စက်တင်ဘာ(၁၅)ရက်က ရန်ကုန်မြို့မှာပထမဆုံးအကြိမ်အဖြစ် ကျင်းပတဲ့ ကမ္ဘာ့သန့်ရှင်းရေးနေ့မှာ  Clean Yangon အဖွဲ့ကဦးဆောင်ပြီး အမှိုက်ကောက်လှုပ်ရှားမှု  ပြုလုပ်ခဲ့ပါတယ်။
ကမ္ဘာ့သန့်ရှင်းရေးနေ့ မြန်မာနိုင်ငံအပါအ၀င် နိုင်ငံပေါင်း(၁၅၀)ကလည်း ပထမဆုံးအကြိမ်အဖြစ် စက်တင်ဘာ(၁၅) ရက်မှာ ကျင်းပခဲ့တယ်လို့ သိရပါတယ်။ Clean Yangon အဖွဲ့ကဦးဆောင်ပြီး အမှိုက်ကောက် လှုပ်ရှားမှုကို မဟာဗန္ဓုလပန်းခြံက စတင်ပြီး ဆိပ်ကမ်းသာလမ်း ၊(၃၄)လမ်း၊(၃၅)လမ်း၊(၃၁)လမ်း၊(၃၂)လမ်း၊ ဗိုလ်ဆွန်ပက်လမ်းနှင့် ဆူးလေဘုရားလမ်း တစ်လျှောက်မှာ အမှိုက်ကောက်ခဲ့ပြီး  မဟာဗန္ဓုလပန်းခြံမှာ ပြန်လည် အဆုးံသတ်ခဲ့ကြတာ ဖြစ်ပါတယ်။

နေ့လည်ပိုင်းမှာတော့ ဗိုလ်တထောင်ကမ်းနား ၊လှည်းတန်းနဲ့ မြေနီကုန်းတို့မှာ အမှိုက်ကောက်တာတွေကို ဆက်လက်ပြုလုပ်သွားမှာဖြစ်ပြီး  ပြည်သူလူထုကိုလည်း အမှိုက်နဲ့ ပတ်သက်တဲ့  အသိပညာပေးအစီအစဉ်တွေ ပြုလုပ်သွားမယ်လို့ သိရပါတယ်။အမှိုက်ကောက်လှုပ်ရှားမှုကို  ရန်ကုန်မြို့တော်စည်ပင်သာယာရေးကော်မတီ(ပတ်ဝန်းကျင် ထိန်းသိမ်းရေနှင့်သန့်ရှင်းရေးဌာန) ကလည်း လူအင်အား(၉၀)အပါအ၀င် လိုအပ်တဲ့ အမှိုက်သိမ်းကား၊အမှိုက်သိမ်းလှည်းတွေကိုကူညီပေးခဲ့ပြီး CSR နှင့် CSOအဖွဲ့အစည်းတွေ ပရဟိတအသင်းအဖွဲ့(၅၀)ကျော် နှင့်   ရှင်သန်းရေးကူညီမှုအသင်းတွေကလည်း  စုပေါင်းအမှိုက် ကောက်ခဲ့ကြတယ်လို့ သိရပါတယ်။

ကမ္ဘာ့သန့်ရှင်းရေးနေ့ကို ရန်ကုန်တိုင်းဒေသကြီးအပါအဝင် နိုင်ငံတွင်းက မြို့ ၃၃ မြို့ မှာလည်း တစ်ပြိုင်နက်တည်း ပြုလုပ်ခဲ့ကြတယ်လို့ သိရပါတယ်။ ရန်ကုန်တိုင်းဒေသကြီးမှာပြုလုပ်တဲ့ ကမ္ဘာ့သန့်ရှင်းရေးနေ့မှာတော့ လူအင်အား (၁၀၀၀) ကျော်က သက်ဆိုင်တဲ့မြို့နယ်တွေမှာ အဖွဲ့လိုက် အမှိုက်ကောက်ယူခဲ့ကြတယ်လို့ သိရပြီး နှစ်စဉ် ကမ္ဘာ့သန့်ရှင်းရေးနေ့ဖြစ်တဲ့ စက်တင်ဘာ(၁၅)ရက်နေ့မှာ အမှိုက်ကောက် Campaignတွေကို ပြုလုပ်သွားမယ်လို့ သိရပါတယ်။

 

 

Related News