ရှမ်းပြည်နယ် ပင်းတယမြို့နယ်မှာရှိတဲ့ ကျေးရွာနှစ်ခုမှာ ရပ်ရွာလူထုအခြေပြုခရီးသွားလုပ်ငန်း(CBT)ကို အကောင်အထည်ဖော် ဆောင်ရွက်ခဲ့ပါတယ်။ရှမ်းပြည်နယ် ပင်းတယမြို့နယ်မှာရှိတဲ့ ကျေးရွာနှစ်ခုမှာ ရပ်ရွာလူထုအခြေပြုခရီးသွားလုပ်ငန်း(CBT)ကို စက်တင်ဘာလ ၁၅ ရက်က ပင်းတယမြို့နယ်မှာရှိတဲ့ ပင်စိမ်းပင်ကျေးရွာနဲ့ ဆီးကျအင်းကျေးရွာတွေမှာဖွင့်လှစ်ခဲ့တာပါ။ ယခုလို CBTတွေကို ဖော်ဆောင်တာကြောင့် ခရီးသွားတွေအနေနဲ့ ကျေးရွာတွေရဲ့သဘာဝအလှအပတွေ၊ လူနေမှုဘဝတွေ၊ရိုးရာယဉ်ကျေးမှုတွေကို လေ့လာနိုင်မယ်လို့ ရှမ်းပြည်နယ်အစိုးရအဖွဲ့ ဝန်ကြီးချုပ်ဒေါက်တာလင်းထွဋ်က ပြောပါတယ်။ ယခု ပင်းတယမြို့နယ်မှာဖော်ဆောင်ခဲ့တဲ့ ရပ်ရွာလူထုအခြေပြုခရီးသွားလုပ်ငန်း(CBT)ဟာ မြန်မာနိုင်ငံရဲ့ ၁၆ ခုမြောက်ဖော်ဆောင်တဲ့ CBTပါ။

ပင်းတယမြို့နယ်က ရပ်ရွာလူထုအခြေပြုခရီးသွားလုပ်ငန်း(CBT)ဖော်ဆောင်ထားတဲ့ ကျေးရွာကို လာရောက်လည်ပတ်သူတွေအနေနဲ့ ပင်းတယမြို့မှ တစ်ဆင့် ခြေလျင်တောင်တက် သွားရမှာဖြစ်ပြီး လမ်းတစ်လျောက်မှာရှိတဲ့ လိုဏ်ဂူတွေ ကျေးရွာတွေကိုဝင်ရောက် လေ့လာတာတွေအပါအဝင် ဒေသခံများရဲ့ တောင်ယာစိုက်ခင်းတွေကို လေ့လာနိုင်အောင်ဆောင်ရွက်ထားတယ်လို့ သိရပါတယ်။ ဒါ့အပြင်ဒေသခံတွေရဲ့ အသက်မွေးဝမ်းကြောင်းတစ်ခုဖြစ်တဲ့ လက်ဖက်စိုက်ခင်းတွေအကြောင်း လေ့လာတာတွေ၊ လက်ဖက်ခူးတာတွေ၊ လက်ဖက်စို လက်ဖက်ခြောက်လုပ်ငန်းဆာင်ရွက်နေတာတွေကိုလဲ လေ့လာလို့ ရအောင်ပြုလုပ်ထားတယ်လို့ သိရပါတယ်။ ရှမ်းပြည်နယ်မှာ ယခင်ကရပ်ရွာလူထုအခြေပြုခရီးသွားလုပ်ငန်း(CBT)ဖော်ဆောင်ထားတဲ့ကျေးရွာလေးရွာရှိပြီး ယခုအသစ်ဖော်ဆောင် လိုက်တဲ့ ကျေးရွာနှစ်ရွာအပါအဝင် ၆ရွာအထိရှိသွားပြီလို့ သိရပါတယ်။

 

 

Related News