မြန်မာနိုင်ငံစက်မှုလက်မှုအထက်တန်းကျောင်းသားဟောင်းများအသင်းကဦးစီးသင်ကြားပေးနေတဲ့ အခြေခံလျှပ်စစ်သင်တန်း အမှတ်စဉ် (၁/၂၀၁၈)သင်တန်းဆင်းပွဲကို  စက်တင်ဘာလ(၁၆)ရက်က M-3 Food Center မှာ ပြုလုပ်ခဲ့တာဖြစ်ပါတယ်။ 

မြန်မာနိုင်ငံစက်မှုလက်မှုအထက်တန်းကျောင်းသားဟောင်းများအသင်းက အခြေခံလျှပ်စစ်သင်တန်းကို ရန်ကုန်တိုင်းဒေသကြီး သိမ်ဖြူသဘောင်္ကျင်းရှိ ရေကြောင်းအင်ဂျင်နီယာသင်တန်းကျောင်းမှာ ပထမဆုံး အကြိမ်ဖွင့်လှစ်သင်ကြားပေးခဲ့တာဖြစ်ပါတယ်။ ဒီသင်တန်းကိုဖွင့်လှစ်သင်ကြားပေးခဲ့တာက မြန်မာနိုင်ငံမှာ စက်မှု၊လက်မှုကျွမ်းကျင်လုပ်သားတွေ ပိုမိုများပြားလာစေရန်၊ ပြည်တွင်းပြည်ပ က ကျွမ်းကျင်ပညာရှင်များနဲ့ ပူးပေါင်း ဆောင်ရွက်တတ်စေရန်၊ ရည်ရွယ်ပြီးသင်ကြားပေးတာဖြစ်တယ်လို့ သိရပါတယ်။

ဒီသင်တန်းကိုသြဂုတ်လကစတင်ဖွင့်လှစ်ပေးခဲ့ကာ အပတ်စဉ်(စနေ၊တနင်္ဂနွေ)နေ့တွေမှာ သင်ကြားပေးခဲ့တာဖြစ်ပြီး သင်တန်းကာလအနေနဲ့တော့ (2)လကြာသင်ကြားပေးခဲ့တယ်လို့သိရပါတယ်။ ဒီသင်တန်းကို အခြေခံပညာအလယ်တန်းအဆင့် အောင်မြင်ပြီးသူတိုင်း စတင်တက်ရောက်နိုင်တယ် လို့သိရပါတယ်။ သင်တန်းမှာ လျှပ်စစ်နဲ့ပတ်သက်တဲ့ နည်းပညာပိုင်းဆိုင်ရာတွေကို စာတွေ့၊ပိုင်းတွေသာမက လက်တွေ့ပိုင်းတွေ သင်ကြားပေးခဲ့တယ်လို့ သိရပါတယ်။

အခြေခံလျှပ်စစ်သင်တန်းအမှတ်စဉ် (၁/၂၀၁၈)ကို ရန်ကုန်မြို့အပြင် သန်လျင်မြို့နယ်၊မှော်ဘီမြို့နယ်တို့က သင်တန်းသားအယောက် (၃၀) တက်ရောက်ခဲ့တယ်လို့သိရပါတယ်။

 

Related News