မြန်မာနိုင်ငံ သစ်သီးဝလံ၊ ပန်းမန်နှင့် ဟင်းသီးဟင်းရွက်စိုက်ပျိုးထုတ်လုပ်တင်ပို့ရောင်းချသူများအသင်းရဲ့ ကြီးကြပ်မှုနဲ့ မြန်မာနိုင်ငံဖရဲ၊ သခွားမွှေးစိုက်ပျိုးထုတ်လုပ်တင်ပို့ရောင်းချသူများအသင်းမှ ပထမအကြိမ်  သွင်းအားစုများစုပေါင်းဝယ်ယူသုံးစွဲခြင်းဆိုင်ရာ မိတ်ဖက်အဖွဲ့အစည်းများနဲ့ သဘောတူလက်မှတ်ရေးထိုးပွဲကို စက်တင်ဘာလ(၇)ရက်က UMFCCI မှာပြုလုပ်ခဲ့ပါတယ်။ နွယ်နီဝင်းက တင်ဆက်ပေးမှာပါ။

မြန်မာနိုင်ငံဖရဲ၊သခွားမွှေးစိုက်ပျိုးထုတ်လုပ်တင်ပို့ရောင်းချသူများအသင်းနဲ့ ဖရဲ၊ သခွားမွှေးစိုက်ပျိုးရာမှာအဓိကသွင်အားစုဖြစ်တဲ့ ဓါတ်မြေသြဇာတင်ဒါအောင်မြင်ခဲ့တဲ့ YARA Myanmar Limited၊ ပိုးသတ်ဆေး၊ မှိုသတ်ဆေး တင်ဒါအောင်မြင်ခဲ့တဲ့ JJ PUN Co.,Ltd. ၊ ဓါတ်မြေသြဇာဝယ်ယူခြင်းနဲ့ပတ်သက်ပြီး ငွေကြေးကိစ္စပူးပေါင်းဆောင်ရွက် မယ့် Ayeyarwaddy Farmer Development Bank ၊ YOMA Bank နဲ့ ဖရဲ၊သခွားစိုက်ပျိုးထုတ်လုပ်တဲ့ တောင်သူ(၁၀)ဦးတို့ သွင်းအားစုများစုပေါင်းဝယ်ယူသုံးစွဲဖို့အတွက်သဘောတူလက်မှတ်ရေးထိုးခဲ့တာဖြစ်ပါတယ်။

ဖရဲ၊ သခွားမွှေးစိုက်ပျိုးထုတ်လုပ်တဲ့တောင်သူတွေကတော့ အခုလိုသွင်းအားစုတွေကိုစုပေါင်းဝယ်ယူတဲ့စနစ် ကျင့်သုံးခြင်းကြောင့် သွင်းအားစုများဝယ်ယူရာမှာ ဈေးနှုန်းသက်သာပြီး ပစ္စည်းအရည်အသွေးကောင်းမွန်လာမယ်လို့ ပြောပါတယ်။ယခင်နှစ်က ပြည်ပကိုဖရဲတန်ချိန် (၈)သိန်းကျော်တင်ပို့ခဲ့ပြီး သခွားမွှေးတန်ချိန်က (၁)သိန်းကျော်တင်ပို့ခဲ့တယ်လို့သိရပါတယ်။ မြန်မာနိုင်ငံဖရဲ၊ သခွားမွှေးစိုက်ပျိုးထုတ်လုပ်တင်ပို့ရောင်းချသူများအသင်းအနေနဲ့ ဖရဲ၊ သခွားမွှေးစိုက်ပျိုးထုတ်လုပ်တဲ့တောင်သူတွေကို စိုက်ပျိုးရေး နည်းပညာတွေ သင်ကြားပေးနေတယ်လို့သိရပါတယ်။

 

 

Related News