ခေတ်မီလက်နက်များစနစ်တကျထားသိုထိန်းသိမ်းနိုင်ရေးနှင့်ကျွမ်းကျင်စွာ ကိုင်တွယ်အသုံးပြုပစ်ခတ်နိုင်ရေး (ဆင့်ပွား)(၈/၂၀၁၈) သင်တန်းဆင်းပွဲအခမ်းအနားကို စက်တင်ဘာ(၁၄)ရက်က ရန်ကုန်တိုင်းဒေသကြီး ရဲတပ်ဖွဲ့မှူးရုံးမှာပြုလုပ်ခဲ့ပါတယ်။

သင်တန်းမှာခရိုင်(၄)ခရိုင်နဲ့ရန်ကုန်တိုင်းဒေသကြီးရဲတပ်ဖွဲ့မှူးရုံးက တပ်ဖွဲ့ဝင် စုစုပေါင်း(၁၅၀)ဦးကို သင်ကြားပေးခဲ့ပြီး တပ်ဖွဲ့ဝင်တွေကို မြေပြင်မှာလက်တွေ့ပစ်ခတ်အသုံးပြုနိုင်မယ့် အဆင့်ထိ ရောက်အောင်လက်နက်ဖြုတ်ခြင်း၊ တပ်ဆင်ခြင်းအစရှိတာတွေကို သင်ကြားပေးခဲ့တာဖြစ်ပါတယ်။

မြန်မာနိုင်ငံရဲတပ်ဖွဲ့အနေနဲ့ အရင်ကခေတ်လွန်လက်နတ်တွေကိုသာကိုင်တွယ်အသုံးပြုခဲ့ရပြီး လက်ရှိမှာခေတ်မီလက်နက်တွေနဲ့သာ လေ့ကျင့်သင်ကြားပေးခဲ့တယ်လို့သိရပါတယ်။သင်တန်းကာလအနေနဲ့ (၂)ပတ်သတ်မှတ်ထားပြီး ခရိုင်အလိုက်နည်းပြ(၄၉)ဦးက လေ့ကျင့်သင်ကြားပေးခဲ့တာ ဖြစ်တယ်လို့သိရပါတယ်။ သင်ကြားပေးမယ့်နည်းပြတွေအနေနဲ့ လက်နက်ကိုကျွမ်းကျင်စွာကိုင်တွယ်အသုံးပြုနိုင်ဖို့အတွက် လက်နက်ကို ဘယ်အချိန်တွေမှာအသုံးပြုရမလဲ၊ဘယ်လိုကိုင်တွယ်ရမလဲဆိုတာတွေနဲ့ လက်နက်ထိန်းသိမ်းရေးအပိုင်း တွေအပြင် တရားခံနဲ့ရင်ဆိုင်ရတဲ့အခါမှာလည်း လွယ်ကူစွာဖြေရှင်းနိုင်စေဖို့အတွက် သင်ကြားပေးခဲ့တယ်လို့သိရပါတယ်။ 

 

Related News