ရန်ကုန်တိုင်းဒေသကြီးရှိ လူမှုကူညီရေးအသင်းတွေထဲမှာ အသင်းမှတ်ပုံတင် မတင်ရသေးတဲ့ အဖွဲ့အစည်း တစ်ရာကျော်ရှိနေပြီး အဆိုပါအသင်းတွေကို တရားဝင်ဖြစ်အောင် ရန်ကုန်တိုင်းဒေသကြီးအစိုးရအဖွဲ့က ဆောင်ရွက်ပေးမယ်လို့သိရပါတယ်။အရေးပေါ်လူနာတင်ယာဉ်စနစ် ဖော်ဆောင်ဖို့ ရန်ကုန်တိုင်းဒေသကြီးအစိုးရဖွဲ့က ကော်မတီဖွဲ့စည်းဆောင်ရွက်နေပြီး လာမယ့် ခြောက်လအတွင်း အဆိုပါစနစ်ကို ရန်ကုန်တစ်တိုင်းလုံးမှာ ကျင့်သုံးမယ်လို့သိရပါတယ်။ ဒီစနစ်ကို ကျင့်သုံးတော့မယ်ဆိုရင် ရန်ကုန်တိုင်းဒေသကြီးအတွင်း သီးခြားလှုပ်ရှားနေတဲ့ လူမှုကူညီရေးအသင်းတွေအားလုံးကို စုစည်းကာ လူနာတင်ယာဉ်စနစ်အောက်မှာပဲ လှုပ်ရှားခိုင်းတော့မှာဖြစ်ပါတယ်။

ဒါပေမဲ့ လူမှုကူညီရေးအသင်းအများစုမှာ အသင်းမှတ်ပုံတင်မရှိသေးပဲ လျှောက်ထားဆဲဖြစ်တဲ့ အသင်းတွေလည်းရှိနေပါတယ်။ ဒီလိုအသင်းတွေကို တရားဝင်မှတ်ပုံတင်ခွင့်ရရေး ရန်ကုန်တိုင်းဒေသကြီးအစိုးရအဖွဲ့က ကူညီဆောင်ရွက်မှာဖြစ်ပြီး အရေးပေါ်လူနာတင်ယာဉ်စနစ်ထဲမှာ အသင်းအားလုံးဟာ ဥပဒေဘောင်အတွင်းကပဲ ဆောင်ရွက်ရမှာဖြစ်ကြောင်း ရန်ကုန်တိုင်းဒေသကြီးဝန်ကြီးချုပ်ကပြောပါတယ်။လူမှုကူညီရေးအသင်းတွေက စေတနာ့ဝန်ထမ်းတွေနဲ့ ဖွဲ့စည်းထားတာဖြစ်ပြီး အသင်းအများစုက ကိုယ်ပိုင်ရပ်တည်မှုနဲ့ လှုပ်ရှားနေကြတာပါ။ ဒါပေမဲ့ အသင်းမှတ်ပုံတင်ရတာနဲ့သက်တမ်းတိုးရတဲ့အခါ အခက်အခဲတွေရှိနေတာကြောင့် မှတ်ပုံတင်ဖို့ ကြန့်ကြာနေတာဖြစ်တယ်လို့သိရပါတယ်။ရန်ကုန်တိုင်းဒေသကြီး ခရိုင်လေးခုမှာ လူမှုကူညီရေးအသင်းပေါင်း (၁၆၇) သင်းရှိပြီး အသင်း မှတ်ပုံတင်လျှောက်ထားဆဲဖြစ်တဲ့ လူမှုကူညီရေးအသင်းတွေကတော့(၁၁)သင်းပဲရှိသေးတယ်လို့ သိရပါတယ်။

 

 

Related News