အိမ်အကူမိန်းကလေးနှစ်ဦးကို ညှင်းပန်းနှိပ်စက်မှုနဲ့ တစ်နှစ်ကျော်ကြာစစ်ဆေးခဲ့တဲ့ အင်းဝ အပ်ချုပ်ဆိုင်အမှုကို ဒီဇင်ဘာလ (၁၅)ရက်မှာတော့ အပြီးသတ်အမိန့်ချမှတ်လိုက်ပြီ ဖြစ်ပါတယ်။ ရန်ကုန်မြို့အနောက်ပိုင်းခရိုင်တရားရုံးမှာ ခရိုင်တရားသူကြီးက အပြီးသတ် အမိန့်ချမှတ်လိုက်တာ ဖြစ် ပါတယ်။ဒီအမှုနဲ့ပတ်သတ်ပြီး ရာဇသတ်ကြီးပုဒ်မတွေနဲ့ စွဲချက်တင်ခံထားရတဲ့အင်းဝအပ်ချုပ်ဆိုင်မိသားစုဝင် ခြောက်ဦးထဲက အင်းဝအပ်ချုပ်ဆိုင်ပိုင်ရှင် ဒေါ်တင်သူဇာနဲ့သမီးဒေါ်စုမွန်လတ်တို့ကို ထောင်ဒဏ် (၁၆) နှစ် တစ်လစီ၊ ဦးရာဇာထွန်းကို ထောင်ဒဏ်(၁၃)နှစ် တစ်လနဲ့ ဦးတင်မင်းလတ် ကိုတော့ ထောင်ဒဏ်(၉)နှစ် တစ်လ ပြစ်ဒဏ်ချမှတ်ခဲ့ပြီး ဦးကိုလတ်နဲ့ ဒေါ်သီရိလတ်တို့ကတော့ ပြစ်ဒဏ်ကနေလွတ်မြောက်ခဲ့ပါတယ်။
 
အိမ်အကူမိန်းကလေးနှစ်ဦးဖြစ်တဲ့ မသဇင်နဲ့ မစန်းကေခိုင်တို့ နှိပ်စက်ခံမှုနဲ့ပတ်သက်ပြီး အင်းဝအပ်ချုပ်ဆိုင် ပိုင်ရှင် ဒေါ်တင်သူဇာနဲ့သမီး ဒေါ်စုမွန်လတ်တို့ကို လူကုန်ကူးမှုတားဆီး ကာကွယ်ရေး ဥပဒေပုဒ်မ ၂၄၊ နဲ့၂၉ အရ ထောင်ဒဏ် (၁၀)နှစ် ၊အပြင်းအထန် နာကျင်စေမှု ရာဇသတ်ကြီးပုဒ်မ(၃၂၅)  အရ ထောင်ဒဏ်(၅)နှစ် ၊ကလေး သူငယ်ကာကွယ်စောင့်ရှောက်ရေး ဥပဒေပုဒ်မ ၆၆(ဃ)အရ ထောင်ဒဏ် (၁)နှစ်၊ နဲ့ အိမ်တွင်းချုပ်နှောင်ထားမှု ဥပဒေပုဒ်မ(၃၄၁)အရ ထောင်ဒဏ်တစ်လ စုစုပေါင်း တစ်ဦးကို ထောင်ဒဏ်(၁၆)နှစ်တစ်လစီ ပြစ်ဒဏ်ကျခံဖို့ အမိန့်ချ မှတ်လိုက်တာ ဖြစ်ပါတယ်။
 
ဒါ့အပြင် ဒေါ်တင်သူဇာသမက် ဦးရာဇာထွန်းကိုလည်း လူကုန်ကူးမှုတားဆီးကာကွယ်ရေး ဥပဒေပုဒ်မ ၂၄။၃၂ အရ ထောင်ဒဏ်(၇)နှစ်၊ အပြင်းအထန် နာကျင်စေမှု ရာဇသတ်ကြီးပုဒ်မ (၃၂၅)အရ ထောင်ဒဏ်(၅)နှစ်၊ ကလေးသူငယ် ကာကွယ်စောင့် ရှောက်ရေး ဥပဒေပုဒ်မ ၆၆(ဃ)အရ ထောင်ဒဏ် (၁)နှစ်နဲ့ အိမ်တွင်းချုပ် နှောင်ထားမှု ဥပဒေပုဒ်မ (၃၄၁) အရ ထောင်ဒဏ်တစ်လ စုစုပေါင်း ထောင်ဒဏ် (၁၃)နှစ်တစ်လ ကျခံဖို့ အမိန့်ချမှတ်ခဲ့ ပါတယ်။
 
အင်းဝအပ်ချုပ်ဆိုင်ပိုင်ရှင် ဒေါ်တင်သူဇာရဲ့ သားဦးတင်မင်းလတ်ကိုတော့ လူကုန်ကူးမှု တားဆီး ကာကွယ်ရေး ဥပဒေပုဒ်မ ၂၄။၃၂ အရ ထောင်ဒဏ်(၇)နှစ်၊ကလေးသူငယ်ကာကွယ်စောင့် ရှောက်ရေး ဥပဒေပုဒ်မ ၆၆(ဃ)အရ ထောင်ဒဏ် (၁)နှစ်၊ သာမန်နာကျင်စေမှု ပုဒ်မ (၃၂၃)အရ ထောင်ဒဏ် (၁)နှစ်နဲ့ အိမ်တွင်းချုပ် နှောင်ထားမှု ဥပဒေပုဒ်မ(၃၄၁)အရ ထောင်ဒဏ် တစ်လ စုစုပေါင်း ထောင်ဒဏ် (၉)နှစ်တစ်လ ပြစ်ဒဏ်ချမှတ်ခဲ့ပါတယ်။
 
လက်ရှိအမှုမှာ တစ်နှစ်ကျော်ကြာမြင့်နေပြီဖြစ်ပြီး ချုပ်ရက်တွေကို ပြစ်ဒဏ်ကနေလျော့ပေါ့ ခွင့်ရခဲ့ပါတယ်။ အင်ဝအပ်ချုပ်ဆိုင်ပိုင်ရှင် ဒေါ်တင်သူဇာရဲ့ခင်ပွန်းဖြစ်သူ ဦးကိုလတ်နဲ့ သမီး ဒေါ်သီရိလတ်နဲ့တို့ကတော့ လူကုန်ကူးမှုနဲ့အပြင်းအထန်နာကျင်စေမှုတို့မှာ အားပေးအားမြောက် ပြုမှုနဲ့ ပူးပေါင်းကြံစည်မှုတွေနဲ့ တရားစွဲဆိုခံခဲ့ရပေမယ့် တစ်နှစ်ကျော်ကြာ အပြန်အလှန် ကြားနားပြီးမှာတော့ အပြစ်မရှိကြောင်း တရားရုံးက ဆုံးဖြတ်ခဲ့ပါတယ်။ ဒီအမှုနဲ့ပတ်သတ်ပြီး အယူခံတက်ခွင့်ရှိတယ်လို့ ခရိုင်တရားသူကြီးက ဆုံးဖြတ်ပါတယ်။
 
 
 

Related News