နှစ်စဉ် စက်တင်ဘာလ (၁၆)ရက်ကို ကမ္ဘာ့အိုဇုန်းလွှာထိန်းသိမ်းရေးနေ့ အဖြစ်သတ်မှတ်ထားပြီး အထိမ်းအမှတ်ပွဲကို မန္တလေးမြို့၊ အ.ထ.က(၁၆)မှာ ကျင်းပခဲ့ပါတယ်။ အိုဇုန်းလွှာပျက်စီးစေတဲ့ ဒြပ်ပစ္စည်းများဆိုင်ရာ မွန်ထရီယယ် နောက်ဆက်တွဲစာချုပ်ကို ၁၉၈၇ ခုနှစ်၊ စက်တင်ဘာ(၁၆)ရက်နေ့က ကနေဒါနိုင်ငံ၊ မွန်ထရီယယ်မြို့မှာချုပ်ဆိုခဲ့ပြီးနောက် ကမ္ဘာ့အိုဇုန်းလွှာထိန်းသိမ်းရေးနေ့အဖြစ် သတ်မှတ်ခဲ့တာပါ။

မြန်မာနိုင်ငံဟာလည်း  ဒီစာချုပ်မှာအဖွဲ့ဝင် နိုင်ငံတစ်နိုင်ငံအဖြစ် ပါဝင်ပါတယ်။ အိုဇုန်းလွှာဟာ ကလိုရင်းနဲ့ဘရိုမင်းဓါတ်ငွေ့တွေကမ္ဘာမြေပြင်မှထုတ်လွှတ် နေမှုကြောင့်ပျက်စီးနေကြောင်း ၁၉၇၄ခုနှစ် ကစတင်သိရှိခဲ့တဲ့နောက် အိုဇုန်းလွှာပျက်စီးစေတဲ့ ဒြပ်ပစ္စည်းထုတ် လုပ်သုံးစွဲမှုတွေကို တဖြည်းဖြည်း လျှော့ချသွားဖို့နဲ့ ရပ်ဆိုင်းဖို့ကိုကုလသမ္မဂပတ်ဝန်းကျင်ထိန်းသိမ်းရေးအစီအစဉ် UNEP ကဦးဆောင်ဆောင်ရွက်နေတာပါ။

အခုပြုလုပ်တဲ့ ကမ္ဘာ့အိုဇုန်းလွှာထိန်းသိမ်းရေးနေ့အထိမ်းအမှတ်ပွဲက အိုဇုန်းလွှာဟာ လူသားတွေရဲ့ဆောင်ရွက်ချက်ကြောင့်ပါးလာတဲ့ အကြောင်းကို အသိပညာပေးနိုင်ဖို့နဲ့ ကာကွယ်ရမယ့်နည်းလမ်းတွေကို သိရှိစေဖို့ဖြစ်တယ်လို့ သိရပါတယ်။အိုဇုန်းလွှာကို ၈၀ရာခိုင်နှုန်းပျက်စီးစေတာ ကလိုရိုဖလူရိုကာဗွန် CFC ကြောင့်ဖြစ်ပြီး ဒါကို ရေခဲသေတ္တာ၊ ကားအဲကွန်း၊ လေမှုတ်ဆေး၊ ရင်ကြပ်ဝေဒနာသည်တွေအတွက်ရှုဆေး နဲ့ လျှပ်စစ်ပစ္စည်းသန့်စင်ပစ္စည်းတွေ မှာတွေ့ရတယ်လို့သိရပါတယ်။ အိုဇုန်းလွှာပျက်စီးလာရင် နေကလာတဲ့ခရမ်းလွန်ရောင်ခြည်ဘီအမျိုးအစား(UV-B) ဟာ ကမ္ဘာမြေပြင်ကိုတိုက်ရိုက်ကျရောက်ပြီး လူသားတွေအတွက် အရေပြားကင်ဆာ ရောဂါအမျိုးမျိုး၊ မျက်စိတိမ် ဖုံးခြင်း၊ ခုခံအားကျခြင်း၊ လည်ချောင်း၊ အဆုတ်နဲ့ အသက်ရှုခက်ခဲခြင်းတွေဖြစ်ပွား နိုင်တယ်လို့ သိရပါတယ်။

  ရေနေသတ္တဝါတွေမျိုးပွားမှုနဲ့ ဖွံ့ဖြိုးမှုကိုထိခိုက်နိုင်သလို သီးနှံအထွက်နှုန်းကျခြင်း၊ သစ်တောပြုန်းခြင်းနဲ့ သဘာဝပတ်ဝန်းကျင် အပေါ် နောက်ဆက်တွဲ ဆိုးကျိုးတွေဆက်လက် ခံစားရမှာလို့ ဆိုပါတယ်။ မြန်မာနိုင်ငံအနေနဲ့  ဟိုက်ဒရိုကလိုရိုဖလူရိုကာဗွန် HCFC ကိုတော့ ၂၀၁၃ခုနှစ်က စတင်ကာ တင်သွင်းသုံးစွဲမှုကန့်သတ်ခဲ့ပြီး ၂၀၃၀ပြည့်နှစ်မှာ အပြီးသတ်လျှော့ချရပ်ဆိုင်းမယ်လို့သိရပါတယ်။ စွမ်းအင်ချွေတာ တာ၊ အများသုံးယာဉ်တွေအသုံးပြုတာ၊ စွန့်ပစ်ပစ္စည်း ပြန်လည်ပြုလုပ်သုံးစွဲတာတွေကို လူသားတစ်ဦးချင်းလိုက်နာနိုင်ရင် လာမယ့်နှစ် ၄၀၊ ၅၀ အတွင်း အိုဇုန်းလွှာဟာ ၁၉၈၀ပြည့်နှစ်မတိုင်မီ အနေအထားပြန်လည်ရောက်ရှိနိုင်တယ်လို့ သိပ္ပံပညာရှင်တွေ ခန့်မှန်းထားကြောင်း သိရပါတယ်။ 

မန္တလေးမြို့မှာပြုလုပ်တဲ့ ကမ္ဘာ့အိုဇုန်းလွှာထိန်းသိမ်းရေးနေ့အထိမ်းအမှတ်ပွဲကို မန္တလေးတိုင်းဒေသကြီးသယံဇာတနှင့်သဘာဝပတ်ဝန်းကျင် ထိန်းသိမ်းရေး ဝန်ကြီးဦးမျိုးသစ်၊ ဌာနဆိုင်ရာအကြီးကဲတွေ၊ ဆရာ၊ ဆရာမတွေ နဲ့ ကျောင်းသူကျောင်းသားတွေတက် ရောက်ကြပါတယ်။ ဒီပွဲမှာ ၂၀၁၈ခုနှစ် ကမ္ဘာ့အိုဇုန်းလွှာထိန်းသိမ်းရေးနေ့ အထိမ်းအမှတ် အလယ်တန်းအဆင့်၊ အထက်တန်းအဆင့် စာစီစာကုံးပြိုင်ပွဲဆုရရှိတဲ့ ကျောင်းသား၊ ကျောင်းသူတွေကို ဆုချီးမြှင့်တာတွေပြုလုပ်ခဲ့ပါတယ်။

 

 

 

Related News