ပြည်ထောင်စုငြိမ်းချမ်းရေးညီလာခံ၂၁ရာစု ပင်လုံ တတိယအစည်းအဝေးမှာ ပြည်ထောင်စု ငြိမ်းချမ်းရေး ဆွေးနွေးမှု ပူးတွဲကော်မတီ-(UPDJC)က တင်သွင်းထားတဲ့ မူဝါဒအဆိုပြုချက်၁၄ချက်လုံးကို အတည်ပြုလိုက်တယ်လို့ သိရပါတယ်။  ပြည်ထောင်စုငြိမ်းချမ်းရေးညီလာခံ၂၁ရာစု ပင်လုံ တတိယအစည်းအဝေးမှာ ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ-(UPDJC)က တင်သွင်းတဲ့ ကဏ္ဍကြီး လေးခုက မူဝါဒအဆိုပြုချက်၁၄ချက်ကို အစုအဖွဲ့လိုက်ဆွေးနွေးတာတွေ၊ ကဏ္ဍအလိုက်ဆွေးနွေးတာတွေပြုလုပ်ခဲ့ပါတယ်။ အဆိုပါဆွေးနွေးမှုတွေကနေရရှိလာတဲ့သဘောထားတွေကို ဇူလိုင်လ၁၅ရက်က နေပြည်တော်မှာရှိတဲ့ မြန်မာအပြည်ပြည်ဆိုင်ရာ ကွန်ဗစ်ရှင်း ဗဟိုဌာန -၂(MICC-2)ပြုလုပ်ခဲ့တဲ့ ၁၇ကြိမ်မြောက် ပြည်ထောင်စု ငြိမ်းချမ်းရေး ဆွေးနွေးမှု ပူးတွဲကော်မတီ-(UPDJC)အစည်းအဝေးမှာ ထပ်မံဆွေးနွေးခဲ့ကြပြီး အတည်ပြု ဆုံးဖြတ်လိုက်တာပါ။ 

အတည်ပြုလိုက်တဲ့ မူဝါဒအဆိုပြုချက်တွေထဲမှာ နိုင်ငံရေး ကဏ္ဍအတွက် အချက်လေးချက်၊ လူမှုရေးကဏ္ဍအတွက် အချက်ခုနှစ်ချက်၊ မြေယာနှင့် သဘာဝပတ်ဝန်ကျင်ကဏ္ဍ အတွက် အချက် ၂ချက်နဲ့ စီးပွားရေးကဏ္ဍအတွက် အချက်တစ်ချက်တို့ ဖြစ်တယ်လို့ သိရပါတယ်။ အတည်ပြုလိုက်တဲ့ အချက်၁၄ချက်ကို  ပြည်ထောင်စု ငြိမ်းချမ်းရေး ညီလာခံ၂၁ရာစု ပင်လုံ တတိယအစည်းအဝေး နောက်ဆုံးနေ့ ဇူလိုင်လ၁၆ရက်မှာ ပြည်ထောင်စု သဘောတူစာချုပ်ရဲ့ အစိတ်အပိုင်း (၂)အဖြစ် လက်မှတ်ရေးထိုးသွားမယ်လို့ သိရပါတယ်။ လက်မှတ်ရေးထိုးပြီးနောက် ကျင်းပပြုလုပ်မည့် ဒုတိယအကြိမ် ပြည်ထောင်စုလွှတ်တော် နဝမပုံမှန် အစည်းအဝေးအတွင်း တင်သွင်းကာ အတည်ပြုသွားမယ်လို့လဲ သိရပါတယ်။ 

၂၀၁၇ခုနှစ် မေလအတွင်း ကျင်းပခဲ့တဲ့ ဒုတိယအကြိမ်ပြည်ထောင်စုငြိမ်းချမ်းရေး ညီလာခံ၂၁ ရာစုပင်လုံ ဒုတိယအစည်းအဝေးမှာ နိုင်ငံရေးကဏ္ဍ မူဝါဒ အဆိုပြုချက် ၁၂ချက်၊ စီးပွားရေးကဏ္ဍ မူဝါဒ အဆိုပြုချက် ၁၁ ချက်၊ လူမှုရေးကဏ္ဍ မူဝါဒ အဆိုပြုချက် ၄ ချက် ၊ မြေယာနှင့် သဘာဝပတ်ဝန်းကျင်ကဏ္ဍ မူဝါဒ အဆိုပြုချက် ၁၀ ချက် စုစုပေါင်း ၃၇ ချက် ကို ပြည်ထောင်စု သဘောတူစာချုပ် ရဲ့ အစိတ်အပိုင်း တစ်ရပ်အဖြစ် လက်မှတ်ရေးထိုး ခဲ့တယ်လို့ သိရပါတယ်။

 

 

 

Related News