မြန်မာနိုင်ငံ တွင် Visa Contactless ငွေပေးချေမှုနည်းလမ်းကို  လက်ခံသုံးစွဲမှုတိုးတက်လာတယ်လို့ စက်တင်ဘာလ(၁၈)ရက်က Sule square Office Tower မှာပြုလုပ်ခဲ့တဲ့ သတင်းစာရှင်းလင်းပွဲက သိရပါတယ်။ မြန်မာနိုင်ငံအတွင်း ကတ်အသုံးပြုငွေပေးချေမှုငါးခုမှာ တစ်ခုအပါအ၀င်ဖြစ်တဲ့ Contactless နည်းဖြင့်ပေးချေခြင်းကို  ပြီး ခဲ့တဲ့ (၂၀၁၇)ဒီဇင်ဘာလက (၂)ရာခိုင်းနှုန်းသာအသုံးပြုခဲ့ကြပေမယ့် လက်ရှိမှာတော့(၂၀)ရာခိုင်နှုန်းထိ တိုးတက်အသုံးပြုလာကြတယ်လို့ သိရပါတယ်။ Contactless နည်းပညာကို အသုံးပြုခြင်းဖြင့် ကတ်ကိုင်ဆောင်သူများအနေဖြင့် ကတ်ဖြတ်ခြင်း၊ ကတ်ထည့်သွင်းခြင်းများ ပြုလုပ်ရန်မလိုတော့ပဲ Contactless ကတ်ကို ပြသလိုက်တာနဲ့   အသုးံပြုနိုင်မှာ ဖြစ်တယ်လို့ သိရပါတယ်။

Visa က  မြန်မာနိုင်ငံမှာ ပြုလုပ်ထားတဲ့ (၂၀၁၇)ခုနှစ်ငွေကြေးနှင့် ငွေပေးချေမှုများအပေါ် လေ့လာဆန်းစစ်ချက်အရ မြို့ပြနေ သုံးစွဲသူတွေရဲ့ (၁၁)ရာခိုင်နှုန်းက Contactless နည်းဖြင့် ငွေပေးချေမှုအကြောင်းကို သိရှိနေကြတယ်လို့သိရပါတယ်။ လေ့လာဆန်းစစ်ချက်အရ  Contactless နည်းဖြင့် ငွေပေးချေမှုကို စိတ်ဝင်စားမှုရှိကာ ဖြေဆိုသူ (၅၀)ရာခိုင်နှုန်းက မိုဘိုင်းလ်ငွေပေးချေမှုများ၊ QR ငွေပေးချေမှုများနဲ့  အက်ပလီကေးရှင်းများမှ ငွေပေးချေမှုများလို အီလက်ထရောနစ်ငွေပေးချေမှုနည်းလမ်းများထက် Contactless ငွေပေးချေမှုနည်းလမ်းကို အသုံးပြုလိုကြတယ်လို့သိရပါတယ်။

Visa Contactless ငွေပေးချေမှုနည်းလမ်းဟာ အသုံးပြုသူတွေအတွက် ပိုမိုမြန်ဆန်လွယ်ကူစေတဲ့အတွက်၊ တန်းစီစောင့်ဆိုင်းရမှုများ လျှော့ချနိုင်ခြင်း၊ ငွေပေးချေမှုအတွက် အချိန်ကုန် သက်သာစေခြင်း၊ ငွေစက္ကူများသယ်ဆောင်ရခြင်းကို ရှောင်ရှားနိုင်ခြင်း စတဲ့ အကျိုးကျေးဇူးတွေကို ရရှိစေမှာဖြစ်တယ်လို့သိရပါတယ်။ရန်ကုန်မြို့တွင်း Visa Contactless ကတ်ထုတ်လုပ်လျက်ရှိတဲ့ ဘဏ်တွေကတော့ ဧရာဝတီဘဏ်၊ သမ၀ါယမဘဏ်၊ ကမ္ဘောဇဘဏ်၊ ယူနိုက်တက်အမရဘဏ်၊ မြန်မာ့ရှေ့ဆောင်ဘဏ်၊ အာရှစိမ်းလမ်းမှုဖွံ့ဖြိုးရေးဘဏ်တို့မှာ ရရှိနိုင်တယ်လို့သိရပါတယ်။  

 

 

Related News