လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာနနဲ့ AAR ဂျပန်အကူအညီပေးရေးနှင့် ပြန်လည်ထူထောင်ရေးအသင်းတို့ ပူးပေါင်းပြီး မသန်စွမ်းသူတွေ အလုပ်အကိုင်ရရှိပြီး ကိုယ့်အားကိုယ်ကိုးတတ်အောင် အသက်မွေးပညာတွေကို သင်ကြားပေးနေပါတယ်။အသက်(၂၅)နှစ်ရှိပြီဖြစ်တဲ့ မခင်မို့မို့သိန်းဟာ ယခင်က မွေးရပ်ဖြစ်တဲ့ ဧရာဝတီတိုင်းဒေသကြီး ဘိုကလေးမြို့နယ်မှာနေထိုင်တဲ့ ကျန်းမာသန်စွမ်းသူတစ်ဦးဖြစ်ပါတယ်။ ပြီးခဲ့တဲ့နှစ်က မူဆယ်မှာအလုပ်သွားလုပ်ရင်းအလုပ်ချိန်ပြင်ပမှာကားကြိတ်ခံခဲ့ရပြီး ဘယ်ဖက်ခြေထောက်ဖြတ်ခဲ့ရပါတယ်။ သူမဟာ ရုတ်တရက်မသန်စွမ်းဖြစ်ခဲ့ရတာကြောင့် ကိုယ့်ကိုကိုယ်ယုံကြည်မှုမရှိတော့ခြင်း၊ ၀င်ငွေမရှိတော့တဲ့အတွက် မိဘကို မလုပ်ကျွေးနိုင်တော့တာကြောင့် စိတ်ဓာတ်ကျတာတွေရှိခဲ့တယ်လို့ပြောပါတယ်။

လက်ရှိမှာတော့  AAR ဂျပန်အကူအညီပေးရေးနှင့်ပြန်လည်ထူထောင်ရေးအသင်းရဲ့ သင်တန်းသူအဆောင်မှာနေထိုင်ပြီး ဆံသသင်တန်းကို လာတက်ရောက်နေတာပါ။ သင်တန်းတက်ရောက်ပြီးရင်တော့ နေရပ်ကိုပြန်ပြီး တတ်မြောက်ထားတဲ့ ဆံသပညာနဲ့ ကိုယ့်အားကိုယ်ကိုးပြီး အသက်မွေးဝမ်းကြောင်းပြုသွားမယ်လို့ ပြောပါတယ်။ဆံသသင်တန်းမှာ ကိုယ်အင်္ဂါမသန်စွမ်း၊ အကြားအာရုံမသန်စွမ်း၊ အပြောအာရုံမသန်စွမ်းနဲ့ ဥာဏ်ရည်အနည်းငယ် မသန်စွမ်းတွေကိုသင်ကြားပေးနေတာပါ။ သင်တန်းကာလတစ်ခုကို(၃)လခွဲသတ်မှတ်ထားပြီး သင်တန်းအပတ်စဉ်တစ်ခုကို အခြေခံ(၁၅)ယောက်နဲ့ မွမ်းမံ(၄)ယောက် စုစုပေါင်း(၁၉)ယောက်သင်ကြားပေးနေတယ် လို့သိရပါတယ်။

သင်တန်းကျောင်းမှာတော့ လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာနနဲ့ AAR ဂျပန်အကူ အညီပေးရေးနှင့် ပြန်လည်ထူထောင်ရေးအသင်းတို့ ပူးပေါင်းပြီး စက်ချုပ်သင်တန်း၊ ဆံသသင်တန်း၊ ကွန်ပျူတာသင်တန်း တွေကို မသန်စွမ်းသူတွေအနေနဲ့ အသက်မွေးပညာတတ်မြောက်ပြီး အလုပ်အကိုင်ရရှိစေဖို့ ကိုယ့်အားကိုယ်ကိုးနိုင်ဖို့အတွက် ရည်ရွယ်ပြီး အခမဲ့သင်ကြားပေးတာဖြစ်တယ်လို့ သိရပါတယ်။AAR ဂျပန်အကူအညီပေးရေးနှင့်ပြန်လည်ထူထောင်ရေးအသင်းအနေနဲ့ (၂၀၀၀)ခုနှစ်ကစတင်ပြီး မသန်စွမ်းသူတွေကိုအသက်မွေးဝမ်း ကျောင်းပညာသင်ကြားပေးနေတာဖြစ်ပြီး လက်ရှိအချိန်ထိ သင်တန်းသူ၊သင်တန်းသား ဦးရေ(၁၈၀၀) သင်ကြားပေးပြီး ဖြစ်တယ်လို့ သိရပါတယ်။   

 

                     

Related News