ရန်ကုန်တိုင်းဒေသကြီး ကော့မှူးမြို့နယ်မှာဖွင့်လှစ်ထားတဲ့ ငှက်အော်စမ်းလူငယ်သင်တန်းကျောင်းမှာ အသက်မွေးဝမ်းကျောင်း ပညာရပ် တွေကိုပါ ထည့်သွင်းသင်ကြားပေးလျက်ရှိပါတယ်။ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန လူမှုဝန်ထမ်းဦးစီးဌာနလက်အောက်မှာရှိတဲ့ ငှက်အော်စမ်းလူငယ်သင်တန်ကျောင်းမှာ အသက်မွေးဝမ်းကျောင်းပညာရပ်တွေကို သင်ကြားပေးလျက်ရှိပါတယ်။ ဒီသင်တန်းကျောင်းဟာ အကြောင်းအမျိုးမျိူးကြောင့် ရောက်ရှိလာတဲ့လူငယ်တွေကို ထိန်းသိမ်းစောင့်ရှောက်ပေးနေတာ ဖြစ်ပါတယ်။ အတန်းပညာသင်ကြားလိုတဲ့ကလေးငယ်တွေကိုတော့ အတန်းပညာသင်ကြားပေးပြီး အတန်းပညာမသင်ယူလိုတဲ့ ကလေးငယ်တွေကိုတော့ အသက်မွေးဝမ်းကျောင်းပညာရပ်တွေကို သင်ကြားပေးလျက်ရှိပါတယ်။

မောင်သိန်းစိုးကတော့ ငှက်အော်စမ်းလူငယ်သင်တန်းကျောင်းကို ရောက်ရှိခဲ့စဉ်က သူဝါသနာပါရာလက်ဝှေ့ပညာကို လေ့လာသင်ယူခွင့်ရခဲ့ပြီး သင်တန်းကျောင်းမှ နေအိမ်သို့ပြန်ရပြီးနောက်ပိုင်းမှာတော့ လက်ဝှေ့ပြိုင်ပွဲတွေကိုဝင်ရောက်ယှဉ်ခဲ့ပြီး ရလဒ်ကောင်းတွေရရှိခဲ့တယ်လို့သိရပါတယ်။ သူအားလပ်ချိန်တွေမှာလည်း သင်တန်းကျောင်းက ကလေးငယ်တွေကို သူတတ်ထားတဲ့ လက်ဝှေ့ကစားနည်းကို ပြန်လည်သင်ကြားပေးနေပါတယ်။ငှက်အော်စမ်းလူငယ်သင်တန်းကျောင်းမှာ လက်ဝှေ့သင်တန်းတွေအပြင် ၀ယ်ဒင်လုပ်ငန်းဆံသလုပ်ငန်း မော်တော်ဆိုင်ကယ်ပြင် လုပ်ငန်းတံမြက်စည်းလုပ်ငန်း ကြိမ်ဝါးလုပ်ငန်း အစရှိတာတွေကို အသက်မွေးဝမ်းကျောင်းပညာရပ်တွေအဖြစ် သင်ကြားပေး လျက်ရှိပါတယ်။ ငှက်အော်စမ်းလူငယ်သင်တန်းကျောင်းမှာ ထိန်းသိမ်းစောင့်ရှောက်ထားတဲ့ လူငယ်ပေါင်း 540ရှိပါတယ်။

အကြောင်းအမျိူးမျိူး ကြောင့် ရောက်ရှိလာတဲ့လူငယ်တွေကို စိတ်ဓာတ်တွေပြန်လည်ကောင်းမွန်အောင် လူအများနဲ့ ပေါင်းသင်းဆက်ဆံရေး အဆင်ပြေအောင် အစရှိတာတွေကို သင်ကြားပေးနေတာဖြစ်ပါတယ်။ ဒါ့အပြင် ငှက်အော်စမ်းလူငယ်သင်တန်းကျောင်းမှာ လူငယ်တွေနဲ့ဖွဲ့စည်းထားတဲ့ အိုးစည် ဒိုးပတ်ဝိုင်းလဲရှိပြီး ၇ွာထဲကအလှူမင်္ဂလာပွဲတွေရှိရင် ဖျော်ဖြေရေးတွေ လိုက်ပါဆောင်ရွက် ပေးတယ်လို့သိရပါတယ်။

 

 

Related News