အထက်မြန်မာပြည်မှာရှိတဲ့ နှလုံးသွေးကြောပိတ်လူနာတွေအတွက် အချိန်မီကုသပေးနိုင်ဖို့ နှလုံးသွေးကြောချဲ့ကုသမှု ကုထုံးကို မန္တလေးအထွေထွေရောဂါကုဆေးရုံကြီးမှာ ကုသဆောင်ရွက်ပေးနေတယ်လို့မန္တလေးအထွေထွေ ရောဂါကု ဆေးရုံကြီး၊ နှလုံးရောဂါအထူးကုဌာနမှ တာဝန်ရှိသူထံက သိရပါတယ်။  မန္တလေးသတင်းအဖွဲ့မှအာကာစံက တင်ဆက် ပေးပါမယ်။နှလုံးသွေးကြောပိတ်ရောဂါအရေးပေါ်နှလုံးသွေးကြောချဲ့ကူသမှု(Primary PCI)ကို မြန်မာနိုင်ငံမှာပထမဆုံး အကြိမ်အဖြစ် မန္တလေးအထွေထွေရောဂါကုဆေးရုံကြီးမှာ(၂၀၁၃)ခုနှစ်ကစတင်ကုသဆောင်ရွက်ပေးခဲ့တာ ဖြစ်ပါတယ်။လက်ရှိမှာ နှလုံးသွေးကြောချဲ့ကုသမှုကို မန္တလေးအထွေထွေရောဂါကုဆေးရုံကြီးနှလုံးအထူးကုဌာနမှာ မန္တလေးမြို့ပေါ်နဲ့ အနီးတဝိုက်ကနေအချိန်(၂)နာရီအတွင်း လာရောက်နိုင်တဲ့လူနာတွေကိုအချိန်မီသွေးကြောချဲ့ကုသပေးနေတယ်လို့ သိရပါ တယ်။

အထက်မြန်မာပြည်မန္တလေးမြို့အနီးတစ်ဝိုက်မြို့တွေကနှလုံးသွေးကြောပိတ်လူနာတွေအတွက် မြို့နယ် ဆေးရုံတွေမှာ နှလုံးသွေးကြောချဲ့ဆေးတွေပေးထားပြီး (၂၄)နာရီအတွင်း မန္တလေးအထွေထွေရောဂါကုဆေးရုံကြီးကို လူနာအချိန်မီရောက်ရှိ နိုင်ရင် အရေးပေါ်နှလုံးသွေးကြောချဲ့ကူသမှုကို ကုသပေးနိုင်ဖို့အတွက်လည်း ကွန်ရက်တွေ ဖွဲ့စည်း ကာတိုးချဲ့ကုသ ဆောင်ရွက်ပေးနေတယ်လို့ မန္တလေးအထွေထွေရောဂါကုဆေးရုံကြီး နှလုံးရောဂါအထူးကုဌာန ပါမောက္ခ၊ဌာနမှူး ဒေါက်တာ သန်းသန်းကြိုင်က ပြောပါတယ်။အထက်မြန်မာပြည်မန္တလေးမြို့နဲ့အနီးဆုံးမြို့တွေကနှလုံးသွေးကြောပိတ်လူနာတွေကို ကုသပေးနိုင်ဖို့ မန္တလေးအထွေထွေ ရောဂါကု ဆေးရုံကြီး၊ နှလုံးအထူးရောဂါကုဌာနက အရေးပေါ်နှလုံးသွေးကြောချဲ့ ကွန်ရက်ကို (၂၀၁၅)ခုနှစ်ကစတင်ပြီး ကွန်ယက်ထူထောင်ဆောင်ရွက်ခဲ့တယ်လို့ သိရပါတယ်။ ကွန်ရက်ထူထောင်ပြီး လက်ရှိအချိန်အထိ နှလုံးသွေးကြောပိတ်ရောဂါ လူနာစုစုပေါင်း(၈၁၈)ဦးကိုလည်း နှလုံးသွေးကြောချဲ့ကုသပေးထားနိုင်ခဲ့ပြီးဖြစ်တယ်လို့ သိရပါတယ်။ နှလုံးသွေးကြောပိတ် ရောဂါအတွက် ယခင်ကဆေးသွင်းကုသမှုသာရှိခဲ့ပြီး ယခုနောက်ပိုင်းမှာတော့ ကုသမှုမှာအကောင်းဆုံးနည်းလမ်းဖြစ်တဲ့ အရေးပေါ်နှလုံးသွေးကြောချဲ့ကုသမှုနဲ့ ကုသပေးနေတယ်လို့ သိရပါတယ်။နှလုံးသွေးကြောပိတ်ရောဂါဟာ မမှန်ကန်တဲ့စားသောက်နေထိုင်မှုပုံစံတွေကြောင့် ယခုနောက်ပိုင်းမှာ အသက်အရွယ် ကြီးရင့်သူတွေမှာသာမက အသက်ငယ်ရွယ်သူတွေမှာပါအဖြစ်များလာတဲ့ ရောဂါတစ်ခုဖြစ်လာတယ်လို့ သိရပါတယ်။

 

 

Related News