ရန်ကုန်မြို့တော်စည်ပင်သာယာရေးကော်မတီ၊ ပတ်ဝန်းကျင်ထိန်းသိမ်းရေးနှင့် သန့်ရှင်းရေးဌာနက လှိုင်မြို့နယ်၊ အမှတ် (၁၈) အခြေခံပညာ မူလတန်းကျောင်းမှ ကျောင်းသားကျောင်းသူတွေကို အမှိုက်စွန့်ပစ်တာနဲ့ ပတ်သက်ပြီး ဒီကနေ့ စက်တင်ဘာလ(၁၉)ရက်မှာ အသိပညာပေးခဲ့ ပါတယ်။ရန်ကုန်မြို့တော်စည်ပင်သာယာရေးကော်မတီ၊ ပတ်ဝန်းကျင် ထိန်းသိမ်းရေးနှင့် သန့်ရှင်းရေးဌာနက အစိုးရ အခြေခံပညာကျောင်းတွေမှာ စွန့်ပစ်အမှိုက်စီမံခန့်ခွဲရေး အသိပညာပေးတာတွေ လှည့်လည် ဆောင်ရွက်နေပြီး မြောက်ပိုင်းခရိုင်အတွင်းက လှိုင်မြို့နယ်မှာတော့ ယခုလို အသိပညာပေးလုပ်ငန်းဆောင်ရွက်တာ ပထမဆုံးအကြိမ်ပါ။ ပညာပေးလုပ်ငန်းကို အမှတ်(၁၈) အခြေခံပညာမူလတန်းကျောင်းမှာ ဆောင်ရွက်ခဲ့ပြီး မူလတန်းတက်ရောက်နေတဲ့ ကလေး နှစ်ရာကျော်ကို အမှိုက်ဘယ်လိုစွန့်ပစ်ရမယ်ဆိုတာတွေ ပြောပြပေးခဲ့တာ ဖြစ်ပါတယ်။

ဒီလို အသိပညာပေးတဲ့နေရာမှာ ရုပ်ပုံကားချပ်တွေ အသုံးပြု ပြောပြပေးခဲ့သလို စွန့်ပစ်အမှိုက်နဲ့သက်ဆိုင်တဲ့ ကဗျာတွေ စုပေါင်း ရွတ်ဆိုခဲ့ကြပါတယ်။ ပတ်ဝန်းကျင် ထိန်းသိမ်းရေးနှင့် သန့်ရှင်းရေးဌာနက ကျောင်းသားကျောင်းသူတွေကို စွန့်ပစ်အမှိုက်စီမံခန့်ခွဲရေး အသိပညာပေးနေတာ ပြီးခဲ့တဲ့ ဇူလိုင်လကတည်းက ဖြစ်ပြီး စည်ပင်နယ်နမိတ်အတွင်းက အခြေခံပညာကျောင်းတွေအားလုံးမှာ ဆောင်ရွက်သွားမယ်လို့ သိရပါတယ်။ လှိုင်မြို့နယ်မှာတော့ အခြေခံပညာကျောင်းပေါင်း ၄၉ ကျောင်းရှိပြီး ၂၀၁၈ -၂၀၁၉ ပညာသင်နှစ်အတွင်း ကျောင်းတွေ အကုန်လုံးကို အလှည့်ကျ အသိပညာပေးသွားမှာပါ။

အသိပညာပေးတဲ့နေရာမှာလည်း မူလတန်းအရွယ်က အသိပညာပေးရတာ လွယ်ကူတဲ့ အသက်အရွယ်ဖြစ်ပြီး အမှိုက်ကို ဘယ်လို စနစ်တကျ စွန့်ပစ်ရမယ်ဆိုတာ သင်ကြားပေးလိုက်ရင် ယခုအရွယ်ကနေ ဘဝတစ်လျှောက်လုံး အပြုအမူကောင်းတွေ ရရှိသွားမှာဖြစ်တယ်လို့ ကျောင်းအုပ်ဆရာမကြီးက ပြောပြပါတယ်။လှိုင်မြို့နယ်မှာ တစ်ရက်ကို အမှိုက်တန်ချိန် ၉၅ တန်ကျော် ထွက်ရှိနေပြီး အရင်နှစ်တွေနဲ့ နှိုင်းယှဉ်ရင် အမှိုက်လိုက်လံ ကောက်နေရတာမျိုး မဟုတ်ပဲ ပြည်သူတွေထံကနေ အမှိုက်၁၀ တန်နီးပါးလောက် ပိုပြီး သိမ်းဆည်းရမိလာတယ်လို့ ရန်ကုန်မြို့တော် စည်ပင်သာယာာရေး ကော်မတီမှသိရပါတယ်။ ဒါကြောင့် ပညာပေးလုပ်ငန်းတွေကို ရန်ကုန်တိုင်းက ကျောင်းတွေအားလုံးမှာ ဆောင်ရွက်ပြီးရင်တော့ ကျောင်းသားတွေကနေတစ်ဆင့် ကြားသိရပြီး ပြည်သူတွေ စနစ်တကျ အမှိုက်ပစ်လာဖို့ မျှော်မှန်းထားတယ်လို့ သိရပါတယ်။

 

 

Related News