မူးယစ်ဆေးစွဲသူများပြန်လည်ထူထောင်ရေးအသင်း(မြန်မာ)ဗဟိုမှ ပြန်ကြားရေးနှင့်ပြည်သူ့ဆက်ဆံရေးဦးစီးဌာနနဲ့ ပူးပေါင်းပြီး ပြည်သူ့စကားဝိုင်းနှင့် စေတနာ့ဝန်ထမ်း မူးယစ်ကြီးကြပ်ရေးမှူးသင်တန်းဆင်းများကိုအသင်းစိစစ်ရေး ကတ်ပြားပေးအပ်တဲ့အခမ်းအနားကို စက်တင်ဘာ(၁၅)ရက်က ကျိုက္ကဆံကွင်း အားကစားနှင့်ကာယပညာသိပ္ပံ(ရန်ကုန်)မှာပြုလုပ်ခဲ့ပါတယ်။ 

ရန်ကုန်တိုင်းဒေသကြီးအစိုးရအဖွဲ့နဲ့ အထွေထွေအုပ်ချုပ်ရေးဦးစီးဌာနရဲ့ ခွင့်ပြုချက်ရယူပြီး ခရိုင်အလိုက်မြို့နယ်များမှ တက်ရောက်သင်တန်းဆင်းပြီးသူတွေကို မူးယစ်ဆေးစွဲသူများပြန်လည်ထူထောင်ရေးအသင်း(မြန်မာ)ဗဟိုက အသင်းစိစစ်ရေးကတ်ပြားပေးအပ်ခဲ့တာဖြစ်ပါတယ်။ မူးယစ်ဆေးစွဲသူများပြန်လည်ထူထောင်ရေးအသင်း (မြန်မာ)ဗဟို အနေနဲ့ မူးယစ်ဆေးဖြတ်ပြီးသူများကို ဆေးပြန်လည်မသုံးစွဲနိုင်အောင်၊ ပတ်ဝန်းကျင်လူမှုအသိုင်းအ၀ိုင်းမှာ ပြည်လည်ဝင်ဆံ့နိုင်အောင်လို့ နောက်ဆက်တွဲစောင့်ရှောက်မှုလုပ်ငန်းတွေကို လုပ်ဆောင်ပေးနေတာဖြစ်ပါတယ်။ ဒါ့ကြောင့် ပြည်သူစကားဝိုင်းမှာ  မူးယစ်ဆေးစွဲသူများပြန်လည်ထူးထောင်ရေးအသင်း(မြန်မာ)ဗဟိုက အားကစားနှင့်ကာယပညာသိပ္ပံက ကလေးတွေကို မူးယစ်ဆေးရဲ့ ဆိုးကျိုးအန္တရာယ်တွေကို သိရှိနားလည်အောင် ပြောပြခဲ့ပါတယ်။

ဒါ့အပြင် အခမ်းအနားမှာ ဗဟိုအသင်းက တာဝန်ပေးအပ်ခြင်းခံထားရတဲ့ ကျောင်းသား လူငယ်ထုဆက်သွယ်ရေးသံတမန် ဟာသသရုပ်ဆောင် ဦးချစ်ချောကို အသိမှတ်ပြု သံတမန်စလွယ် ပေးအပ်ခဲ့ပါတယ်။ ပြည်သူ့စကားဝိုင်းကနေ ကလေးတွေအနေနဲ့ မူးယစ်ဆေးဝါးအန္တရာယ်ဆိုးကျိုးတွေကို သိရှိနားလည်ပြီး ရှောင်ရှား နိုင်အောင် ကလေးငယ်တွေရဲ့ဘ၀မှာ မူးယစ်ဆေးဝါးကို မသုံးစွဲမိအောင် ရည်ရွယ်ပြုလုပ်တာဖြစ်တယ်လို့သိရပါတယ်။ အခမ်းအနားကို ရခိုင်တိုင်းရင်းသားလူမျိုးရေးရာဝန်ကြီးတက်ရောက်ခဲ့ပြီး စေတနာ့ဝန်ထမ်းမူးယစ်ကြီးကြပ်ရေးမှူးသင်တန်းဆင်းများရဲ့ ခရိုင်လိုက်တာဝန်ရှိသူတွေကို သင်တန်းစိစစ်ရေးကတ်ပြားပေးအပ်ခဲ့ပါတယ်။

 

 

 

Related News