အွန်လိုင်းကနေတစ်ဆင့် ဆရာဝန်တွေနဲ့ ဆွေးနွေးတိုင်ပင်နိုင်အောင် ရေးဆွဲထားတဲ့ Myancare ကျန်းမာရေးဝန်ဆောင်မှု အက်ပလီကေးရှင်းကို မေလ(၂၂)ရက်က ပါရမီကလေးဆေးရုံမှာ တရားဝင်မိတ်ဆက်ခဲ့ပါတယ်။ဒီအက်ပလီကေးရှင်းမှာ အွန်လိုင်းကနေတစ်ဆင့် ကျန်းမာရေးပြဿနာတွေကို အထူးကုဆရာဝန်တွေနဲ့ တိုက်ရိုက် ဆွေးနွေးတိုင်ပင်နိုင်မှာ ဖြစ်ပါတယ်။

အက်ပလီကေးရှင်းရဲ့ လုပ်ဆောင်ချက်တွေမှာ ကျန်းမာရေးဆိုင်ရာပြဿနာတွေကို စာတိုပေးပို့ဆက်သွယ်တာ၊ ဗီဒီယိုခေါ်ဆိုတာ ဒါမှမဟုတ် ဖုန်းနဲ့ဆက်သွယ်တာကနေတစ်ဆင့် မေးမြန်းနိုင်မှာဖြစ်ပြီး အထူးကုဆရာဝန်တွေရဲ့ ဖြေကြားခကတော့ ၁၅ မိနစ်ကို ကျပ်နှစ်ထောင်ကောက်ခံမယ်လို့ သိရပါတယ်။Myancare ကျန်းမာရေးဝန်ဆောင်မှု အက်ပလီကေးရှင်းကို Google Play Store နဲ့ Apple Store တို့ မှာ အခမဲ့ ဒေါင်းလုပ်ရယူအသုံးပြုနိုင်ပြီ ဖြစ်ပါတယ်။အက်ပလီကေးရှင်းမှာ လူနာတွေ မေးမြန်းလာသမျှ အချက်အလက်တွေကို လျှို့ဝှက်ထားပေးမှာဖြစ်ပြီး ကွန်ပျူတာဆာဗာထဲတွေမှာ သိမ်းဆည်းတဲ့ စနစ်အသုံးပြုထားပါတယ်။

Myancare ကျန်းမာရေးဝန်ဆောင်မှု အက်ပလီကေးရှင်းကို မိတ်ဆက်ရတဲ့ ရည်ရွယ်ချက်က့ ကျန်းမာရေးဝန်ဆောင်မှု လက်လှမ်းမမှီတဲ့ နေရာတွေအတွက်ဖြစ်ပြီး ဆေးရုံ၊ ဆေးခန်းသွားဖို့ မလွယ်ကူတဲ့ အချိန်မှာ ဒီ အက်ပလီကေးရှင်းကနေတတ်သိနားလည်တဲ့ ဆရာဝန်တွေရဲ့ အကြံဥာဏ်ကို တောင်းခံနိုင်ဖို့ပဲဖြစ်ပါတယ်။ အက်ပလီကေးရှင်းကို မြန်မာစာနဲ့ အသုံးပြုနိုင်မှာ ဖြစ်ပြီးမြန်မာစကားနားမလည်တဲ့ တိုင်းရင်းသားတွေ အသုံးပြုနိုင်ဖို့လည်း ပြင်ဆင်ဖြည့်စွက်တာတွေ ဆောင်ရွက်နေတယ်လို့သိရပါတယ်။Myancare ကျန်းမာရေးဝန်ဆောင်မှု အက်ပလီကေးရှင်းကို (၂၀၁၈) ခုနှစ်ကတည်းက အသုံးပြုလို့ရနေတာဖြစ်ပြီး လက်ရှိမှာတော့ သုံးစွဲသူဦးရေ တစ်သောင်းကျော်နေပြီလို့သိရပါတယ်။ ဒီအက်ပလီကေးရှင်းမှာ သားဖွားမီးယပ်၊ နှလုံးရောဂါ၊ ကင်ဆာရောဂါ၊ သွေးတိုးဆီးချို၊ စိတ်ရောဂါနဲ့ အာဟာရဗေဒဆိုင်ရာ မေးခွန်းတွေ မေးမြန်းလို့ရနိုင်မှာဖြစ်ပါတယ်။

 

 

Related News