ဘင်္ဂလားဒေ့ရ်ှလေကြောင်းလိုင်းပိုင် လေယာဉ်တစ်စီးမတော်တဆဖြစ်မှုကြောင့် ခရီးသည်အချို့ထိခိုက်ဒဏ်ရာရရှိခဲ့လို့ အာယုပုဂ္ဂလိက ဆေးရုံမှာ ဆေးကုသမှုခံယူနေပြီး တစ်ဦးတစ်ယောက်မှ အသက်အန္တရာယ်စိုးရိမ်ဖွယ်မရှိဘူးလို့ အာယုပုဂ္ဂလိကဆေးရုံက မေလ( ၉) ရက်မှာ သတင်းထုတ်ပြန်ခဲ့ပါတယ်။                                                                                                                           ဘီမန် ဘင်္ဂလားဒေ့ရ်ှလေကြောင်းလိုင်းပိုင် ခရီးသည်တင်လေယာဉ်တစ်စီးဟာ မေလ(၈)ရက်က ရန်ကုန်အပြည်ပြည်ဆိုင်ရာ လေဆိပ်သို့ ဆင်းသက်စဉ် ပြေးလမ်းချော်ခဲ့တာကြောင့် ထိခိုက်ဒဏ်ရာရသူတွေရှိခဲ့ပါတယ်။မေလ ၉ ရက် နေ့လည်ပိုင်းမှာတော့ လေယာဉ်မှူးအပါအဝင် ခရီးသည် (၁၇) ဦးကို တာမွေမြို့နယ်၊ အာယု ပုဂ္ဂလိကဆေးရုံထံ လွှဲပြောင်းရောက်ရှိပြီး ဆေးကုသမှုခံယူနေတယ်လို့သိရပါတယ်။လူနာ (၁၇) ဦးမှာ ဘင်္ဂလားဒေ့ရ်ှလူမျိုး (၁၁) ဦး၊ တရုတ်လူမျိုး(၃)ဦး၊ မြန်မာလူမျိုး(၂) ဦးနဲ့ အိန္ဒိယလူမျိုး (၁) ဦး တို့ပါဝင်ပြီး ခါးရိုးထိခိုက်တာ၊ ဦးခေါင်းထိခိုက်တာနဲ့ အခြားအသေးစားထိခိုက်လူနာတွေ ပါဝင်ပါတယ်။လက်ရှိမှာ လူနာတွေရဲ့အခြေအနေကောင်းမွန်ပြီး တစ်ဦးတစ်ယောက်မှ အသက်အန္တရာယ် စိုးရိမ်ဖွယ်မရှိဘူးလို့သိရပါတယ်။ ဆေးရုံကုန်ကျစရိတ်တွေကိုတော့ လေကြောင်းလိုင်းကုမ္ပဏီဘက်ကနေ အကုန်ကျခံပေးသွားမယ်လို့သိရပါတယ်။

 

 

Related News