ပြည်ထောင်စုငြိမ်းချမ်းရေးဆွေးနွေးမှုပူးတွဲကော်မတီ (UPDJC)နဲ့ ဖက်ဒရယ်နိုင်ငံများ ဖိုရမ် (Forum of Federations) တို့ဟာ ဖက်ဒရယ်ပြည်ထောင်စု တည်ထောင်မှုရဲ့ကဏ္ဍတစ်ခုဖြစ်တဲ့ ဘဏ္ဍာရေးဆိုင်ရာ ကိစ်္စရပ်တွေကိ်ု မတ်လ၂၀နဲ့ ၂၁၊ ၂ရက်ကြာ ရန်ကုန်မြို့မှာ ဆွေးနွေးနေကြပါတယ်။ဒီဆွေးနွေးပွဲကို UPDJC ရဲ့နိုင်ငံရေးပါတီအစုအဖွဲ့မှာ ပါဝင်တဲ့ နိုင်ငံရေးပါတီ ၂၂ ခုလုံးက နိုင်ငံရေးခေါင်းဆောင်စုစုပေါင်း ၄၀ကျော်တက်ရောက်ကြပြီး ဖက်ဒရယ်စနစ်မှာ ဘဏ္ဍာရေးကဏ္ဍရဲ့အရေးပါမှုနဲ့ ဖက်ဒရယ်အုပ်ချုပ်ရေးစနစ်ရဲ့ စီးပွားရေးမူဝါဒနဲ့ပတ်သက်တာတွေ အပြင် အခွန်ကောက်ခံတဲ့ကိစ်္စရပ်တွေကို ဆွေးနွေးသွားမယ်လို့ သိရပါတယ်။

ဖက်ဒရယ်နိုင်ငံတော်တည်ဆောက်ရာမှာ စီးပွားရေးကဏ္ဍကို ဘယ်လိုတည်ဆောက် ကျမလဲဆိုတာနဲ့ ပြည်နယ်နဲ့ဗဟိုအစိုးရအနေနဲ့ စီးပွားရေးကို ဘယ်လိုခွဲဝေလုပ်ဆောင်ကြမလဲဆိုတဲ့ မေးခွန်းတွေအတွက် ဒီဆွေးနွေးပွဲဟာ အထောက်အကူပြုနိုင်လိမ့်မယ်လို့ ပြောပါတယ်။ပြည်နယ်တစ်ခုချင်းစီကို မျှမျှတတဖွံ့ဖြိုးတိုးတက်အောင် ဘယ်လိုလုပ်ဆောင်မလဲဆိုတာနဲ့ သဘာဝသယံဇာတတွေကို ခွဲဝေသုံးစွဲတဲ့နေရာမှာလည်း ဘဏ္ဍာရေးကိစ္စ္စရပ်တွေဟာ အရေးပါတဲ့အတွက် ပြည်ထောင်စုငြိမ်းချမ်းရေးညီလာခံနဲ့ UPDJC အစည်းအဝေးတွေအပါအ၀င် UPDJC  လုပ်ငန်းကော်မတီတွေရဲ့ ဆွေးနွေးပွဲတွေအတွက်ပါ အကျိုးရှိမယ်လို့ မျှော်လင့်နေတယ်ဆိုပြီး ပြောပါတယ်။

ဒီဆွေးနွေးပွဲကို ဖက်ဒရယ်နိုင်ငံများဖိုရမ်နဲ့ ဥရောပမြန်မာရုံး (E.B.O) တို့ပူးပေါင်းစီစဉ်တာဖြစ်ပြီး ဖက်ဒရယ်နိုင်ငံများဖိုရမ်အနေနဲ့ ၂၀၁၂ ခုနှစကတည်းကနေ ဖက်ဒရယ်စနစ်ဆိုင်ရာအလုပ်ရုံ ဆွေးနွေးပွဲပေါင်းအကြိမ် (၇၀) ကျော် ပြုလုပ်ပြီးဖြစ်တယ်လို့ သိရပါတယ်။ 

 

Related News