မြန်မာနိုင်ငံလုပ်သားများ ကျွမ်းကျင်မှု 'စံ' သတ်မှတ်ပြဌာန်းရေးအဖွဲ့(NSSA)ရဲ့  ကျွမ်းကျင်လုပ်သား(၅၀၀၀)ဦးကို စီစစ်အကဲဖြတ်ရေး လုပ်ငန်းစဉ်အရ ကျမ်းကျင်လုပ်သား (၆၂၆) ဦးအား အသိအမှတ်ပြုလက်မှတ်ပေးအပ်ပွဲကို ဇူလိုင်လ(၁၄)ရက်က ရန်ကုန်မြို့၊ ဆောက်လုပ်ရေးဝန်ကြီးဌာန၊ ဗဟိုသင်တန်းကျောင်း(အစည်းအဝေး)ခန်းမမှာ ပြုလုပ်ခဲ့တာဖြစ်ပါတယ်။၂၀၁၇-၂၀၁၈ ဘဏ္ဍာရေးနှစ် မြန်မာနိုင်ငံလုပ်သားများကျွမ်းကျင်မှု 'စံ' သတ်မှတ်ပြဌာန်းရေးအဖွဲ့(NSSA)ရဲ့ ကျွမ်းကျင် လုပ်သား(၅၀၀၀)ဦး မွေးထုတ်ရေးစီစစ်အကဲဖြတ်ရေးလုပ်ငန်းစဉ်အရ လေအေးပေးစက်တပ်ဆင်မှု၊ လျှပ်စစ်တပ်ဆင်မှု၊ အထည်ချုပ်ကျွမ်းကျင်မှု အစရှိတဲ့ အလုပ်အကိုင်(၁၄)မျိုးကို ၂၀၁၈ခုနှစ် ဇန်န၀ါရီလနဲ့ ဖေဖော်ဝါရီလမှာ ဖြေဆိုအောင်မြင်ခဲ့တဲ့ ကျွမ်းကျင်လုပ်သား(၆၂၆)ဦးကို အမျိုးသားအဆင့် ကျွမ်းကျင်မှု အသိအမှတ်ပြု လက်မှတ်ပေးအပ်ခဲ့တာဖြစ်ပါတယ်။ဒါ့အပြင် ကျွမ်းကျင်လုပ်သားများကို သက်ဆိုင်ရာ လုပ်ငန်းတွေ မှာ ကျွမ်းကျင်မှု 'စံ' နှုန်း ပြည့်မှီမှု ရှိ၊ မရှိအတွက် အကဲဖြတ်ပေးခဲ့တဲ့ ကျွမ်းကျင်မှုစစ်ဆေးအကဲဖြတ်ရေးဌာန (၉)ခု နဲ့ စစ်ဆေးအကဲဖြတ်သူ(၂၀)ဦး ကိုလည်းအသိအမှတ်ပြုလက်မှတ်ပေးအပ်ခဲ့တာ ဖြစ်ပါတယ်။

ကျွမ်းကျင်လုပ်သား(၅၀၀၀)ဦး မွေးထုတ်ရေး စီစစ်အကဲဖြတ်ရေးလုပ်ငန်းစဉ်ကို အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှတာဝန်ယူဆောင်ရွက်နေတာဖြစ်ပြီး၊ မြန်မာနိုင်ငံ လုပ်သားများ ကျွမ်းကျင်မှု 'စံ' သတ်မှတ်ပြဌာန်းရေးအဖွဲ့(NSSA)မှ လုပ်သားဈေးကွက်နဲ့ အလုပ်အကိုင် ဖွံ့ဖြိုး တိုးတက်စေဖို့၊ သက်ဆိုင်ရာလုပ်ငန်းရှင်တွေအတွက် မိမိလုပ်ငန်းခွင်အတွင်း အမှန်တကယ်ကျွမ်းကျင်မှုပြည့်ဝ တဲ့လုပ်သားများရရှိစေဖို့နဲ့ အစိုးရ၊ အလုပ်ရှင်၊ အလုပ်သမားအပြင် နိုင်ငံတော်ဖွံ့ဖြိုး တိုးတက်စေဖို့ ရည်ရွယ် ဆောင်ရွက်နေတာဖြစ်တယ်လို့ သိရပါတယ်။မြန်မာနိုင်ငံ လုပ်သားများ ကျွမ်းကျင်မှု 'စံ' သတ်မှတ်ပြဌာန်းရေးအဖွဲ့(NSSA)က ၂၀၁၇-၂၀၁၈ ဘဏ္ဍာရေးနှစ်အတွင်း ကျွမ်းကျင်လုပ်သား(၅၀၀၀)ဦးကို စီစစ်အကဲဖြတ်ရေးလုပ်ငန်းစဉ်အရ အလုပ်အကိုင်(၁၈)မျိုးအတွက် လုပ်သား(၅၈၅၅)ဦးကို စစ်ဆေးအကဲဖြတ်ခဲ့ရာ (၅၁၆၄)ဦးအောင်မြင်ခဲ့တာကြောင့် အောင်မြင်မှုရာခိုင်နှုန်း(၈၀)သာရှိခဲ့ပေမယ့် လုပ်ငန်းစဉ်ရဲ့ လုပ်သား(၅၀၀၀)ဦးထက် ပိုမိုကျော်လွန်နေခဲ့ပြီဖြစ်တယ်လို့ သိရပါတယ်။

 

 

Related News