မြန်မာနိုင်ငံအိမ်ခြံမြေလုပ်ငန်းဖွံ့ဖြိုးတိုးတက်ရေးအသင်းရဲ့ သင်တန်းအမှတ်စဉ်(၂)ဖွင့်ပွဲအခမ်းအနားကို စက်တင်ဘာ(၁၇)ရက်က တော်ဝင်နှင်းဆီမှာပြုလုပ်ခဲ့ပါတယ်။ သင်တန်းမှာအိမ်ခြံမြေဥပဒေပေါ်ပေါက်လာရင် အိမ်ခြံမြေအကျိုးဆောင်တွေလုပ်ငန်းလုပ်ကိုင်နိုင်ဖို့အတွက် အခြေခံအနေနဲ့သင်တန်းပေးတာဖြစ်ပါတယ်။ ဒီသင်တန်းမှာ လယ်ယာမြေဥပဒေ၊ အကောက်ခွန်ဥပဒေ၊ စာချုပ်စာတမ်းဥပဒေ၊ အိမ်ခြံမြေအကျိုးဆောင်တွေလိုက်နာရမယ့် ဥပဒေ အကြောင်းအရာတွေကို လုပ်ငန်းလုပ်ကိုင်တဲ့အခါမှာ အဆင်ပြေစေဖို့အတွက်သင်ကြားပေးတာဖြစ်တယ်လို့ သိရပါတယ်။ သင်တန်းကာလအနေနဲ့(၃)ရက်ကြာမြင့်မှာဖြစ်ပြီး မြန်မာနိုင်ငံအိမ်ခြံမြေလုပ်ငန်းဖွံ့ဖြိုးတိုးတက်ရေးအသင်းဝင်ထားတဲ့ အကျိုးဆောင်တွေသာတက်ရောက်ရတာဖြစ်တယ်လို့သိရပါတယ်။

သင်တန်းမှာ အိမ်ခြံမြေဥပဒေနဲ့ပတ်သက်ပြီးသိရှိသင့်တဲ့အချက်အလက်တွေကို သက်ဆိုင်ရာကဏ္ဍအသီးသီးမှတာဝန်ရှိသူတွေကပို့ချသင်ကြားပေးမှာဖြစ်ပါတယ်။ မြန်မာနိုင်ငံမှာ အိမ်ခြံမြေ၀န်ဆောင်မှုဥပဒေပေါ်ပေါက်လာပြီး အိမ်ခြံမြေအကျိုးဆောင် လုပ်ကိုင်နေသူတွေဟာ လိုင်စင်ပြဌာန်းလိုက်ရင်  လုပ်ငန်းလုပ်ကိုင်မှုတွေနဲ့ ပြဿနာတွေဖြေရှင်းတဲ့အခါ အဆင်ပြေပြီး အကျိုးဆောင်တွေနဲ့ ပြည်သူတွေကြားမှာလည်း ပြဿနာတွေလည်းလျော့နည်းလာနိုင်ဖို့ရည်ရွယ်သင်ကြားပေးတာဖြစ်တယ်လို့သိရပါတယ်။

မြန်မာနိုင်ငံအိမ်ခြံမြေလုပ်ငန်းဖွံ့ဖြိုးတိုးတက်ရေးအသင်း သင်တန်းအမှတ်စဉ်(၁)မှာတော့ လူဦးရေ(၃၀၀)ကျော်ကို သင်ကြားပေးခဲ့တာဖြစ်ပြီး အခုဖွင့်လှစ်တဲ့သင်တန်းအမှတ်စဉ်(၂)ကိုတော့ လူဦးရေ(၅၀၀)အထိမျှော်မှန်းထားတယ်လို့သိရပါတယ်။သင်တန်းမှာ  ရန်ကုန်တိုင်းဒေသကြီးအပါအ၀င် အခြားတိုင်းဒေသကြီးနဲ့ပြည်နယ်က အိမ်ခြံမြေအသင်းဝင်ထားသူတွေလည်းတက်ရောက်လျှက်ရှိတယ်လို့သိရပါတယ်။

 

 

Related News