သတင်းစာဆရာ၊ စာရေးဆရာလူထုဦးလှနဲ့လူထုဒေါ်အမာတို့ တည်ထောင်ခဲ့တဲ့လူထုကြီးပွားရေးစာအုပ်တိုက်နှစ် (၈၀) ပြည့်အထိမ်းအမှတ်အဖြစ် ဇူလိုင်(၁၅)ရက်က မန္တလေးမြို့ ၈၄လမ်း နဲ့ လမ်း ၃၀ထောင့် လူထုကြီးပွားရေး စာအုပ်တိုက်မှာ ပြုလုပ်ခဲ့ပါတယ်။  လူထုကြီးပွားရေးစာအုပ်တိုက်ကို ၁၉၃၈ခုနှစ်က တည်ထောင်ခဲ့တာဖြစ်ပြီး ယခု၂၀၁၈ခုနှစ်မှာ နှစ်ပေါင်း ၈၀ ပြည့်မြောက်ခဲ့တာဖြစ်ပါတယ်။ အခုအခါမှာတော့ စာအုပ်တိုက်တွေနည်းပါးလာပေမယ့် လူထုကြီးပွားရေးစာအုပ်တိုက်ကတော့ မန္တလေးမြို့ရဲ့သက် တမ်းအရှည်ကြာဆုံးတည်ရှိနေတဲ့ စာအုပ်တိုက်တစ်ခုလည်းဖြစ်ပါတယ်။

ဒီနေ့လူထုကြီးပွားရေးစာအုပ်တိုက်နှစ်(၈၀)ပြည့်အခမ်းအနားကိုမန္တလေးတိုင်းဒေသကြီးဝန်ကြီးချုပ်၊ မန္တလေးမြို့တော်ဝန်အပါအဝင် စာရေးဆရာ၊ သတင်းစာဆရာကြီးများ၊ စာပေအသိုင်းအဝိုင်းကပုဂ္ဂိုလ်များ၊ လူထုကြီးပွာရေးစာအုပ်တိုက်ရဲ့လုပ်ဖော်ကိုင်ဖက်များနဲ့ လူထုကြီးပွားရေး စာအုပ်တိုက်ကို အစဉ်တစိုက်အားပေးကြသူတွေလည်း တက်ရောက်ကြ ပါတယ်။ 

လူထုကြီးပွားရေးစာအုပ်တိုက်နှစ် ၈၀ပြည့် အထိမ်းအမှတ်အဖြစ် လူထုဦးလှ၊ လူထုဒေါ်အမာ၊ တို့ ရေးသား ခဲ့တဲ့စာပေတွေကို စာဖတ်ပရိတ်သတ် အမှတ်တရဖတ်ရှုနိုင်ဖို့ ပြန်လည်ထုတ်ဝေပေးထားတယ်လို့ သိရပါ တယ်။ လူထုကြီးပွာရေးစာအုပ်တိုက်က ကြီးပွားရေးမဂ္ဂဇင်း၊ လူထုဂျာနယ်၊ လူထုသတင်းစာတွေ နဲ့ လူထု ဦးလှ၊ လူထုဒေါ်အမာတို့ ရေးသားထားတဲ့ စာအုပ်တွေကို ထုတ်ဝေခဲ့ပြီး လက်ရှိမှာတော့ပုံနှိပ်လုပ်ငန်းကိုလုပ်ကိုင်နေပါတယ်။ 

လူထု ကြီးပွားရေးစာအုပ်တိုက် ရေရှည်တည်ရှိဖို့ ထိန်းသိမ်းသွားမယ်လို့ လူထုကြီးပွားရေးစာအုပ်တိုက်ရဲ့မျိုးဆက်တစ်ဦးဖြစ်တဲ့ စာရေးဆရာညီပုလေး ကပြောပါတယ်။ လူထုကြီးပွာရေးစာအုပ်တိုက် နှစ်(၈၀)ပြည့် အထိမ်းအမှတ်အဖြစ် စလူထုကြီးပွားရေး တိုက်ထုတ်စာအုပ်တွေကို ဇူလိုင်လ ၁၅ရက်မှ ၁၇ရက်အထိ  ၂၀ရာခိုင်နှုန်းလျှော့ရောင်းချပေးသွားမယ် လို့သိရပါတယ်။ 

 

 

 

Related News