(၂၀၁၈)ခုနှစ် နှစ်ဆန်းပိုင်းမှာ ရွှေတိဂုံစေတီတော်ကို နိုင်ငံခြားသားဧည့်သည် ၀င်ရောက်မှုကျဆင်းခဲ့ပေမယ့် မတ်လစတင်ပြီး ပြန်လည်မြင့်တက်လာတယ်လို့ သိရပါတယ်။ ရွှေတိဂုံစေတီတော်ကို (၂၀၁၈)ခုနှစ် ဇန်န၀ါရီလနဲ့ ဖေဖော်ဝါရီလရဲ့ နိုင်ငံခြားသားဧည့်ဝင်ရောက်မှုဟာ(၂၀၁၇)ခုနှစ် ကာလတူနဲ့ နှိုင်းယှဉ်ရင် နှစ်သောင်းနီးပါးဝင်ရောက်မှုလျော့ကျခဲ့ပါတယ်။

အခုနှစ် မတ်လမှာ(၆၅၀၀)ကျော် ၀င်ရောက်ခဲ့ပြီး (၂၀၁၇)ခုနှစ် မတ်လနဲ့ နှိုင်းယှဉ်ပါက (၁၅၀၀)နီးပါးပိုမို များပြားလာခဲ့တယ်လို့ သိရပါတယ်။ ပြီးခဲ့တဲ့ (၂၀၁၇)ခုနှစ်နဲ့ ကာလတူနှိုင်းယှဉ်ချက်တွေအရ အခုနှစ် ဧပြီလမှာတော့ (၅၀၀)ခန့်များပြားလာခဲ့ပြီး မေလမှာ (၄၀၀၀)နီးပါးထိများပြားလာခဲ့တယ်လို့ သိရပါတယ်။ (၂၀၁၈)ခုနှစ်အတွင်းမှာတော့  ထိုင်း၊ကိုရီးယား၊တရုတ်၊ဂျပန် နိုင်ငံတွေက အများဆုံးလာရောက်ကြတယ်လို့ သိရပါတယ်။ 

နိုင်ငံခြားသားဧည့်သည်တွေအတွက်တောင်ဖက်မုခ်နဲ့ အနောက်ဖက်မုခ်များမှာ ကော်ဖီ၊ စနိုးတာဝါ၊ ရေသန့်ဘူးများကို ပေးထားတာ၊ အိမ်သာများထားရှိပေးထားတာအပြင် လုံချည်များကိုလည်း ငှားရမ်းပေးထားတယ်လို့သိရပါတယ်။ ဒီလိုဝန်ဆောင်မှုတွေကို တောင်ဖက်မုခ်နဲ့ အနောက်ဖက်မုခ်မှာသာပေးထားတာကြောင့် ကျန်တဲ့မုခ်တွေကတက်ရောက်တဲ့ နိုင်ငံခြားသားဧည့်သည်တွေအနေနဲ့ အဆိုပါဝန်ဆောင်မှုတွေကို မသိရှိကြဘူးလို့ပြောပါတယ်။

ဧည့်ဝင်ကြေးကောက်ခံရရှိငွေများကို ရွှေတိဂုံစေတီတော်နဲ့စေတီတော်ပရ၀ဏ်အတွင်း အဆောက်အဦများ ပြန်လည်ပြင်ဆင်မှုအတွက် အသုံးပြုနေတယ်လို့သိရပါတယ်။ ရွှေတိဂုံစေတီတော်ကို (၂၀၁၇)ခုနှစ်အတွင်းမှာ နိုင်ငံခြားသားဧည့်သည်(၅)သိန်းခွဲကျော်ဝင်ရောက်ခဲ့ပေမယ့် (၂၀၁၆)ခုနှစ်နဲ့နှိုင်းယှဉ်ရင် (၆)သောင်းကျော် လျော့ကျသွားပါတယ်။ 

 

 

Related News