ဆောက်လုပ်ရေးဝန်ကြီးဌာန၊ မြို့ပြနှင့်အိမ်ရာဖွံ့ဖြိုးရေးဦးစီးဌာနမှ ၂၀၁၄-၂၀၁၅ ခုနှစ်ကဆောက်လုပ်ပြီးစီးထားတဲ့ တန်ဖိုးနည်း၊ တန်ဖိုးသင့်အိမ်ရာတွေဝယ်ယူခွင့်တွေကို မဲနှိုက်အစီအစဉ်နဲ့ ပထမအသုတ်ကို ဇူလိုင်လ(၁၁)ရက်မှ (၂၀)ရက်ထိ  စတင်ရောင်းချပေးနေတာဖြစ်ပါတယ်။  ဆောက်လုပ်ရေးဝန်ကြီးဌာန၊ မြို့ပြနှင့်အိမ်ရာဖွံ့ဖြိုးရေးဦးစီးဌာနမှ ၂၀၁၄-၂၀၁၅ ခုနှစ်က ဆောက်လုပ်ပြီးစီးတဲ့ တန်ဖိုးနည်း၊ တန်ဖိုးသင့်အိမ်ရာတွေကို အစိုးရ၀န်ထမ်း၊ အများပြည်သူ၊ ပင်စင်စားနဲ့ ကုမ္ပဏီဝန်ထမ်းတွေက လာရောက်လျှောက်ထား တဲ့ အိမ်ရာဝယ်ယူခွင့် လျှောက်လွှာပေါင်း (၆၀၂၇)ရှိပါတယ်။

ဒီလျှောက်လွှာတွေကို ရန်ကုန်တိုင်းဒေသကြီးအစိုးရ အဖွဲ့ရောင်းချရေးအဖွဲ့မှ စီစစ်ပြီး ဇွန်လ(၂၅)ရက်က  လှိုင်သာယာ၊ ရွှေပြည်သာ၊ ဒဂုံဆိပ်ကမ်း၊ တောင်ဒဂုံ၊ မြောက်ဥက္ကလာ ရွှေပေါက်ကံမြို့နယ်တို့မှာရှိတဲ့  တန်ဖိုးနည်း၊ တန်ဖိုးသင့် အိမ်ရာ (၈၆၄)ခန်းကို မဲနှိုက်ရွေးချယ်ခဲ့ပြီး ဇူလိုင် (11)ရက်မှာတော့ ပထမအသုတ်အနေနဲ့ ရောင်းချနေတာဖြစ်ပါတယ်။ ပထမအသုတ်မှာ မဲနှိုက်စနစ်အရ ၀ယ်ယူခွင့်ရရှိသူတွေထဲမှာ ပြည်သူက ၀ယ်ယူခွင့်အများဆုံးရရှိခဲ့တာဖြစ်ပြီး၊ ဒီပထမအသုတ်မှာ ၀ယ်ယူခွင့်မရရှိသူတွေအတွက် ထပ်မံဆောက်လုပ်သွားမယ့် အိမ်ရာ၊ တိုက်ခန်းတွေကို  ဆက်လက် ရောင်းချပေးသွား မှာဖြစ်တယ်လို့ သိရပါတယ်။

ပထမအသုတ် ၀ယ်ယူခွင့်ရရှိထားသူတွေအနေနဲ့ အိမ်ရာလျှောက်ထားသူကိုယ်တိုင် နိုင်ငံသားစီစစ်ရေးကဒ်ပြား မူရင်းနဲ့ အတူ ဇူလိုင်လ(၁၁)ရက်ကစတင်ပြီး (၂၀)ရက်အထိ မြို့ပြနှင့်အိမ်ရာဖွံ့ဖြိုးရေးဦးစီးဌာန (ရန်ကုန်တိုင်းဒေသကြီ ညွှန်ကြားရေးမှူးရုံး)မှာ တိုက်ခန်းနဲ့ပတ်သက်တဲ့ အချက်လက်များကို ဖြည့်စွက်ပေးရမှာဖြစ်ပါတယ်။တိုက်ခန်းဝယ်ယူခွင့်ရတဲ့ ပြည်သူတွေအတွက် မြို့နယ်ချထားပေးမှုကို  ဇူလိုင်လ(၂၅)ရက်နဲ့ (၂၆)ရက်တို့မှာ မဲနှိုသွားမယ်လို့ သိရပါတယ်။

 

 

 

Related News