ကြားဖြတ်ရွေးကောက်ပွဲအတွက် ဆန္ဒမဲပေးခွင့်ရှိသူစာရင်းတွေကို ဇူလိုင်လ(၉)ရက်ကနေ (၂၂)ရက်အထိ ပထမအကြိမ် ထုတ်ပြန်ပေးခဲ့ပြီး လာမယ့်အောက်တိုဘာလ (၁)ရက်ကနေ (၁၄)ရက်အထိကို ဒုတိယအကြိမ်အဖြစ်သက်ဆိုင်ရာ ရပ်ကျေးကော်မရှင်တွေမှာ (၁၄)ရက်ကြာထပ်မံထုတ်ပြန်ပေးမှာ ဖြစ်ပါတယ်။ 

အခုတစ်ကြိမ်ဟာ မဲဆန္ဒရှင်အချက်အလက်တွေနဲ့ ပတ်သက်ပြီး နောက်ဆုံးအကြိမ် ပြင်ဆင်ခွင့်ရှိမှာဖြစ်ပြီး နာမည်မပါဝင်တာတွေ၊ အချက်အလက်မှားယွင်းတာတွေနဲ့ မပါသင့်သူတွေပါနေတာတွေကို ပြင်ဆင်နိုင်မှာဖြစ်ပါတယ်။ အခုကြားဖြတ်ရွေးကောက်ပွဲမှာတော့ တစ်နိုင်ငံလုံးအတိုင်းအတာအရ လစ်လပ်မဲဆန္ဒနယ်(၁၃)ခုမှာ မဲပေးခွင့်ရှိသူ (၉)သိန်းကျော်ရှိနေပါတယ်။ ရန်ကုန်မှာတော့ ကြားဖြတ် ရွေးကောက်ပွဲပြုလုပ်မယ့် တာမွေမြို့နယ်မှာ မဲပေးခွင့်ရှိသူ (တစ်သိန်း)နဲ့ဆိပ်ကမ်းမြို့နယ်မှာ တစ်ထောင့်လေးရာကျော် ရှိနေပါတယ်။ ပြီးခဲ့တဲ့ ဇူလိုင်လ(၉)ရက်ကနေ (၂၂)ရက်အထိ ပထမအကြိမ် မဲစာရင်းကြေညာတုန်းကတော့ ရန်ကုန်တိုင်းဒေသကြီး တာမွေမြို့နယ်မှာ မဲစာရင်းမှန်မမှန်လာရောက်ကြည့်ရှု့စစ်ဆေးသူ (၁၃.၇)ရာခိုင်နှုန်းသာရှိပြီး ဆိပ်ကမ်းမြို့နယ်မှာတော့ (၄၆.၈)ရာခိုင်နှုန်းရှိခဲ့ပါတယ်။

အခုကြားဖြတ်ရွေးကောက်ပွဲကိုတော့ နိုင်ငံရေးပါတီ(၂၄)ခုက ကိုယ်စားလှယ်(၆၂)ဦးနဲ့တစ်သီးပုဂ္ဂလ(၇)ဦး စုစုပေါင်း ကိုယ်စားလှယ် (၆၉)ဦး က ၀င်ရောက်ယှဉ်ပြိုင်မှာပါ။ ရန်ကုန်မှာတော့ပါတီ(၁၀)ခုက ကိုယ်စားလှယ်(၁၆)ဦး နဲ့တစ်သီး ပုဂ္ဂလတစ်ဦးစုစုပေါင်း(၁၇)ဦးက ပါဝင်ယှဉ်ပြိုင် ကြမှာဖြစ်ပါတယ်။ ရွေးကောက်ပွဲကော်မရှင်အနေနဲ့ မဲဆန္ဒရှင်တွေ မဲစာရင်းကို အခုထက် စိတ်ဝင်စားမှုရှိဖို့ ပိုမိုကြေညာတာတွေလုပ်ဆောင် သင့်ပြီး ကိုယ်စားလှယ်လောင်းတွေအနေနဲ့လည်း မဲစာရင်းသွားကြည့်ဖို့ မဲဆွယ်ကာလမှာ ထည့်သွင်းတိုက်တွန်းသင့်တယ်လို့ ရွေးကောက်ပွဲ စောင့်ကြည့်လေ့လာသူတစ်ဦးက သုံးသပ်ပါတယ်။ပြီးခဲ့တဲ့ ၂၀၁၇ ဧပြီလ(၁)ရက် ကြားဖြတ်ရွေးကောက်ပွဲကိုတော့ မြို့နယ်(၂၂)ခုမှာပြုလုပ်ခဲ့ပြီး စုစုပေါင်း လစ်လပ်မဲဆန္ဒနယ် (၁၉)နေရာမှာ မဲပေးခွင့်ရှိသူ (၂၁)သိန်းကျော်ရှိခဲ့ပေမယ့်  (၇)သိန်း(၈)သောင်းကျော်သာ မဲလာရောက်ပေးခဲ့ကြတယ်လို့ သိရပါတယ်။

 

 

Related News