ပထမအကြိမ် မြန်မာနိုင်ငံသူနာပြုနှင့်သားဖွားကောင်စီစုံညီအစည်းအဝေးကို စက်တင်ဘာလ(၉)ရက်က သူနာပြုတက္ကသိုလ် မှာပြုလုပ်ခဲ့ပြီး ကျန်းမာရေးနှင့်အားကစားဝန်ကြီးဌာန ပြည်ထောင်စုဝန်ကြီး နှင့် ရန်ကုန်တိုင်းဒေသကြီး ၀န်ကြီးချုပ်တို့ တက်ရောက်ခဲ့ ကြပါတယ်။ တစ်နိုင်ငံလုံးရဲ့ ကိုယ်စားလှယ်များဖြစ်တဲ့ သူနာပြုသားဖွားကောင်စီ (၆၀)ဦးတို့က ရှေ့လုပ်ငန်းစဉ်များကို ချမှတ်ဆောင်ရွက်နိုင်ဖို့အတွက်ပထမအကြိမ်မြန်မာနိုင်ငံသူနာပြုနှင့်သားဖွားကောင်စီစုံညီအစည်းအဝေးကို ပြုလုပ်တာဖြစ်တယ်လို့ သိရပါတယ်။

မြန်မာနိုင်ငံမှာ လူနာနဲ့ သူနာပြုဦးရေက အချိုးအစားညီမျှမှုမရှိပဲ လူနာဦးရေကများပြားနေပြီး   သူနာပြုဦးရေကနည်းပါးနေတယ်လို့ သိရပါတယ်။ ယခင်က  သူနာပြုသင်တန်းကျောင်းတွေမှာ တစ်နှစ်ကို သူနာပြုဆရာမဦးရေ (၂၈၀၀)မွေးထုတ်ပေးခဲ့ပြီး (၂၀၁၈)ခုနှစ်မှာ တော့ သူနာပြုဆရာမဦးရေ (၃၆၀၀)အထိ တိုးမြှင့်လက်ခံပေးသွားမယ်လို့ မြန်မာနိုင်ငံသူနာပြုနှင့်သားဖွားကောင်စီက တာဝန်ရှိသူက ပြောပါတယ်။မြန်မာနိုင်ငံသူနာပြုနှင့်သားဖွားကောင်စီအနေနဲ့ ကောင်စီဝင် (၆၀)ဦးရှိပြီး သူနာပြုသားဖွားအတက်အပညာနဲ့လုပ်ငန်းအဆင့်အတန်း စံချိန်စံညွှန်းသတ်မှတ်ခြင်း လုပ်ငန်း၊ သူနာပြုသားဖွားပညာရေးနှင့် လုပ်ငန်းအရည်အသွေးအာမခံမှု အကဲဖြတ်ခြင်းလုပ်ငန်း၊ သူနာပြုသားဖွားကျင့်ဝတ်သိက္ခာ ထိန်းသိမ်းခြင်းလုပ်ငန်း၊ သူနာပြုသားဖွားစည်းကမ်းထိန်းသိမ်းရေးနှင့် ကြီးကြပ်ခြင်းလုပ်ငန်း၊ သူနာပြုသားဖွားမှတ်ပုံတင်စာမေးပွဲစစ်ဆေးခြင်းနှင့်လိုင်စင်ထုတ်ပေးခြင်းနဲ့ သူနာပြုသားဖွားစဉ်ဆက်မပြတ်ပညာရေးဟောပြောခြင်းလုပ်ငန်းတွေကို ဆောင်ရွက်လျှက်ရှိတယ်လို့သိရပါတယ်။မြန်မာနိုင်ငံမှာ သူနာပြုတက္ကသိုလ်(၂)ခု နဲ့ သူနာပြုသားဖွားသင်တန်းကျောင်း (၅၀)တို့မှ နှစ်စဉ်သူနာပြုသိပ္ပံဘွဲ့ (၄၀၀)ခန့်၊ သူနာပြု ဒီပလိုမာဘွဲ့ (၁၇၀၀)ခန့်နဲ့ သားဖွားဒီပလိုမာ (၁၂၀၀)ခန့် မွေးထုတ်ပေးနေတယ်လို့သိရပါတယ်။

 

 

Related News