လှိုင်သာယာမြို့နယ်အတွင်းမှာ ဖွင့်လှစ်ထားတဲ့ အေးမေတ္တာမသန်စွမ်းရိပ်မြုံမှာ မသန်စွမ်းကလေးငယ်တွေကို ပြီးခဲ့တဲ့နှစ်ကထက် ပိုမိုလက်ခံပြီး စောင့်ရှောက်မှုတွေပေးနေတယ်လို့ သိရပါတယ်။အမြင်အာရုံမသန်စွမ်း အကြားအာရုံမသန်စွမ်း ညဏ်ရည်မသန်စွမ်းနဲ့ ကိုယ်အင်္ဂါမသန်စွမ်းဆိုပြီး မသန်စွမ်းလေးမျိုးရှိပါတယ်။ မောင်ဝေမင်းမြတ်ကတော့ ကိုယ်အဂါင်္မသန်စွမ်းသူပါ။ ဧရာဝတီတိုင်းဒေသကြီး ကျိုက်လတ်မြို့ကနေ အေးမေတ္တာမသန်စွမ်းရိပ်မြုံကို ယခုနှစ်ကျောင်းဖွင့်ရာသီမှာ စတင်ရောက်ရှိလာခဲ့ပါတယ်။ အေးမေတ္တာမသန်စွမ်းရိပ်မြုံမှ တာဝန်ယူစောင့်ရှောက်ထားပြီး အစိုးရကျောင်းမှာ ဆက်လက်ပညာသင်ကြားစေပါတယ်။

မောင်ဝေမင်းမြတ်အနေနဲ့ အမှတ်(2)အခြေံပညာအထက်တန်းကျောင်း လှိုင်သာယာမြို့နယ်မှာ န၀မတန်းကို တက်ရောက်နေပါတယ်။အေးမေတ္တာမသန်စွမ်းရိပ်မြုံကနေ မနက်ခင်းကျောင်းသွားချိန်ဆို ဂေဟာမှ အဖော်သူငယ်ချင်းနဲ့အတူ ကျောင်းသွားပါတယ်။ မောင်ဝေမင်းမြတ်အနေနဲ့ ပုံမှန်ကျောင်းသားကျောင်းသူတွေနဲ့ တန်းတူပညာသင်ကြားနိုင်တာကို တွေ့ရပါတယ်။

မောင်ဝေမင်းမြတ်အပါအ၀င် အခြားမသန်စွမ်းသူတွေကိုပါစောင့် ရှောက်ပေးနိုင်မယ့် မသန်စွမ်းကျောင်းတွေ ပိုမိုဖော်ထွက်လာစေချင်တယ်လို့ အေးမေတ္တာမသန်စွမ်းရိပ်မြုံမှ အတွင်းရေးမှူးဦးဌေးလွင်က ပြောပါတယ်။ လှိုင်သာယာမြို့နယ်အတွင်းမှာ မသန်စွမ်းသူအရည်အတွက်ဟာ သုံးသောင်းဝန်းကျင်ရှိနေပြီး အေးမေတ္တာမသန်စွမ်းရိပ်မြုံမှ တာဝန်ယူစောင့်ရှောက်ပေးနိုင်တာကတော့ မသန်စွမ်းလူဦးရေ ကိုးဆယ်ဝန်းကျင်သာဖြစ်ပါတယ်။ မသန်စွမ်းသူတွေအားလုံး တန်းတူစောင့်ရှောက်မှုခံရရင် မသန်စွမ်းသူတွေဘ၀ ရပ်တည်ဖို့ ပိုမိုအဆင်ပြေလာမယ်လို့ပြောပါတယ်။

အေးမေတ္တာမသန်စွမ်းရိပ်မြုံမှာ မောင်ဝေမင်းမြတ်အပါအ၀င် မသန်စွမ်းကလေးငယ်တွေကို လက်ခံစောင့်ရှောက်ပေးနေတာ 15 နှစ် ၀န်းကျင်ခန့် ရှိပြီဖြစ်တယ်လို့ သိရပါတယ်။ ပြီးခဲ့နှစ်က မသန်စွမ်းသူ ရှစ်ဆယ်ရှိခဲ့ပြီး အခုနှစ်မှာတော့ မသန်စွမ်းသူ (89)ယောက်ကို ပြုစုစောင့်ရှောက်ပေးနေတာဖြစ်ပါတယ်။

 

 

Related News