ပညာရေးဝန်ကြီးဌာန၊ နည်းပညာ၊သက်မွေးပညာနှင့်လေ့ကျင့်ရေးဦးစီးဌာနနဲ့ မြန်မာနိုင်ငံစက်မှုလက်မှု အထက်တန်းကျောင်းသားဟောင်းများအသင်းတို့ပူးပေါင်းဖွင့်လှစ်တဲ့ အခြေခံလျှပ်စစ်သင်တန်း(၁/၂၀၁၈) ဖွင့်ပွဲကို ဇူလိုင်လ(၁၅)ရက်က မြန်မာနိုင်ငံအင်ဂျင်နီယာအသင်းမှာ ပြုလုပ်ခဲ့ပါတယ်။ အခြေခံလျှပ်စစ်သင်တန်းကို တစ်ပတ်မှာ စနေ၊တနင်္ဂနွေ(၂)ရက်နဲ့(၂)လတာသင်ကြားပေးမှာ ဖြစ်ပြီးသင်တန်းပြီးရင်တော့မြန်မာနိုင်ငံစက်မှုလက်မှုအထက်တန်းကျောင်းသားဟောင်းများအသင်း ရဲ့အသိအမှတ်ပြု သင်တန်းဆင်းလက်မှတ်ရရှိမှာဖြစ်ပါတယ်။ သင်တန်းတက်ရောက်ပြီး သင်တန်းသားတွေ အလုပ်အကိုင်ရရှိစေဖို့ ကိုပြင်ပကုမ္ပဏီတွေနဲ့ ချိတ်ဆက်ပေးသွားမယ်လို့သိရပါတယ်။

သင်တန်းတက်ရောက်မယ့်သူတွေကတော့ အနည်းဆုံးအတန်းပညာ(၈)တန်းအောင်မြင်သူဖြစ်ရမယ်လို့သိရပါ တယ်။သင်တန်းသားတွေကတော့ မြန်မာနိုင်ငံစက်မှုလက်မှု အထက်တန်းကျောင်းသားဟောင်းများအသင်းမှ သင်တန်းဆင်းလက်မှတ်ရရှိမယ့်အပြင် အလုပ်အတွက်အထောက်အကူဖြစ်တာကြောင့်သင်တန်းတက်ရောက် ရတာဖြစ်တယ်လို့သင်တန်းသားတွေကပြောပါတယ်။

အခြေခံလျှပ်စစ်သင်တန်းမှာ သင်ကြားပေးမယ့်သင်တန်းဆရာတွေကတော့ အစိုးရနည်းပညာတက္ကသိုလ်မှ ဆရာတွေလာရောက်သင်ကြားပေးမယ်လို့သိရပါတယ်။မြန်မာနိုင်ငံစက်မှုလက်မှု အထက်တန်းကျောင်းသား ဟောင်းများအသင်းအနေနဲ့ အခြေခံလျှပ်စစ်သင်တန်းပြီးပါက အဲကွန်းပြင်သင်တန်း စက်ပစ္စည်းပြင်သင်တန်းနဲ့အဆောက်အဦးသင်တန်းတွေကိုလည်းသင်ကြားပေးသွားမယ်လို့သိရပါတယ်။

 

 

 

Related News