မန္တလေးမြို့ ရတနာပုံတက္ကသိုလ် ရုက္ခဗေဒဌာနမှ အဏုဇီဝဗေဒဘာသာရပ်ဆိုင်ရာ ဆရာ၊ဆရာမများမွမ်းမံသင်တန်းကို စက်တင်ဘာလ ၁၅ရက်က စတင်ဖွင့်လှစ်သင်ကြားနေပါတယ်။လက်ရှိ  ရတနာပုံတက္ကသိုလ် ရုက္ခဗေဒဌာနက  အဏုဇီဝဗေဒဘာသာရပ်ကို  မဟာသိပ္ပံသင်တန်းဖွင့်လှစ်ဖို့အတွက် ပြင်ဆင်နေတယ်လို့ သိရပါတယ်။

ဒါကြောင့် ဘာသာရပ်ဆိုင်ရာ သင်ကြားပို့ချရာမှာ ပိုမိုထိရောက်စေဖို့နဲ့ သုတေသနဆိုင်ရာအရည်းအသွေးတွေ မြင့်မားလာစေဖို့အတွက် အခုသင်တန်းကို ဖွင့်လှစ်ရတာဖြစ်တယ်လို့ သိရပါတယ်။ယခုပြုလုပ်တဲ့ အဏုဇီဝဗေဒဘာသာရပ်ဆိုင်ရာ ဆရာ၊ဆရာမများမွမ်းမံသင်တန်းကို ရုက္ခဗေဒဌာနအနေနဲ့ ပထမဆုံးအကြိမ်ပြုလုပ်တာဖြစ်တယ်လို့သိရပါတယ်။

သင်တန်းမှာ စာတွေ့၊ လက်တွေ့နည်းစနစ်တွေနဲ့ ကျောင်းသား၊ကျောင်းသူတွေရဲ့ ရလဒ်တွေကိုသိရှိနိုင်စေဖို့ လုပ်ဆောင်ရမဲ့နည်းလမ်းတွေကို အငြိမ်းစားပါမောက္ခချုပ် ဒေါက်တာဦးဝင်း နဲ့ ပါမောက္ခဌာနမှူး  ဦးဇင်းနစ်ဦး တို့မှ သင်ကြားပို့ချသွားမှာဖြစ်ပါတယ်။  ဒီသင်တန်းကိုတော့ ၂ရက်ကြာ ပြုလုပ်သွားမယ်လို့ သိရပြီး ရုက္ခဗေဒဌာနမှ ဆရာ၊ဆရာမတွေ နဲ့ ရုက္ခဗေဒ နဲ့ အဏုဇီဝဗေဒဂုဏ်ထူးတန်း၊ မဟာတန်းကို တက်ရောက်နေတဲ့ ကျောင်းသား၊ကျောင်းသူတွေ တက်ရောက်ကြတယ်လို့ သိရပါတယ်။ လက်ရှိ ရတနာပုံတက္ကသိုလ် ရုက္ခဗေဒဌာနမှ ရုက္ခဗေဒအထူးပြုဘာသာရပ်ကို မဟာသိပ္ပံဘွဲ့ အထိ သင်ကြားနေပြီး  အဏုဇီဝဗေဒအထူးပြုဘာသာရပ်ကို လက်ရှိ ဂုဏ်ထူးတန်းအထိ သင်ကြား ပို့ချနေတယ်လို့ သိရပါတယ်။  

 

 

 

Related News