e-IDစနစ်ဟာနိုင်ငံတော်အတွက် မဖြစ်မနေလိုအပ်တဲ့စနစ်တစ်ခုဖြစ်ပြီး အဲဒီစနစ်ကိုအောင်မြင်စွာ အကောင် အထည်ဖော် ဆောင်ရွက်နိုင်ရန်အာလုံးပူးပေါင်းဆောင်ရွက်ပေးကြးဖို့ အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေကတိုက်တွန်းပြောကြားခဲ့ပါတယ်။ e-IDစနစ်တွေကနေရရှိလာတဲ့အချက်အလက်တွေကို အစိုးရအဖွဲ့အစည်းများအားလုံးမျှဝေ သုံးစွဲနိုင်မှာဖြစ်တဲ့အတွက် Single Platformတစ်ခုကိုထူထောင်နိုင်မှာဖြစ်တဲ့အပြင် e- Government စနစ် အောင်မြင်ဖို့ကို လည်းအထောက် အကူပြုနိုင်မှာဖြစ်တယ်လို့သိရပါတယ်။ဒါကြောင့်e-IDစနစ်ဟာနိုင်ငံအတွက်အရေး ပါပြီး အောင်မြင်အောင် အကောင်အထည်ဖော်ဆောင်ရွက်နိုင်ဖို့ အစိုးရအဖွဲ့အစည်း များရဲ့ ပူးပေါင်း ဆောင်ရွက် မှုကလည်းအရေးကြီးသလို ပုဂ္ဂလိကအသင်းအဖွဲ့တွေ၊ နိုင်ငံတကာပညာရှင်များရဲ့ အကူအညီတွေလည်းလိုအပ် တယ်လို့ပြည်ထောင်စုဝန်ကြီး ဦးသိန်းဆွေက ဆိုပါတယ်။

e-IDစနစ်ဟာ နိုင်ငံတကာမှာဆောင်ရွက်နေသလို နည်းပညာအသုံးပြုပြီး နိုင်ငံအတွင်းနေထိုင်သူ တစ်ဦးချင်းစီရဲ့ ကိုယ်ရေးအချက်အလက်၊ လက်ဗွေ၊ မျက်လုံးသူငယ်အိမ်နဲ့ မျက်နှာဓာတ်ပုံတို့ကိုကောက်ယူကာ တစ်ဦးချင်းစီကို Unique ID နံပါတ်တစ်ခုသတ်မှတ်ပေးပြီး မှတ်ပုံတင်ပေးတဲ့စနစ်ဖြစ်ပါတယ်။ Unique ID နံပါတ်တွေကိုအသုံးပြုပြီး အစိုးရအဖွဲ့အစည်းများနဲ့ချိတ်ဆက်ဆာင်ရွက်ခြင်းများပြုလုပ်သွားမှာဖြစ်တဲ့အတွက် အစိုးရရဲ့ လုပ်ငန်း ဆောင်ရွက်မှု တွေဟာ ပိုမိုတိကျမြန်ဆန်လာမယ်လို့သိရပါတယ်။ 

မြန်မာနိုင်ငံအနေနဲ့ e-IDစနစ်ကို တစ်နိုင်ငံလုံးအနှံ့ဆောင်ရွက်မှာဖြစ်လို့ လုပ်ငန်းပမာဏကြီးမားတဲ့ အပြင် နည်းပညာပိုင်းဆိုင်ရာလုံခြုံရေးပိုင်းဆိုင်ရာကဏ္ဍတွေကိုလည်းထည့်သွင်းစဉ်းစား ဆောင်ရွက်ရမှာ ဖြစ်တယ်လို့သိရပါတယ်။ အဆိုပါကဏ္ဍတွေအတွက် လူဦးရေမှတ်ပုံတင်ခြင်းစနစ်ကိုအောင်မြင်စွာ အကောင်အထည်ဖော်ဆောင်ရွက်နိုင်ခဲ့တဲ့ အိန္ဒိယနိုင်ငံရဲ့Aadhaar(အဒါဟာ) စနစ်ကိုစံနမူနာအနေနဲ့ လေ့လာနိုင်စေဖို့အလုပ်ရုံဆွေးနွေးပွဲတစ်ခုကို သြဂုတ်လ(၉)ရက်က နေပြည်တော်မှာရှိတဲ့ အလုပ်သမား၊ လူဝင်မှုကြီးကြပ်ရေး နှင့်ပြည်သူ့အင်အား ၀န်ကြီးဌာနရုံးမှာပြုလုပ်ခဲ့ပါတယ်။ ဆွေးနွေးပွဲမှာ အိန္ဒိယနိုင်ငံကတာဝန်ရှိသူတွေကနိုင်ငံအတွင်းဆောင်ရွက်နေတဲ့ လုပ်ငန်းစဉ်တွေကိုရှင်းလင်းဆွေးနွေးခဲ့ပါတယ်။ e-IDစနစ်ကိုအောင်မြင်စွာအကောင်အထည်ဖော်ဆောင်ရွက်နိုင်ရေးအတွက် e-IDစနစ်လုပ်ငန်းကော်မတီကို ၂၀၁၈ခုနှစ် ဇွန်လ(၁၂)ရက်က ဖွဲ့စည်းထားတယ်လို့သိရပါတယ်။

 

 

Related News