မူးယစ်ဆေးဝါးကုန်သည်တွေ၊ ရောင်းဝယ်ဖောက်ကားသူတွေရဲ့ တရားမ၀င်ပိုင်ဆိုင်မှုတွေ သတင်းပေးတိုင်ကြားသူကို နိုင်ငံတော်သမ္မတဦးဝင်းမြင့်အပါအ၀င် တာဝန်ရှိသူသုံးဦးသာသိရှိတယ်လို့ နိုင်ငံတော်အတိုင်ပင်ခံရုံးဝန်ကြီးဌာန ညွှန်ကြားရေးမှူးချုပ် ဦးဇော်ဌေးက ပြောပါတယ်။ နိုင်ငံတော်အစိုးရက မူးယစ်ဆေးဝါးအထူးသတင်းတိုင်ကြားရေးဌာနကို ဇွန်လ(၂၂)ရက်က စတင်ပြီး နိုင်ငံတော် သမ္မတရုံးမှာ ဒုတိယညွှန်ကြားရေးမှူးချုပ်တစ်ဦးက ဦးစီးပြီးဖွင့်လှစ်ထားတယ်လို့ သိရပါတယ်။  ဒီဌာနကို သတင်းပေးတိုင်ကြားတဲ့ သူတွေကို နိုင်ငံတော်သမ္မတအပါအ၀င်လူသုးံဦးသာသိရှိပြီး အကာအကွယ်ပေးထားတယ်လို့ သိရပါတယ်။

ဒါကြောင့် မူးယစ်ဆေးဝါးတွေ ကြီးကြီးမားမားရောင်းဝယ်နေသူတွေကို တိုင်ကြားတာတွေ ပြုလုပ်ဖို့လိုအပ်ပြီး ထိရောက်စွာအရေးယူသွားမယ်လို့ နိုင်ငံတော်အတိုင်ပင်ခံရုံးဝန်ကြီးဌာနညွှန်ကြားရေးမှူးချုပ် ဦးဇော်ဌေးက စက်တင်ဘာ (၂၁)ရက်  နိုင်ငံတော်သမ္မတအိမ်တော်မှာပြုလုပ်တဲ့ သတင်းစာရှင်းလင်းပွဲမှာ ပြောပါတယ်။ မူးယစ်ဆေးဝါးအထူးသတင်းတိုင်ကြားရေးဌာနကို တိုင်ကြားလာတဲ့မှုတွေကို နိုင်ငံတော်သမ္မတ ထံတင်ပြစိစစ်ပြီး နိုင်ငံတော်သမ္မတမှတစ်ဆင့် ပြည်ထဲရေးဝန်ကြီးဌာနကို တာဝန်ပေးအပ်လိုက်တာပါ။

ဒီနောက် ပြည်ထဲရေးဝန်ကြီးဌာနက တိုက်ရိုက်သွားရောက် မှန်ကန်မှုရှိမရှိစစ်ဆေးပြီး အရေးယူမှုတွေ ပြုလုပ်တယ်လို့ သိရပါတယ်။ ယခုလို ဖမ်းဆီးမှုတွေကို လုပ်ဆောင်နေပေမဲ့ မူးယစ်ဆေးဝါး ကြီးကြီးမားမား ရောင်းဝယ်သူတွေကိုတော့ တိုင်ကြားတာမရှိတဲ့အတွက် သတင်းမရရှိဘူးလို့  ဦးဇော်ဌေးက ပြောပါတယ်။  မူးယစ်ဆေးဝါး အထူးသတင်းတိုင်ကြားရေးဌာနကို ဖွင့်လှစ်ပြီးချိန်မှစပြီး  စက်တင်ဘာလ ၁၅ရက် နေ့အထိ  တိုင်ကြားမှုစုစုပေါင်း(၆၉၈)မှုရှိခဲ့တယ်လို့ သိရပါတယ် ။ ဒီတိုင်ကြားမှုတွေ ထဲက အမှုပေါင်း(၅၀၀)ကို ဆောင်ရွက်ပြီးစီးခဲ့ပြီး (၂၇၁)မှု ကို ဖွင့်လှစ်အရေးယူခဲ့ကာ တရာခံ ကျား(၃၅၂)ဦးနဲ့ မ(၆၉)ဦး ၊ စုစုပေါင်း (၄၂၁)ဦးဖမ်းဆီးရမိခဲ့တယ်လို့ သိရပါတယ်။ 

နိုင်ငံတော်အစိုးရအနေနဲ့ မူးယစ်ဆေးဝါးအထူးသတင်းတိုင်ကြားရေးဌာနကို နိုင်ငံတော်သမ္မတရုံးမှာ စတင်ဖွဲ့စည်းပြီးနောက်မှာ  မူးယစ်ဆေးဝါးအန္တရာယ်တားဆီးနှိမ်နှင်းရေးအတွက် ဒီဌာန ကို သတင်းပေးတိုင်ကြားနိုင်တယ်လို့ ထုတ်ပြန်ခဲ့ပါတယ်။ သတင်းပေး တိုင်ကြားလိုသူတွေအနေနဲ့ တယ်လီဖုန်း 067590200 ၊ဖက်စ်ဖုန်းနံပါတ် 067-590233နဲ့ E mail လိပ်စာ antinarcotics @presidentoffice.gov.mm ကိုဆက်သွယ်တိုင်ကြားနိုင်တယ်လို့ သိရပါတယ်။

 

 

Related News