စာရေးဆရာကျော်ကျော်လှိုင်ရဲ့ ဗုဒ္ဓအဆုံးအမဖြင့် အောင်မြင်ခြင်း  စာအုပ်သစ်မိတ်ဆက်ပွဲကို သြဂုတ်လ (၁၄)ရက်က ရန်ကုန်မြို့ Chatrium Hotel မှာပြုလုပ်ခဲ့တာဖြစ်ပါတယ်။ ဗုဒ္ဓအဆုံးအမဖြင့် အောင်မြင်ခြင်း စာအုပ်က စာရေးဆရာကျော်ကျော်လှိုင်ရဲ့ (၁၆)အုပ်မြောက်စာအုပ်သစ်ဖြစ်ပြီး၊ (၃၈)ဖြာ မင်္ဂလာတရားကို အခြေခံပြီး စာရေးသူရဲ့ခေတ်အမြင်နဲ့ ဘ၀အတွေ့အကြုံများကိုပေါင်းစပ်ရေးသားထားတဲ့စာအုပ်တစ်အုပ်ဖြစ်ပါတယ်။

ဗုဒ္ဓအဆုံးအမဖြင့် အောင်မြင်ခြင်းစာအုပ်ကို Smart စာပေမှဖြန့်ချီထားတာဖြစ်ပြီး၊မကောင်းမှုကိုရှောင်ကြဉ်ခြင်း ဆိုတာ ငါးပါးသီလစောင့်ထိန်းခြင်းထက်ပိုတယ်ဆိုတဲ့ အကြောင်းအရာတွေနဲ့ စည်းကမ်း ဖောက်ဖျက်ခြင်း၊ မိမိရဲ့အပြောအဆိုအမူအရာတွေက သူတစ်ပါးကိုထိခိုက်စေခြင်း၊ သဘ၀ပတ်ဝန်းကျင်ကို ပျက်စီးစေတဲ့ အလုပ်တွေကို လုပ်ဆောင်ခြင်းဟာ မကောင်းမှုကို ပြုလုပ်ခြင်း ဖြစ်တယ်ဆိုတဲ့အကြောင်းအရာတွေကို အခြေခံရေးသားထားတာဖြစ်တယ်လို့ သိရပါတယ်။စာရေးဆရာကျော်ကျော်လှိုင်ရဲ့ (၁၆) အုပ်မြောက် စာအုပ်ဖြစ်တဲ့ ဗုဒ္ဓအဆုံးအမဖြင့်အောင်မြင်ခြင်းစာအုပ်ကို  အုပ်ရေ(၂၀၀၀) ဖြန့်ချီပေးနေတာဖြစ်ပြီး၊ စာအုပ်တန်ဖိုးအနေနဲ့  တစ်အုပ်လျှင်ငွေကျပ်(၄၀၀၀)နဲ့ ရောင်းချပေးနေတာဖြစ်ပါတယ်။

 

 

 

 

 

Related News