ရန်ကုန်တိုင်းဒေသကြီးအစိုးရအဖွဲ့အနေနဲ့ အများပြည်သူ ကားသစ်တွေစီးနိုင်ဖို့အတွက် ရန်ကုန်မှာရှိနေတဲ့ ယာဉ်ရောင်းဝယ်ရေးစခန်းတွေက တရားမ၀င်ကားအရောင်းအဝယ်တွေနဲ့ ရန်ကုန်ကား တိုးတက်မှုနှုန်းကို  စနစ်တကျထိန်းညှိပေး သွားမှာဖြစ်တယ်လို့ ရန်ကုန်တိုင်းဒေသကြီးအစိုးရအဖွဲ့က ပြောကြားလိုက်ပါတယ်။ သြဂုတ်လ(၂၄)ရက်ကပြုလုပ်တဲ့ ရန်ကုန်တိုင်းဒေသကြီးအစိုးရအဖွဲ့ရဲ့ဒုတိယတစ်နှစ်တာ ဆောင်ရွက်ချက်များ သတင်းစာရှင်းလင်းပွဲမှာ  လက်ရှိ ကားတင်သွင်းရောင်းချနိုင်ရေးကိစ္စရပ်တွေကို ထိန်းသိမ်းထားပြီး  YUQC စနစ်နဲ့ ရန်ကုန်ကားလိုင်စင် ပြန်ပေးနိုင်ဖို့ကို ဆောင်ရွက်နေတယ်လို့ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းက ပြောပါတယ်။ဥပဒေ၊လုပ်ထုံးလုပ်နည်းအရ ကားသစ်တွေနဲ့ ပြည်ပကတင်သွင်းလာတဲ့တစ်ပတ်ရစ်ကားတွေကို ကားအရောင်း စင်တာဖွင့်လှစ်ပြီး စနစ်တကျရောင်းချရမှာဖြစ်တယ်လို့ ၀န်ကြီးချုပ်က ပြောပါတယ်။

ရန်ကုန်မြို့က ကားရောင်းဝယ်ရေးစနစ်တွေထဲမှာ  တစ်နိုင်တစ်ပိုင်ကားတင်သွင်းကာ ယာဉ်ရောင်းဝယ်ရေးစခန်းတွေသွားပြီး ရောင်းချနေတဲ့ကိစ္စကလည်း စိတ်ခေါ်မှုတစ်ခုအဖြစ်နဲ့ ရှိနေတယ်လို့ ၀န်ကြီးချုပ်ကပြောပါတယ်။  ရန်ကုန်က ယာဉ်ရောင်းဝယ်ရေးစခန်းတွေဟာ မိမိအိမ်သုံး၊ကိုယ်ပိုင်သုံးကားတွေကို တစ်ပိုင်တစ်နိုင် ၀ယ်ရောင်းလုပ်ကိုင်နိုင်ဖို့အတွက် ဖွင့်ပေးထားတာဖြစ်တယ်လို့လည်း သိရပါတယ်။ လက်ရှိ တစ်ဦးချင်းပိုင်ကားတွေကို တင်သွင်းလာပြီး လမ်းဘေးမှာ ရောင်းချတာနဲ့ ဂျပန်တစ်ပတ်ရစ်ကားတွေကို တင်သွင်းပြီး စခန်းတွေမှာ တရားမ၀င်ကားရောင်းဝယ်နေတာတွေကို တွေ့နေရတယ်လို့ ဆိုပါတယ်။

ရန်ကုန်ကားစနစ်ကို စနစ်တကျထိန်းသိမ်းဖို့အတွက် ပြည်ထောင်စုနဲ့ တိုင်းဒေသကြီးအစိုးရတို့အကြား ဆွေးနွေးပြီး မော်တော်ယာဉ် တင်သွင်းမှုဥပဒေမှာ  ကားသစ်တွေပဲ ထုတ်လုပ်တင်သွင်းနိုင်ဖို့ ကြိုးပမ်းဆောင်ရွက်နေတယ်လို့ ပြောပါတယ်။ ပြည်တွင်းမှာ ကားသစ်တွေထုတ်လုပ်မှု ပိုမိုဖွံဖြိုးတိုးတက်နိုင်ဖို့ကြိုးပမ်းဆောင်ရွက်နေပြီး အများပြည်သူအတွက်လည်း ကားဟောင်းတွေမဟုတ်တော့ဘဲ ကားသစ်တွေပဲစီးနိုင်ဖို့ ဆောင်ရွက်နိုင်ခဲ့တဲ့အခြေအနေတွေ ရှိလာခဲ့ပြီးဖြစ်တယ်လို့ ၀န်ကြီးချုပ်က ပြောပါတယ်။ ဒီနှစ်အောက်တိုဘာလကနေ စပြီး (YUQC) ရန်ကုန်ကားခွဲတမ်းကို သတ်မှတ်လုပ်ဆောင်ပေးသွားမယ်လို့လည်း သိရပါတယ်။

 

 

Related News