မန္တလေးတိုင်းဒေသကြီးအသေးစားစက်မှုလက်မှုလုပ်ငန်းဦးစီးဌာနကအတန်းပညာအားနည်းသူတွေပါတက်ရောက် နိုင်မယ့်စားသောက်ကုန်ထုတ်လုပ်မှုနည်းပညာသင်တန်းတွေသင်ကြားပေးနေတယ်လို့သိရပါတယ်။မန္တလေးတိုင်းဒေသကြီးအသေးစားစက်မှုလက်မှုလုပ်ငန်းဦးစီးဌာနက ရာသီအလိုက်ပေါများစွာထွက်ရှိတဲ့ ဆန်၊ပဲ၊ ပြောင်း၊ဂျုံနဲ့အခြားသီးနှံတွေကို တန်ဖိုးမြှင့်စားသောက်ကုန်တွေအဖြစ် ကျန်းမာရေးနှင့်ညီညွတ်စွာ ထုတ်လုပ်တတ်စေဖို့ သင်တန်းတွေစီစဉ်သင်ကြားပေးနေတယ်လို့သိရပါတယ်။

ဒီသင်တန်းတွေဟာကာလတိုသင်တန်းတွေဖြစ် ပြီးလူငယ်လူရွယ်တွေ၊အတန်းပညာအားနည်းသူတွေ အလုပ်အကိုင်ရရှိဖို့နဲ့ အသက်မွေးဝမ်းကြောင်းပြုရာမှာအထောက်အကူဖြစ်စေနိုင်ဖို့ရည်ရွယ်သင်ကြားပေးနေတာဖြစ်တယ်လို့မန္တလေးတိုင်းဒေသကြီးအသေးစားစက်မှုလက်မှုလုပ်ငန်းဦးစီးဌာန ဒုတိယညွှန်ကြားရေးမှူး ဦးအောင်သင်းကပြောပါတယ်။ ဒီသင်တန်းတွေမှာကိတ်မုန့်၊ပဲမုန့်မျိုးစုံလုပ်နည်း၊အချိုမှုန့်အစားထိုးဟင်းခတ်အရသာမှုန့်၊စာကလေးခွေ၊ပြောင်းဖူး ပေါက်ပေါက်၊သစ်သီးဖျော်ရည်မျိုးစုံ၊ဝိုင်၊သစ်သီးယိုမျိုးစုံ၊ဂျယ်လီနဲ့ဆော့စ်ထုတ်လုပ်နည်းတွေကို စာတွေ့လက်တွေ့သင်ကြားပေးနေတယ်လို့သိရပါတယ်။

မန္တလေးမြို့မှာတန်ဖိုးမြှင့်စားသောက်ကုန်ထုတ်လုပ်မှုလုပ်ငန်းအများအပြားရှိနေပြီးသင်တန်းပြီးမြောက်လို့ ဒီလုပ်ငန်းတွေမှာဝင်ရောက်လုပ်ကိုင်နေကြသူတွေလည်းရှိနေတယ်လို့သိရပါတယ်။အခုလာမယ့်အောက်တိုဘာလမှာသင်တန်းအမှတ်စဉ်(၁၉)ကိုဖွင့်လှစ်သင်ကြားပေးမှာဖြစ်ပြီးတက်ရောက် လိုသူတွေကမန္တလေးမြို့ ၈၅လမ်းနဲ့ ၂၅လမ်းထောင့်မန္တလေးတိုင်းဒေသကြီးအသေးစားစက်မှု လက်မှုလုပ်ငန်းဦးစီးဌာနရုံးမှာဆက်သွယ်စုံစမ်းနိုင်ပါတယ်။ သင်တန်းကြေး ကျပ် ၁ သောင်း ပေးသွင်းရမှာဖြစ်ပြီးသင်တန်းကုန်ကျစရိတ်ကိုအချိုးကျ ကျခံရမှာဖြစ်တယ်လို့ သိရပါတယ်။

 

 

Related News