မန္တလေးအထွေထွေရောဂါကုဆေးရုံကြီး၊ နှလုံးအထူးကုဌာနအရေးပေါ်နှလုံးသွေးကြောချဲ့ကုသမှု(၆)နှစ်ပြည့် အထိမ်းအမှတ်အခမ်းအနားကိုမတ်လ(၁၇)ရက်ကမန္တလေးမြို့ကွန်ဗင်းရှင်းစင်တာမှာပြုလုပ်ခဲ့ပါတယ်။မြန်မာနိုင်ငံမှာပထမဆုံးအကြိမ်အဖြစ် နှလုံးသွေးကြောပိတ်ရောဂါ အရေးပေါ်နှလုံးသွေးကြောချဲ့ကုသမှုကိုမန္တလေးအထွေထွေရောဂါကုဆေးရုံကြီးမှာ(၂၀၁၃)ခုနှစ်ကစတင်ကုသဆောင်ရွက်နိုင်ခဲ့တာဖြစ်ပါတယ်။ နှလုံးသွေးကြောချဲ့ကုသမှုဟာယခုနှစ်မှာ(၆)နှစ်ပြည့်ပြီးနှလုံးသွေးကြောပိတ်ရောဂါကာကွယ်ခြင်း၊ ကုသခြင်းကိုအများပြည်သူဗဟုသုတရရှိဖို့နဲ့အရေးပေါ်နှလုံးသွေးကြောချဲ့ကုသခြင်းကအကောင်းဆုံးကုနည်းကုထုံးတစ်ခုဖြစ်တဲ့အတွက်

နှလုံးသွေးကြောပိတ်ရောဂါပညာပေးရက်သတ္တပတ်အဖြစ်အခုလိုအထိမ်းအမှတ်အခမ်းအနားပြုလုပ်တာဖြစ်တယ်လို့သိရပါတယ်။ မန္တလေးအထွေထွေရောဂါကုဆေးရုံကြီး၊နှလုံးအထူးကုဌာနအရေးပေါ်နှလုံးသွေးကြောချဲ့ကုသမှု(၆)နှစ်ပြည့်အထိမ်းအမှတ်အခမ်းအနားကိုမန္တလေးတိုင်းဒေသကြီးဝန်ကြီးချုပ်ဒေါက်တာဇော်မြင့်မောင်နဲ့တိုင်းဒေသကြီးအစိုးရအဖွဲ့ဝင်ဝန်ကြီးတွေ၊နှလုံးရောဂါအထူးကုဌာနဆရာဝန်ကြီးတွေ၊ကျောင်းသားကျောင်းသူတွေနဲ့မိဘပြည်သူတွေတက်ရောက်ကြပါတယ်။

နှလုံးသွေးကြောချဲ့ကုသမှု(၆)နှစ်ပြည့်ရက်သတ္တပတ်လှုပ်ရှားမှုအနေနဲ့အများပြည်သူကိုနှလုံးကျန်းမာရေးအသိပညာပေးခြင်း၊ သွေးပေါင်ချိန်နှင့်ကိုယ်အလေးချိန်တိုင်းပေးခြင်း၊အဝလွန်ရောဂါစစ်ဆေးပေးခြင်း၊ဆီးချိုသွေးချိုစစ်ဆေးပေးခြင်းတွေနဲ့ကိုယ်လက်လှုပ်ရှားအစီအစဉ်တွေကိုပြုလုပ်ပေးခဲ့တာဖြစ်ပါတယ်။မန္တလေးအထွေထွေရောဂါကုဆေးရုံကြီး၊နှလုံးအထူးရောဂါကုဌာနကအရေးပေါ်နှလုံးသွေးကြောချဲ့ကွန်ယက်ကို(၂၀၁၅)ခုနှစ်ကထူထောင်ထားပြီး ကွန်ရက်ထူထောင်ပြီးလက်ရှိအချိန်အထိနှလုံးသွေးကြောပိတ်ရောဂါလူနာစုစုပေါင်း (၈၁၈)ဦးကိုလည်းနှလုံးသွေးကြောချဲ့ကုသပေးနေထားနိုင်ခဲ့တယ်လို့သိရပါတယ်။

 

 

Related News