တရုတ်နိုင်ငံမှာ ကျင်းပပြုလုပ်မယ့် အာဆီယံ - မဲခေါင် ကျောက်မျက်ရတနာပြပွဲကို မြန်မာနိုင်ငံကျောက်မျက်ရတနာလုပ်ငန်းရှင်များက ကျောက်မျက်ရတနာတွေကို သွားရောက်ပြသရောင်းချသွားမယ်လို့ မြန်မာနိုင်ငံကျောက်မျက်ရတနာလုပ်ငန်းရှင်များအသင်း(မန္တလေး)က တာဝန်ရှိသူထံကသိရပါတယ်။ အာဆီယံ - မဲခေါင် ကျောက်မျက်ရတနာပြပွဲကို တရုတ်နိုင်ငံမှာ ၂၀၁၈ ခုနှစ် နိုဝင်ဘာ ၂၃ ရက် မှ ၂၇ ရက်အထိ ၅ရက် ကြာ ကျင်းပပြုလုပ်သွားမှာ ဖြစ်တယ်လို့ သိရပါတယ်။ အခုလို သွားရောက်ပြသရောင်းချ ရတာဟာ မြန်မာ့ ကျောက်မျက်ရတနာ အချောထည်ဈေးကွက် ဖွံ့ဖြိုးတိုးတက်စေဖို့၊ ကျောက်မျက်ရတနာတွေ မြန်မာနိုင်ငံ က ထွက်ရှိတာကို ကမ္ဘာကသိရှိစေဖို့ စတဲ့ရည်ရွယ်ချက်တွေနဲ့ နိုင်ငံတကာ ကျောက်မျက်ရတနာပြပွဲ ကို သွားရောက်ပြသရောင်းချရတာ ဖြစ်တယ်လို့ မြန်မာနိုင်ငံ ကျောက်မျက်ရတနာလုပ်ငန်းရှင်များအသင်း (မန္တလေး)မှ ဒုတိယဥက္ကဋ္ဌ ဒေါ်သန်းသန်းအေးက ပြောပါတယ်။

ယခု ကျင်းပပြုလုပ်မယ့် ကျောက်မျက်ရတနာပြပွဲကို အချောထည် ပြုလုပ်ထားတဲ့ ကျောက်စိမ်း လက်ဝတ်ရတနာ၊ ပတ္တမြား၊ နီလာလက်ဝတ်ရတနာတွေနဲ့ အခြား အမှတ်တရပစ္စည်းတွေပြသရောင်းချသွားမယ်လို့ သိရပါတယ်။ အခုလို သွားရောက် ရောင်းချတဲ့အတွက် လိုအပ်တဲ့ နည်းပညာတွေ ရရှိလာစေမှာ ဖြစ်တယ်လို့ ပြောပါတယ်။ မြန်မာနိုင်ငံကျောက်မျက်ရတနာလုပ်ငန်းရှင်များအသင်း(မန္တလေး) အနေနဲ့ မြန်မာနိုင်ငံမှာ နိုင်ငံတကာ ကျောက်မျက်ရတနာ ပြပွဲတွေကို ပြုလုပ်သွားနိုင်ဖို့ စီစဉ်ဆောင်ရွက်နေတယ်လို့သိရပါတယ်။

 

 

 

Related News