ကြားဖြတ် ရွေးကောက်ပွဲ ပြုလုပ်မယ့် မဲဆန္ဒနယ်တွေက မဲပေးခွင့်ရှိသူ တစ်ဝက်ခန့်ကသာ နိုဝင်ဘာလမှာ ကြားဖြတ်ရွေးကောက်ပွဲ ရှိသည်ကိုသိရှိပြီး သုံးပုံတစ်ပုံ ခန့်ကသာ လက်ရှိ ဇူလိုင်လမှာ မဲစာရင်းကြေငြာမှာကို သိရှိတယ်လို့ ရွေးကောက်ပွဲစောင့်ကြည့်တဲ့ ရွေးကောက်ပွဲဆိုင်ရာ ပြည်သူ့လှုပ်ရှားမှုအဖွဲ့ (ပေ့စ်)(PACE)ရဲ့ ကောက်ယူခဲ့တဲ့စစ်တမ်းအရ သိရပါတယ်။ PACE အနေနဲ့ကြားဖြတ်ရွေးကောက်ပွဲနဲ့ပတ်သက်တဲ့ ဒီစစ်တမ်းကိုဇွန်လကုန်ပိုင်းကပြုလုပ်ခဲ့ပြီး ကြားဖြတ်ရွေးကောက် ပွဲကျင်းပမယ့် မဲဆန္ဒနယ် (၁၃)ခုထဲက (၁၂)ခုမှာ တွေ့ဆုံမေးမြန်းမှုပေါင်း(၁၂၀၀)ကျော်ပြုလုပ်ပြီး ပြုစုထားတယ်လို့ သိရပါတယ်။ စစ်တမ်းအရတော့ သက်ဆိုင်ရာ ရပ်/ကျေးကော်မရှင်တွေမှာ ဇူလိုင်(၉)ရက်နေ (၂၂)ရက်နေ့အထိ မဲစာရင်းကြေငြာထားပြီး  မဲစာရင်းပါအချက်အလက်များကိုသွားရောက်ကြည့်ရှုစစ်ဆေးရန် လိုက်လံနှိုးဆော်သူ မရှိဟုဖြေဆိုသူ တစ်ဝက်ကျော်က ပြောကြားပြီး တစ်ဝက်ကျော်ကတော့  မဲစာရင်းသွားကြည့်မယ်လို့ ဖြေဆိုထားတယ်လို့ သိရပါတယ်။

ဒါပေမယ့် မဲဆန္ဒရှင် ငါးဦးမှာ လေးဦး နှုန်းကတော့ မဲပေးဖို့အစီအစဉ်ရှိတယ်လို့ စစ်တမ်းမှာဖော်ပြထားပါတယ်။ပြီးခဲ့တဲ့ အစိုးရလက်ထက် ကြားဖြတ်ရွေးကောက်ပွဲမှာတော့ မဲလာပေးသူ (၆၇)ရာခိုင်နှုန်းကျော်ရှိပြီး ၊ ၂၀၁၇ ခုနှစ်က ကျင်းပခဲ့တဲ့ ကြားဖြတ် ရွေးကောက်ပွဲမှာတော့ မဲလာ ပေးသူ (၃၅)ရာခိုင်နှုန်းသာရှိခဲ့တယ်လို့သိရပါတယ်။ ဒါအပြင် ရွေးကောက်ပွဲအချိန်ဇယားတွေကို ပိုမိုစောလျင်စွာ ထုတ်ပြန်ပေးပါက အသိပညာ ပေးမှုတွေပိုလုပ်နိုင်မယ်လို့ ဒီအဖွဲ့က သုံးသပ်ပါတယ်။လာမယ့်ကြားဖြတ်ရွေးကောက်ပွဲမှာတော့ လစ်လပ်မဲဆန္ဒနယ် တွေအဖြစ် ပြည်သူ့လွှတ်တော်(၄)နေရာ၊ အမျိုးသား လွှတ်တော် (၁)နေရာနဲ့ တ်ိုင်းဒေသကြီး/ပြည်နယ်လွှတ်တော်(၈)နေရာရှိပါတယ်။၂၀၁၇ လူဦးရေစာရင်းအရ အခု ကြားဖြတ် ရွေးကောက်ပွဲမှာ မဲပေး ခွင့်ရှိသူ (၇)သိန်း(၈)သောင်းကျော်ရှိနေပါတယ်။

 

 

Related News