ရပ်ရွာလူထုအခြေပြုခရီးသွားလုပ်ငန်း(CBT)တွေကို ရှမ်းပြည်နယ်အရှေ့ပိုင်းနဲ့ မြောက်ပိုင်းဒေသတွေမှာရှိတဲ့ ကျေးရွာတွေမှာ နယ်မြေ တည်ငြိမ်အေးချမ်းမှု အပေါ်မူတည်ပြီဖော်ဆောင်သွားမယ်လို့ ရှမ်းပြည်နယ်ဟိုတယ်နှင့် ခရီးသွားညွှန်ကြားမှုဦးစီးဌာနက သိရပါတယ်။ ရှမ်းပြည်နယ်မှာ လက်ရှိ ရပ်ရွာလူထုအခြေပြုခရီးသွားလုပ်ငန်း(CBT)ကို ပအိုဝ်းဒေသမှာရွာ(၄)ရွာနဲ့ ဓနုဒေသမှာရွာ(၂)ရွာ ကျေးရွာ(၆)ရွာမှာ ဖော်ဆောင် ထားပါတယ်။ အဆိုပါကျေးရွာတွေအပြင် ပလောင်ဒေသကကျေးရွာနှစ်ရွာဖြစ်တဲ့ ယဇကျီကျေးရွာနဲ့ တောင်မြင့်ကြီးကျေးရွာတို့် မှာလည်း CBTတွေ ဖော်ဆောင်ဖို့ ဆောင်ရွက်နေပြီး ဖယ်ခုံဒေသမှာလဲဆောင်ရွက်နေတယ်လို့ ရှမ်းပြည်နယ် ဟိုတယ်နှင့်ခရီးသွားညွှန်ကြားမှု ဦးစီးဌာန ညွှန်ကြားရေးမှူး ဦးထင်အောင်နိုင်က ပြောပါတယ်။

ရှမ်းပြည်နယ်မှာ ရပ်ရွာလူထုအခြေပြုခရီးသွားလုပ်ငန်း(CBT)ကို ပအိုဝ်းဒေသမှာရွာ (၄)ရွာကို လွန်ခဲ့တဲ့ ၂၀၁၆ဒီဇင်ဘာလ၄ရက်က စတင်ဖွင့်လှစ်နိုင်ခဲ့ပြီး ခရီးသွားဧည့်သည်အများအပြားဝင်ရောက်လည်ပတ်ခဲ့ကာ အောင်မြင်တဲ့ခရီးစဉ်ဒေသတစ်ခုအဖြစ် ရပ်တည်နိုင် ခဲ့ပါတယ်။ ဒါ့အပြင် ပအိုဝ်းဒေသမှာဖော်ဆောင်ထားတဲ့ ရပ်ရွာလူထုအခြေပြုခရီးသွားလုပ်ငန်း(CBT)တွေအနေနဲ့ နိုင်ငံတကာကပေးအပ်ခဲ့တဲ့ ဆုတွေကိုလည်းရရှိခဲ့တယ်လို့သိရပါတယ်။ ဓနုဒေသပင်းတယမြို့မှာ ဖော်ဆောင်ခဲ့တဲ့ ပင်စိမ်းပင်ကျေးရွာနဲ့ ဆီးကျအင်းကျေးရွာ ရပ်ရွာလူထုအခြေပြုခရီးသွားလုပ်ငန်း(CBT)ကို စက်တင်ဘာလ၁၅ရက်က စတင်ဖွင့်လှစ်ခဲ့ပြီး လက်ရှိအချိန်မှာတော့ခရီးသွားတွေစတင် သွားရောက်လည်ပတ်နိုင်ပြီလို့ သိရပါတယ်။

ရပ်ရွာလူထုအခြေပြုခရီးသွားလုပ်ငန်း(CBT)တွေကို ခရီးသွားလုပ်ငန်းမှတစ်ဖက်တစ်လမ်းဝင်ငွေရရှိရေး၊ အလုပ်အကိုင်ဖန်တီးနိုင်ရေးနဲ့ ကျေးရွာလူထုတွေအနေနဲ့ ခရီးသွားလုပ်ငန်းတွေမှာ စိတ်ပါဝင်စားစွာလိုက်ပါနိုင်ရေးတို့အတွက်အပါအ၀င် ဆင်းရဲမှုလျှော့ချရေးတို့အတွက် ရည်ရွယ်လုပ်ဆောင်နေတာ ဖြစ်တယ်လို့ သိရပါတယ်။

 

 

Related News