စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာကုန်သွယ်မှုမြှင့်တင်ရေးအဖွဲ့က တည်ဆောက်ထား တဲ့ မြန်မာနိုင်ငံရဲ့ နိုင်ငံခြားပို့ကုန်မြှင့်တင်ရေးလုပ်ငန်းဆိုင်ရာ myantrade.org (Website) အသစ် အင်တာနက်ပေါ်လွှင့်တင်ခြင်းအခမ်းအနားကို စက်တင်ဘာလ(၁၉)ရက် က ရန်ကုန်မြို့ UMFCCI မှာ ပြုလုပ်ခဲ့တာ ဖြစ်ပါတယ်။ ဒီဝက်ဆိုဒ်ကို မြန်မာနိုင်ငံရဲ့Exporter များနဲ့ နိုင်ငံတကာမှာရှိတဲ့ Buyer များအကြား လွယ်ကူစွာ တိုက်ရိုက်ချိတ်ဆက်ဆောင်ရွက်နိုင်စေရန် နဲ့ ဈေးကွက်ချဲ့ထွင်ပြီး ပို့ကုန်မြှင့်တင်နိုင်စေရန် ရည်ရွယ်ပြုလုပ်ခဲ့တာဖြစ်တယ်လို့ သိရပါတယ်။

ဒီဝက်ဆိုဒ်မှာ Exporter နဲ့ Buyer တွေအသုံးပြုနိုင်ဖို့အတွက် ကဏ္ဍ(3)ခုကို အဓိကအသုံးပြုနိုင်ပြီး ဒီကဏ္ဍ(3)ခုက ပြည်ပဈေးကွက်ရဲ့အခြေအနေ၊ ၀ယ်လိုအား၊ ရောင်းလိုအားတွေကိုလေ့လာနိုင်ဖို့ Export From Myanmar ၊ မြန်မာနိုင်ငံမှာရှိတဲ့ ပို့ကုန်ဈေးကွက်သစ်တွေကို နိုင်ငံတကာက လေ့လာနိုင်ဖို့ Buyer From Myanmar နဲ့ မြန်မာကုန်သွယ်မှုမြှင့်တင်ရေးအဖွဲ့ရဲ့ လုပ်ငန်းစဉ်တွေကိုလေ့လာနိုင်ဖို့ About Myantrade ဆိုပြီး ပါဝင်တယ်လို့သိရပါတယ်။

myantrade.org (Website) ကို ၀င်ရောက်အသုံးပြုလို့ပါက မိမိEmail အကောင့် နဲ့ ၀င်ရောက်နိုင်ပြီး၊ Register ပြုလုပ်ပြီးပါက သိလိုတဲ့ကုန်ပစ္စည်းများနဲ့ ၀ယ်လိုတဲ့ ကုန်ပစ္စည်းတွေ ကို အလွယ်တကူရှာဖွေ အသုံးပြုနိုင်တယ်လို့သိရပါတယ်။ 

 

 

Related News