ပြည်တွင်းစက်သုးံဆီဈေးတွေမြင့်တက်လို့အဝေးပြေးယာဉ်လိုင်းတွေအနေနဲ့တွက်ချေမကိုက်တော့တဲ့အတွက်ကားလက်မှတ်ခတွေတိုးမြှင့်ကောက်ခံနေတယ်လို့အဝေးပြေးခရီးသည်ပို့ဆောင်ရေးယဉ်လိုင်းအချို့က သိရပါတယ်။ အခုမိုးရာသီကာလဟာအဝေးပြေးယာဉ်လိုင်းတွေအနေနဲ့ခရီးသွားလာမှုနည်းပါးတဲ့ကာလဖြစပြီးခရီးသွားရန်နည်းပါးတဲ့အပြင်ဒီနှစ်မှာနယ်ဒေသအချို့မှာရေကြီးခဲ့တာကြောင့်ရာသီဥတုအခြေအနေမကောင်းတဲ့အတွက်ခရီးသွားလာမှုဟာပြီးခဲ့တဲ့နှစ်ကထက်ပိုမိုနည်းပါးနေပါတယ်။ဒါ့အပြင်လက်ရှိမှာလည်းပြည်တွင်းစက်သုးံဆီဈေးတွေဆက်လက်မြင့်တက်နေတဲ့အတွက်စက်သုးံဆီကိုအသုးံပြုပြေးဆွဲနေရတဲ့အဝေးပြေးယာဉ်လိုင်းတွေအနေနဲ့တွက်ချေကိုက်မှုနည်းပါးနေလို့ကားလက်မှတ်ခတွေတိုးမြှင့်ကောက်ခံလိုက်တယ်လို့အဝေးပြေးခရီးသည်ပို့ဆောင်ရေးယာဉ်လိုင်းပြေးဆွဲသူတွေကအခုလိုပြောပါတယ်။
  
လက်ရှိမှာတော့ခရီးဝေးတွေဖြစ်တဲ့မြိတ်၊ထားဝယ်၊ကော့သောင်း၊စစ်တွေ၊မုံရွာစတဲ့ဒေသတွေမှာလက်မှတ်ခတွေမူရင်းနှုန်းထားထက်ငွေကျပ်(၁၀၀၀)ခန့်မြင့်တက်သွားပြီးတောင်ငူ၊မန္တလေး၊ပြင်ဦးလွင်စတဲ့ခရီးစဉ်တွေအနေနဲ့အရင်ဈေးထက်ငွေကျပ်(၅၀၀)ခန့်မြင့်တက်သွားပါတယ်။အဲဒီလိုမြင့်တက်တာဟာစက်သုးံဆီဈေးမြင့်တက်လာမှုအပြင်ကားတာယာဖိုးတွေ၊အထွေထွေစရိတ်တွေလည်းမြင့်တက်လာတာကြောင့်လတ်မှတ်ခတွေကိုတိုးမြှင့်ကောက်ခံလိုက်တာဖြစ်တယ်လို့ပြောပါတယ်။

အဝေးပြေးယာဉ်လိုင်းအချို့မှာအခုလိုလက်မှတ်နှုန်းထားတွေအပြောင်းအလဲရှိပေမယ့်တန်ဆာတင်ပို့တဲ့နှုန်းထားတွေပြောင်းလဲမှုမရှိသေးဘူးလို့သိရပါတယ်။အဲဒီလိုလက်မှတ်ခတွေတိုးမြှင့်လိုက်ပေမယ့်အခုသတ်မှတ်တဲ့နှုန်းထားတွေဟာခရီးသည်တွေအတွက်အခက်အခဲမရှိတဲ့နူန်းတားတွေဖြစ်တယ်လို့ခရီးသည်တစ်ဦးကလည်းအခုလိုပြောပါတယ်။အဝေးပြေးယာဉ်လိုင်းတွေအဓိကအသုးံပြုပြေးဆွဲပေးနေတဲ့ဒီဇယ်ဆီဈေးနှုန်းတွေဟာမေလဆန်းပိုင်းကတည်းကစတင်မြင့်တက်လာတာဖြစ်ပြီးလက်ရှိမှာဒီဇယ်ဆီဈေးတွေအနေနဲ့တစ်လီတာကို(၁၀၀၀)ကျော်အထိရှိနေတယ်လို့သိရပါတယ်။လက်ရှိမှာလည်းခရီးသွားလာမှုနည်းပါးနေလို့ပွင့်လင်းရာသီကာလကိုစောင့်မျှော်နေရတယ်လို့အဝေးပြေးယာဉ်လိုင်းပြေးဆွဲသူတွေထံက သိရပါတယ်။

 

 

Related News