေထွေရောဂါ နဲ့ သွား/ခံတွင်း ဆရာဝန်တွေ ကကျန်းမာရေးဟောပြောပွဲပြုလုပ်ပြီး၊ ကွင်းဆင်းဆေးကုသပေးခဲ့တာပါ။အခုလိုဆေးကုသပေးရာမှာထပ်မံကုသဖို့လိုအပ်သူတွေကို လူမှုဖူလုံရေးအဖွဲ့အလုပ်သမားဆေးရုံကြီး (ထန်းတစ်ပင်) နဲ့ သက်ဆိုင်ရာဆေးရုံ တွေမှာဆက်လက်ကုသပေးမှာဖြစ်တယ်လို့သိရပါတယ်။

ဝန်ထမ်းတွေကတော့ အခုလိုလူမှုဖူလုံရေးအဖွဲ့ အလုပ်သမားဆေးရုံကြီးမှ ဆရာဝန်တွေကိုယ်တိုင်လာရောက် စမ်းသပ်ပေးတာဟာ အလုပ်ချိန်မလစ်ဟင်းတာကြောင့်ဝန်ထမ်းတွေအတွက်အဆင် ပြေတယ် လို့ပြောပါတယ်။ဒါ့အပြင်လိုအပ်တဲ့ဆေးတွေကိုပါ အခမဲ့ပေးတာကြောင့် ပိုအဆင်ပြေတယ်လို့ ပြောပါတယ်။အခုကွင်းဆင်းကုသရာမှာ လူမှုဖူလုံရေးအဖွဲ့အလုပ်သမားဆေးရုံကြီး (ထန်းတစ်ပင်)မှ ယာယီဒုတိယဆေးရုံ အုပ်၊ ဆရာဝန် ၊ သူနာပြု နဲ့ အထောက်အကူပြုအင်အား(၁၁)ဦးပါဝင်တယ်လို့သိရပါတယ်။လက်ရှိ ရန်ကုန်တိုင်းဒေသကြီးအတွင်းမှာ အလုပ်သမား၊ လူဝင်မှုကြီးကြပ် ရေးနှင့်ပြည်သူ့အင်အားဝန်ကြီးဌာန လူမှုဖူလုံရေးအဖွဲ့မှ အလုပ်သမားဆေးရုံကြီး(၂)ရုံနဲ့ လူမှုဖူလုံရေး- ကဲဝဲလ်ဆေးခန်း (၄)ခုဖွင့်လှစ်ထားတယ်လို့သိရပါတယ်။

 

 

 

Related News