ရာသီတုပ်ကွေး H1N1 အတွက် ကာကွယ်ဆေးကို တစ်နှစ်(၂)ကြိမ် Updateပြုလုပ်ရတယ်လို့ ကမ္ဘာ့ကျန်းမာရေးအဖွဲ့ (WHO Myanmar) ရဲ့ပြောကြားချက်အရသိရပါတယ်။ လက်ရှိပတ်ဝန်းကျင်မှာပြန့်နှံ့နေတဲ့ ရာသီတုပ်ကွေးဗိုင်းရပ်စ်အမျိုးအစားနဲ့ ကာကွယ်ဆေးထဲမှာပါဝင်တဲ့ ရာသီတုပ်ကွေးအမျိုးအစားက လုံးဝတူညီရင် ကာကွယ်နိုင်စွမ်းနဲ့ ထိရောက်မှုက အမြင့်ဆုံးဖြစ်တယ်လို့ သိရပါတယ်။ ဒါကြောင့် ကမ္ဘာ့နိုင်ငံအသီးသီးမှာ တွေ့ရှိရတဲ့ဗိုင်းရစ်တွေကို သက်ဆိုင်ရာ နိုင်ငံအသီးသီးက ကမ္ဘာ့ကျန်းမာရေးအဖွဲ့(WHO)ကို နှစ်စဉ်သတင်းပေးပို့ရတယ်လို့ သိရပါတယ်။ဒီလို ပေးပို့ကျတဲ့ သတင်းအချက်အလက်တွေပေါ်မူတည်ပြီး နောက်တစ်နှစ်တွက်ဖြစ်ပေါ်လာမယ့် ဗိုင်းရစ်အမျိုးအစားတွေကို  ပညာရှင်တွေကခန့်မှန်းဆုံးဖြတ်ပြီး ကာကွယ်ဆေးထုတ်လုပ်ရတယ်လို့ ပြောပါတယ်။

အထက်ဖော်ပြပါကာကွယ်ဆေးက H1N1၊ Influenza B၊ H3N2 စတဲ့ ဗိုင်းရစ်အမျိုးအစားတွေကို ကာကွယ်ပေးနိုင်တယ်လို့သိရပါတယ် ကာကွယ်ဆေးက လူငယ်ပိုင်းတွေအတွက် (၇၀) ရာခိုင်နှုန်း နဲ့(၈၀)ရာခိုင်နှုန်းထိ ကာကွယ်ပေးနိုင်ပေမယ့် (၆၅)နှစ်နဲ့အထက်လူကြီးပိုင်းတွေအတွက်တော့ ကာကွယ်နိုင်စွမ်းလျော့ကျနိုင်တယ်လို့ သိရပါတယ်။

H1N1 ရာသီတုပ်ကွေးကာကွယ်ဆေးက လူတိုင်းထိုးရန်မလိုအပ်ဘဲ ကမ္ဘာ့ကျန်းမာရေးအဖွဲ့(WHO)မှလည်း အသက်(၆)လမှ(၅)နှစ်အရွယ် ကလေးငယ်တွေ၊(၆၅)နှစ်အထက်လူကြီးတွေ၊ ကိုယ်ဝန်ဆောင်တွေ၊ နာတာရှည်ရောဂါသည်တွေ နဲ့ ကျန်းမာရေးဝန်ထမ်း စတဲ့ဖော်ပြပါ(၅)မျိုးကိုသာ အဓိကထားပြီး ကာကွယ်ဆေးထိုးရန်ထောက်ခံချက်ပေးထားတာဖြစ်ပါတယ်။

 

 

Related News